بعد ساعه ونصف....
ريم : بنات انا خلصت كل شي بروح اجلس بكوفي وانتوا خلصوا اشغالكم رجولي جالسه تعورني
ترف : روحي روحي ارتاحي احنا مطولين مره
سهر : اي ماما الحين الساعه 4 احنا نخلص الساعه ٧ او ٨ زي كذا
ريم : اجل انا بروح اجلس
راحت ريم اما ليل اتصلت بدانه وردت
دانه : اهلين ليول
ليل : اسمعي دانه دام انك انتي بالسوق اسمعي ابيك تجين معنا وينك
دانه : سينومي النخيل مول انا بجي عندك وينك
ليل : سنتريا مول عند افانتي انتظرك
دانه : ليل افانتي بعيد وقفي عند آرماني جونيور حق ملابس الاطفال أقرب عشان اول ما ادخل القاك
ليل : طيب طيب
سهر : ها تجي ؟
ليل : امشوا عند ارماني جونيور
ترف : يلا
بعد ١٧ دقيقه
شافتهم دانه ومشت لهم : عسى ماتأخرنا
ليل : مره تأخرتوا
ملاذ : ماعليه ماعليه النخيل مول بعيد عن سنتريا
ترف : طيب امشوا
سهر : بنات انتوا وش ناقصكم
ليل : كل شي
دانه : انا ابي فستان من افانتي
ترف : طيب انا بروح جيفنشي اشتري فستان وكعب واكسسوارات كلها من عندهم مين تجي معي
ملاذ : انا كمان معك
ليل : انا بروح اشوف بس مع دانه
دانه : من وين راح تشترين فستانك
ليل : من محل المصممه الجوري ذيك اللي دايم نأخذ منها وابي من كارتير أسواره وابي عطورات اشوف من وين اشتريها وقبل شوي مريت من جيمي تشو وعجبني كعب يعني عندي شغل كثير
دانه : طيب المسكه شصار عليها
ليل : خلاص اخترت المسكة من الانستا حساب مصممه وبتوصل الليله اذا رجعت
دانه : خلاص انا بخاويك
سهر : بنات انا ابي اروح لوحدي عشان ولا وحده منكم زي المحلات اللي ابيها
ليل : طيب سوسو انتبهي لنفسك كويس
دانه : ملاذ انتي وترف يمين يسار مانبي
-
كانت تمشي في المول تدور محل يلفت نظرها وقفت عند محل بربري لما شافت بليزر طير عقلها : هذه هو
دخلت داخل واخذت القطعه بدون تردد وحاسبت عليه وخرجت والابتسامه شاقه وجهها وجلست تكلم نفسها : خلاص سهر اخر مره تشترين اشياء مالها دخل بالملكه
عقدت حجاجها لما شافت علي وسعد يمشون مع بعض ويهرجون وحاولت تهرب قبل يشوفونها لكم عرفها علي وتقدم لها : دقيقه دقيقه وين تبين تهربين
سهر بمزح : اعوذ بالله لابسه نقاب وعرفت وجهي
سعد بمزح : لا انا عرفتك من مشيتك المعاقه
ضربته بالكيس بخفه : انكتم
علي : كيف حالك سهر
سهر : بخير الله يعافيك
علي : جايه لوحدك ؟
سهر : لا مع خواتي وامي بس تفرقنا كل وحده تبي محل
سعد : ليل لوحدها
سهر : اي
سعد : اخو العيال وينها
سهر ضحكت : يعني بتروح عندها
سعد : اي
اتصلت سهر ب ليل تحسب سعد يمزح
سهر : ليل وينك
ليل : اشتري عطور
سعد اشر لها تسالها اي محل
سهر : اي محل ؟
ليل : سان لوران
سهر : طيب باي
سعد يمشي : مع السلامه
علي : من جده ذا
سهر : لا تكفون مو منجده
علي بجديه مازحه : اا...انتي ليه لوحدك يلا قدامي
ضحكت سهر : وش
علي : عاد صدق مايصير اخليك لوحدك اليوم المول مليان رجال وزحمه انتي امشي وانا بمشي جنبك بس ببعد شوي
سهر استغلت الفرصه وهزت راسها : طيب
مشت سهر وعلي وراها
أنت تقرأ
يالغايب الي كبلتني مراسيك نورس حنيني عاف كل المواني
Romantizmالكاتبة/أمجاد الشمري رواية عائليه ، تتكلم عن واحد يحب بنت عمه الي تصغره ب7 سنين وهي تبادله نفس الشعور ويتم زواجهم بسهوله لكن هل علاقتهم بتصير سهله بدون عناء زي زواجهم ولا بيدمرها شي معين ؟؟ ،،، حياة الأمراء علي 🌷 سهر لكل كابلز قصة مؤثرة جداً بالل...
