يالغايب الي كبلتني مراسيك نورس حنيني عاف كل المواني

بارت 21

يوم الملكة....

عند قصر سالم بن جسار ال زيدان
تقدم له سلطان شافه جالس يدخن ويناظر لجواله
جلس جنبه والشاهي بيده : ارسلت الورد والقهوه
نزل سعد جواله : ايوه أرسلته ارتحت الحين
سلطان : الحين انت ليه ضايق وين المشكله اذا ارسلت لها ورد ذي زوجتك
سعد : لاتقول زوجتي انا انجبرت عليها
سلطان : عيب عليك تقول كذا عن زوجتك
مارد سعد عليه ونفث الدخان
سلطان : يلا قم
سعد : على وين
سلطان : تستهبل نسيت انه اليوم ملكتك
سعد : لا موب ناسي
وقف سلطان : يلا قم
سعد : وين نروح
سلطان : الكوفي ومن بعدها للمصبغه نطلع ثوبي وثوبك وبعدها نمر الساعات ناخذهم
سعد : ماني رايح رح لحالك
سلطان ضربه بكتفه بخفه : اقول قم لا يجيك الحين اقوا كف بحياتك
وقف سعد : انا بروح انام وصلوني قبل الملكه بساعه عشان البس
مشى سلطان : اقول الحقني للسيارة
سعد : والله انك نشبه

-

عند قصر مطلق بن جسار ال زيدان في الساعه ١١:٥٦
الظهر في المجلس جالسات سهر وترف وامهم ريم معهم تقدمت الشغاله فيولا وبيدها صينية القهوه نزلت القهوه على الطاوله كل وحده اخذت قهوتها وتشرب
ريم : بس نخلص القهوه نصحيها حرام امس مانامت كويس
سهر بضيق : ماما يعني ليل بتتزوج وتتركنا
ريم تحاول تمسك دموعها : لاتبكوني وحاولوا تبينون لها انه الوضع عادي لاتبكونها
ترف : طيب متى العرس
ريم : ابوك قال على الشهر الجاي العرس بس يحددون يوم ويحجزون القاعه
سهر : ماما ليه جدي سوه كذا؟؟!!
ريم : لو بيدي الموضوع وقفت بوجه الكل واعارضهم بس ا.....
ماقدرت تكمل كلامها نزلت راسها ومسحت دموعها بيدها
تقدموا سهر وترف لها وحضنوها
سهر : خلاص ماما لاتبكين
ترف : انتي تشوفينها كذا زعلانه بس ترا عادي كثير بنات انجبروا يتزوجون من ناس مايبونهم بعدين تتعود وتصير تحبه وتشوفين بعدين راح تجي عندك وتقولك انا حبيته وانبسطي اليوم ملكة بنتك الكبيره
ريم رفعت يدها تدعي : اللهم وإن عز طلبي فأنت العزيز الذي لا يعجزك شيء في الأرض ولا في السماء، يسر امر ابنتي واقضي حاجتها يا من تقول للشيء كن فيكون
ناظرت سهر لامها : خلاص ماما انبسطي يلا اشربي قهوتك خل نصحيها
اخذت سهر فنجال امها بتعطيها ناظروا للباب من سمعوا صوت جرس
نزلت سهر الفنجال بأستغراب : ماما بابا نايم صح
ريم : ايوه غريبه مين يضرب الباب في ذا الوقت
تقدمت فيولا تفتح الباب
ناظروا للباب
فيولا اخذت البوكيه : اوكيه
قفلت الباب وتقدمت لهم بالمجلس
سهر : مين ؟؟!!
فيولا : هذا ورد وقهوه حق ليل
مدت الورد والقهوه لسهر
اخذته سهر وحطته في الطاوله اخذت الكرت وفتحته وقرئت المكتوب بصوت شبه عالي : اليوم لازم يكون يوم مميز بالنسبة لي ولك وانا حبيت اني اضيف لمسه بهذا اليوم المميز من سعد
سهر : شفتوا قلت لكم سعد كويس واكيد بعد الزواج بيتعدل ويعقل
ترف : اي ليل قويه بتمشيه على الصرلط المستقيم
ريم : حليله الله يصبحه ويهديه
ناظرت لترف : روحي صحي ليل قوليلها تنزل بسرعه
ترف : طيب ماما
صعدت ترف لغرفت ليل شافتها جالسه في البلكونه استغربت انها صاحيه مع انه امس مانامت بدري
تقدمت لها بشويش جلست بجنبها شافتها تناظر للحديقه ومشبكه يدينها ببعض بصمت واضح انها تفكر
ترف بصوت هادي : صباح الخير
ليل بصوت مخنوق : صباح النور
ترف : امي تبيك تحت
ليل : اوكيه الحين نازله
وقفت ترف بتطلع لكن التفتت من سمعت صوت شهقاتها تقدمت لها وحضنتها بقوه : بليز لاتبكين امي اذا شافتك كذا بيصير فيها شي
ليل بدموع : ليه ابوي رضا اتزوج سعد ، باعني لهلدرجه انا رخيصه بالنسبه له
ترف : لا انتي مو رخيصه بالنسبه له بس مايقدرون يوقفون بوجه جدي بليز لاتبكين امي بيتقطع قلبها عليك كل شوي تبكي وتدعي لك مابيدها شي تسويه ابتسمي وبيني لها انه عادي انتي ومبسوطه بملكتك
ليل : كيف ابين اني مبسوطه وانا زعلانه مب بس زعلانه مكسوره من اقرب الناس لي ابوي يسوي فيني كذا ولا فكر حتى يبرر لي ولا يحاول يكلمني من ذاك اليوم ماشفت وجهه ليه للليههه ولا فكر حتى يسئلني اذا موافقه او لا دايم اسمع امي تكلمه تقوله بنتك ليل مو موافقه ودايم تبكي يسكت ولا يتكلم ليههه؟؟!!
ترف وهي تشدها لحضنها : لاتقولين كذا والله يحبونك بس مايقدر يشوفك مكسوره ولا يقدر يسوي شي لانه يدينه مربوطه مايقدر يوقف بوجه ابوه ؟؟!!
مسحت ليل دموعها ووقفت : من اليوم انا يتيمه ماعندي اب اسمه مطلق انا ابوي بالنسبه لي ميت وبتزوج سعد
ناظرت ترف لها بأستغراب : اسم الله عليك صارلك شي
ليل تمثل القوه : لا ماصارلي شي انا اليوم اكثر يوم كويسه فيه
نزلت ليل وترف وراها تلحقها وقفت ليل امام ريم ونطق : ماما انا موافقه ولاتزعلين علي انا كويسه ومبسوطه في ذا اليوم
ابتسمت ريم من التغير ولا كنها قبل كم يوم معارضه على الموضوع : الله يسعدك ياروح امك
سهر وهي تناظر للبوكيه والقهوه الي في جنبها : تعرفين مين جاب لك الورد والكوفي
ليل بتساؤل : مين امي؟؟!!
اخذت ترف الكرت ومدته لليل الي اخذته وقرئت المكتوب ابتسمت ابتسامه مزيفه : طيب بصور البوكيه والكوفي
سهر : صورت لك صوره تجنن
ليل : خلاص ارسليها لي بحطها ستوري
سهر : تم
اخذت ريم جوالها واتصلت على الميكب ارتست : بتصل عليها طولت متى بتحط لك مكياج
ردت عليها الميكب ارتست
ريم : سلام عليكم اختي ميان انا حاجزه عندك المفروض انتي الحين عندي بالبيت
ميان : العروس ليل ؟؟!!
ريم : ايوه ليل
ميان : معليس بس عندي حجوزات واجد وزحمه ان شاء الله خلال ساعه بكون عندكم وان شاء الله بعوضكم عن تأخيري والي تبونه تم
ريم : ياقلبي الله يسلمك بس ياليت لو تستعجلين
ميان : اكيد اكيد
قفلوا من بعض
ريم : خلال ساعه بتكون متواجده يلا تجهزوا
وقفت سهر ومسكت يد ليل وترف نفس الشي باليد الاخرى ووقفوها
ليل : طيب الورد
سهر : معليك معليك الشغاله بتصعده ماما قولي لفيولا تصعده مع الكوفي
ضحكت ريم : ان شاء الله يلا اصعدوا والبسو وانا لاحقتكم
صعدوا البنات مع بعض وهم يضحكون جلست ليل على الكرسي
ترف : يلا غمضي عينك في مفاجئه
ليل ابتسمت تحاول تنسي نفسها رغم الالم الي بداخلها : الله يستر وش عندكم
توجهت سهر لغرفتها بسرعه واخذت الاكياس ودخلت للغرفه حطت الاكياس امام ليل
سهر : افتحي عيونك
فتحت ليل عيونها شافت الاكياس لكن ماعرفت وش بداخله
سعر : افتحي الاكياس وش فيك
ضحكت ليل : معليش مو نايمه زين
طلعت البوكس من الكيس شافته مغلف باللون الاسود وبنصه مزين بورد احمر ومربوط بشريط ابيض ناظرت لهم : وش فيه
ترف رفعت جوالها تصور : افتحي وشوفي
فتحت ليل البوكس شافت روب مكتوب عليه
عروستنا ليل حطت يدها بفمها بفرح : واو يجنن
دمعت عيونها
سهر مسحت دموع ليل بالمنديل : لا اليوم مانبي بكي
ترف : في سبرايس ثانيه
ليل بحماس : وشو
دخلت ترف لغرفه التبديل الخاصه فيها واخذت الكيس ومدته لليل الي شهقت من شافته ووقفت وحضنت خواتها جلست وفتحت الهديه الي كانت طقم الماس فخم يحتوي على عقد وحلق وخاتم واسواره
ترف : اعرف انك كنتي متضايقه يوم كنتي تجهزين لملكتك وماكنتي مقتنعه بالطقم الي امي اختارته لك لانه ماكان لك خلق ف رحنا واشترينا ذا لك حق الملكة شوفي كيف يجنن
ليل وهي تتأمل الطقم بأبتسامه خفيفه : الله يخليكم لي ولا يحرمني منكم
سهر : يلا بعد ساعه الارتست تجي ادخلي خذي شور
وقفت ليل : طيب
ناظرت للعلاقه وبأستغراب : وين منشفتي
سهر : داخل الحمام
ليل : طيب
طلعوا ترف وسهر من الغرفه وتركوها دخلت للحمام وقفلت الباب كانت بتهزمها دموعها لكنها منعت دموعها بالنزول : انا قويه ماراح ابكي لازم اكون ريلاكس
ناظرت للبانيو شافت البانيو معبى مويه دافيه وكله ورد ورغوه وبجنب البانيو سكرابات و شامبوهات وشور جيل
بعد ما رمت ملابسها بسلة الملابس دخلت للبانيو وبدئت تغسل جسمها وشعرها وسوت سكراب بعد ان انتهت طلعت من الحمام
وهي لابسه منشفتها

-

دخلت لغرفة ملاذ شافتها ماسكة جوالها تطقطق فيه : ملاذ ؟
ملاذ : تخيلي دانه من امس مانمت
دانه : ليش
ملاذ : مدري ماجاني نوم بعدين تعالي وش الاصوات ذي
دانه ضحكت : سلطان قاعد يقنع سعد يتنظف ويضبط نفسه وسعد يقول بس بتروش وبنتظر الملكه
ملاذ : اي دايم صراعات بين سلطان وسعد
دانه : يلا قلت الشغاله تضبط الفطور انتي غسلي وجهك وتعالي نفطر مع ماما وبعدها نروح للكوافير
ملاذ : طيب
طلعت دانه من الغرفه ودانه دخلت للحمام تغسل

-

في الدور العلوي جالس سعد على الكنب وسلطان يقنعه يروحون مع بعض للحلاق سعد : مابي مابي
سلطان : و تروح شعرك كذا
سعد : عادي راح اكون لابس شماغ
دخل نايف : خير
سلطان : شف اخوك مايبي يعدل شعره ولا يضبط نفسه
نايف : سعد قدامي عالحلاق
سعد : امس رحت
نايف : مو شعرك ولا لحيتك بينظفون وجهك المعفن
سعد شبه غضب : اووووف طيب
وقف سعد بغضب ودخل لغرفته يبدل اما سلطان اخذ مفاتيح السيارة ونزل ينتظره