#طعنه_في_خاصره_النسبان
#الڪاتبه ـ شّـمِـسًسًـ آلَنٌائلَي
گولولة كِلمات العَتب
تنگال بَس لِليستحق
مِن هاي ما عاتبتة
دلهـﻤ..
ـ صحيت من نومتي گلبي مقبوظ من شفت عمتي لليوم ما مرتاحه احسها ناصبه چنيتها علــىٰ الجهال بس لا تلوصها عليه وتاخذهم... نفضت فراشي باوعت تلفون اليوم دوامها مدري شلون اتصل واكول الهم اتصلت على جمانه ماڪو رد تالي عفته...
اباوع يسار من اجه من ابوه ماله خلگ ولا سمعت صوته ساكت كربت يمه حاجيته وليدي بيك شيء أمي انت
يسار ـ لآ ماما ما بيه
دلهم ـ علــىٰ راحتك أمي صفنت روحته يم ابوه قلبت موازينه دوم صافن ماله خلگ ما صدكت تحسن مزاجه اه منك غياث لو تأخذه تگابله لو تعوفه يمي... رن الجرس باوعت ساعه ٨ صارت خير من يجيني هيج وقت أمي فزت جاوبتها رجعي نامي اگوم اشوف منو
ميسون ـ خاف هذا ابوج اجه كال يخلص شغل يمرلي ياخذني
دلهم ـ ماشي رحت وتحز بگلبي روحه امي ياريت تبقى يمي علاقل اتجفى شر نهى وسوالفها..
فتحت الباب قافله من نوع الاخر كلهن وجوهن سود ابتسمت ابتسامة مزيفه هلا بيجن
ضفاف ـ وبيج اكثر حبيبه شلونج چينا نسلم عليج قبل لأ انروح لديارنا..
دلهم ـ كل الهلا بيچن دخلن وياهن حنين بوستها رجاء متغيره حيل ولا عرفتها حتى سلامها بارد رحت جبت الضيافة رجعت اسينات كالت
اسينات ـ شلون عايشه وحدج ما تخافين يمه زين باقيه اني لو منج دقيقه ما ابقى وحدي..
دلهم ـ ردت اجاوبها دخلت أمي عليهن هيه جاوبتهن
ميسون ـ اني يمها واخوها يمها على شنو تخاف وهيه سباعيها ما عليها خوف..
ضفاف ـ ايي بنتج بعد كل الهلا بيج ام إيهاب
