يالغايب الي كبلتني مراسيك نورس حنيني عاف كل المواني

بارت 1

من أبحار الكاتبة / أمجاد الشمري

بالرغم من انه لايمكن أن نعود إلى الوراء "
لنصنع بدايه جديده الا ان يمكن ان
نبدأ من الان صناعه نهايه جديده

" لاتقف في البدايه الطريق ان وجدت "
صخره فهذه جزء من جسر ستبنيه يوماً لمستقبلك

" ان القيام بخطوه جديده او التلفظ "
بكلمه جديده هو أكثر ما يخشاه الناس

.

.

.

إلى القارئون المستمتعين بالقراءة دون تصيد الأخطاء
وردع اختلاف الاراء من يقرئون الروايات للمتعة وليست للذريعه
من يؤمنون ان الخطأ جزءاً من الحياة

.

.

.

احداث هذي الروايه من وحي الخيال ولا يوجد واقعيه داخلها فأن وجدتم
اختلاف بواقعها مع واقعكم فهذا لايعني انها ليس من واقع شخص اخر

................................................................

مخيلتي...

في قصر الامير مطلق بن جسار " الساعه ٩:٢٢ الصباح "
كان الهدوء يعم القصر في الدور السفلي مافيه الا هي والشغالات الي كانوا يتعاونون لأجل ينظفون القصر الي من كبره يصعب عليهم ينظفونه رفعت الستاره وفتحت الباب استحوذ شعاع الشمس ارجاء المكان وغمضت عيونها بسبب اشعه الشمس القويه ، سيطر دفى الشمس على القصر اخذت شهيق وزفير وناظرت للشغالات الي ينظفون وبعدها اتجهت للمطبخ وطلعت الخيار الي كانت الطباخه غاسلتهم ومنظفتهم وجلست تقطعهم برواق
دخلت على امها وشافتها تقطع الخيار للفطور تقدمت لامها وجلست تناظرها وبحركة سريعه باست راسها ضحكت ترف لما شافتها منخرشه
ريم بخرشه : بسم الله خوفتيني يابنتي
ترف بأبتسامه : الله يهديك يايمه عندك طباخه وداخله للمطبخ تقطعين خيار
ريم الي مندمجه بشغلها : اعرف ياتروف بس انا احب الشغل تعرفيني احب الطبخ
ترف ابتسمت بكلافه : تبيني اصحي خواتي
ريم وضعت كغها بجبينها تتذكر : ايوه نسيت ابوك يقول عنده سالفه بالفطور قالي اصحيكم بس نسيت الظاهر انه عنده مفاجئه لكم كذا حسيت
ترف غمزت : افا عليك الحين اصحيهم
خرجت ترف وهي تركض خارج المطبخ وتركت امها الي تضحك على نشاطها وسوالفها
دخلت للغرفة شافتها مستلقيه على فراشها ونايمه بهدوء وسكينه وفتحت الستاير
سهر بأنزعاج : سكري الستارة ماتشوفيني نايمه
حطت ترف يدها بخصرها : لا والله متى بتصحين خلصيني وراي ليل بصحيها وامي تقول لك ترا ابوي عنده شي بيقوله بالفطور مهم واتوقع انه مفاجأه
سهر بغضب : طيب بس انقلعي
خرجت ترف من الغرفه وقفت سهر على اقدامها بصعوبه من التعب لبست فلاتها واخذت نفس طول وهي تردد دعائها المعتاد سهر بهمس : اللهم اجعل لنا من كل ضيق مخرجا ومن كل هم فرجا ومن كل بلاء عافيه دخلت للحمام بهدوء وفتحت الحنفيه وغسلت وجهها وفرشت أسنانها وخرجت جلست على تسريحتها تمشط شعرها الطويل البني ولمتة لفوق وفتحت درج الميكب وحطت ميكب خفيف فتحت الدولاب تختار البدله المناسبه ووقع الاختيار على بلوزه لونها ابيض وبنطلون قطن ابيص واسع لبست وتوجهت إلى قسم العطور اختارت عطرها المفضل بالمسك وبخت منه على نحرها وشعرها وملابسها اخذت جوالها وخرجت من الغرفه