#طعنه فـي خاصره النسيان
الڪاتبه /شمس النائلي
ـ
ـ
ـ
دلهم ـ مرات نڪول ننسى من يتقدم العمر اثاري كل ما يتقدم تكثر جروحـنا وماكو مرهم يطيبهـا صار شخص بحياتي عابر واني كذلك صرت عابره ام لاطفالـه فقط اشوفه واطالعه وانقهر علــىٰ روحي ما مهتم لي اعيش اموت عادي عنده..!
بعد وقت وصلنا البيت بيت عادي مثل أي بيت دخلت الجدر عالنار ورجاء كاعده تنظف خضروات سلمت عليهن دخلت الغرفه كعدت رتبت ملابسنا ما طلعت وهمه تغدوا للعصر يلا دخلت الحمام وطلعت جانوا بالحديقة شافتني ذكرى واجتي
ذكرى ـ شدعوه عيني دلهم ما شفناج شدعوه بس سلمتي كلت اشوفج وراح نروح اني ورجاء حسين راح يجي علينا نمر ناخذ حنين
ـ حقج عليه بس التهيت ارتب الملابس تعرفين الهـوسه والجهال بس واحد يريد يخلص ويكعد
ـ ايي هم صدك يلا عيني بالخير عليكم وڪافي مشاڪل ترى اخوي تعب هواي
ـ خير لجميع ما جاوبته على اخوها لبست عباءتها وودعت رجاء وراحـن َهو كاعد ويه جمانه يضحك ولا باله ظالم وحده رجعت مشطت شعري وطلعت سويت عشه الله مطبخ ََوحدي َوبيتي بكيفي فرحانه بروحي افتر بالبيت محد يكولي وين تردين حتى هو صار اخـر همي واخر تفكيري
قررت اعيش لروحي وانطي حقوق اطفالي من التربيه وما اقصر وياهم بأي شيء وهو الحياة ما توكف عليه وعلــى احد.. دخـلت جمانه شافتنـي محضره كلشي من أكل ومقبلات من فرحـتي ما حسيت بالوقت شلون خلص وشبسرعه خلصت
جمانه ـ ما شاء الله خلصتي العشه بسرعه كلت اجي اساعدج وانتي مخلصه ومسـويه كومه بس منـو يخلصه ولج
ـ خيـر زايد بدأت تساعدني حضرته وياهـا عالميز الطعام اجه هو بدينه ناكل وبسم الله
لليل غسلت المواعين وهيه تصب جاي بصاله فتت من يمهم ودخلت غرفتي بقيت ارتب الملابس وجهال دخلوا وناموا يمي وهمه راحوا ناموا لنص الليل طلعت لكـيته نايم بالصالة بدون غطا عفته رحت شربت ماي ورجعت كملت نومتـي واتصل تلفوني راسأ ڪتمته صامت خاف يسمع باوعت الشاشة رقم غريب رجعته وڪملت نومتي رن اڪثر من مره آخر شي دز رساله ڪاتب بيها ( دلهم يروحي اني باقر بروح اعزاز گلبج جاوبيني
بقيت مصدومه ونفس الوقت ابتسمت عيني علــىٰ الباب رن وجاوبته الو
باقر ـ أفيش أفيش مو صوت والله بلبل يغردلي بحبج العافيه العمر كله شلونج ام يسوري..
دلهم ـ علــىٰ ڪيفك شجاج انفجرت وقت غزل بشرفك
ـ شلون ما انفجر مو حتى فحمت وطلعت روحي واني اشوفج ساحله نفسج وراه عاد كون يستاهلج
ـ ههههه خرب شبيك انت تخبلت بابا حرام لا تنسى اني متزوجه وانت اخ ضرتي ماله داعي السوالف روح نام حباب..
