يالغايب الي كبلتني مراسيك نورس حنيني عاف كل المواني

بارت 14

الساعه 12:08 عند قصر الامير مطلق بن جسار ال زيدان
طلعت من غرفة التبديل بعد ماغيرت ملابسها ولبست بجامه مريحه قفلت النوار واستلقت على فراشها مسكت جوالها تشوف الستوريات شافت الستوري صورتها مع بنات تذكرت يوم علي اتصل على سمو تحذفها
فقلبها : معناته شافها اووف كله منك ياسمو معقوله شافها طيب كيف كل البنات موجودات في الصوره
قفلت جوالها وناظرت لسقف الغرفه واتسع مبسمها لما تذكرت شكله قبل العيد بيوم لما كان لابس ثوب ومسوي عصبه وريحته عود وكيف ان شافها في الكوفي وكيف اصر عليها تطلب كوفي مع سمو مسكت راسها بأحراج وقلبت للجهه الثانيه وغطت وجهها بالحاف وهزت راسها تطلع هالافكار من بالها وغمضت عيونها إلى ان نامت

الساعه 12:08 في قصر الامير متعب بن جسار ال زيدان مستلقي على فراشه ومبتسم يتذكر الصوره الي شافها اليوم وشكل سهر بالصوره الي لفتت انتباهة من بين كل البنات الي بالصوره فز من حس بشخص فتح الباب بقوه
علي الشاف رعد : وجعه طيب وجعه خرشتني الله يخرشك وش تبي
رعد : وين شحني
علي : وانا شعرفني اقول اذلف وقفل الباب وراك واخر مره تدخل علي الدخله ذي
رعد : طيب اوامر ثانيه
ناظره علي : انت كمخه ماتفهم بنام اطلع
رعد : انا متأكد انه شاحني معك بس طلع عشان تعبان وبنام
طلع رعد وقفل الباب وراه
همس علي : غبي
غمض علي عيونه لجل ينام

في المجلس دخل سعد وهو غضبان يمشي بسرعه كبيره شافته نوره الي جالسه بالكنب وبناتها ملاذ ودانه
وقفت نوره : سعد وش فيك
تركها سعد ومارد عليها
ملاذ بصوت عالي : ترا عيب عليك تطنش امك وهي تكلمك
دخل سلطان وراه
نوره مسكت ذراع سلطان : صاير شي
سلطان : لا مافي شي بس جدي شوي عصب عليه
نوره زفرت براحه : اشوه حسبت في شي كبير
سلطان : لا كالعاده يسوي شي ينرفز جدي وجدي يعصب عليه وهو يزعل
دانه : ويع مريض في احد يزعل من جده
سلطان : وانتوا ليه مانمتوا
نوره : انا جالسه اشرب شاهي بس اخلصه اصعد انام وقلت للبنات يجلسون معي بس اخلص كلنا نصعد
سلطان : ايه زين
نوره : طيب يلا ياولدي روح نام عشان يمديك تصحى وانت شبعان نوم
باس سلطان راسها : طيب
صعد سلطان لغرفته

الكل نام .....

الساعه 5:09 المساء دخلت ريم على غرفت سهر شافتها نايمه بفراشها والميكب بوجهها مامسحته فتحت الانوار وتقدمت لها ومسكت كتفها هزته خفيف تصحيها
ريم : سهر سهر حبيبتي يلا الساعه 7 بنمشي والحين الساعه 5 مافي وقت يلا اصحي وتجهزي
تثاوبت بتعب : طيب طيب الحين اصحى
ريم : الله يخليك لاتتأخرين مافي وقت اصحي وخذي شور والبسي بسرعه
سهر وهي تحاول تفتح عيونها من النور : من عيوني
ريم : اجل انا بروح اصحي ليل وترف
سهر : طيب
طلعت ريم من الغرفه اما سهر اخذت منشفتها ودخلت تاخذ شور
في جهة ثانيه من القصر دخلت لغرفت ليل شافتها جالسه على التسريحه تحط من كريم اللفندر الي ريحتة انتشرت بالغرفه وتغني وجنبها شموع
ريم : ياعيني من متى صحيتي
ليل : صحيت الساعه 4 مكسله لكن ضغطت على نفسي ودخلت اخذت شور والحين جالسه البس برواق احسن من سهر وترف الي للحين نايمات
ريم : زين سويتي احسن من سهر وترف الحين بيصحون مايمديهم يتجهزون
ليل غمزت لريم : افا عليك طالعه عليك اعرف ادبر اموري
ريم : ترا طلبت لكم كوفي وقلت لايدا اذا وصل الطلب تجيبه لكم وطلبت لك كرواسون ساده اعرفك تحبينه
وقفت ليل وباست راس امها : فديتك ياخي اطلق ام بالعالم
ريم ضحكت : بس بسرعه تجهزي مافي وقت
ليل : ابشري
ريم : تبشرين بالجنه يلا انا رايحه اصحي ترف الله يعين ماراح تصحى بسرعه
ضحكت ليل : الله يعينك عليها العوبه
ضحكت ريم وطلعت من غرفة ليل وقفلت الباب تقدمت لها ايدا وبيدها اكياس الكوفي ومدت الاكياس لريم
اخذت ريم الاكياس : اوردر الحلا وصل ؟؟!!
ايدا : لا بس هذا اوردر
ريم : طيب
دخلت لغرفة ليل وبيدها اكياس القهوه
ليل : ها وصل ؟؟!!
ريم وهي تطلع قهوة ليل : ايوه
مدت الكوفي والكرواسون لليل : بالعافيه
اخذت ليل الكوفي : يعافيك ياعمري
طلعت ريم ودخلت لسهر الي كانت تتروش
تقدمت للحمام ومن ورا الباب : سهر ترا طلبت لك كوفي وكوكيز الي تحبينه بحطه لك على التسريحه بالعافيه
سهر : طيب ياقلبي تسلمين عاد كنت ابي شي يصحصحني
ريم : يلا انا بتركك
سهر من ورا الباب : طيب
طلعت ريم اما سهر اخذت شور جيل المفضل الي كانت بريحة اللافندر حطت منه على الليفه وجلست تنظف جسمها وبعدها غسلت جسمها واخذت منشفتها ولبسته وطلعت من الحمام ولبست فلاتها وتقدمت للتسريحه شافت قهوتها والكوكيز رشفت شويه من الكوفي
سهر بأستمتاع : الله يالشعور
جلست وهي تشرب من القهوه مشطت شعرها ورفعته وبدئت تحط من كريماتها المرطبه على وجهها وجسمها وطلعت معطر الجسم بريحة المسك وبدئت تبخ على نحرها ويدينها واماكن النبض كان عطرها المفضل
الي يشم ذي الريحه يعرف انه سهر موجوده كانت تتميز بذي الريحه الخاصه فيها رجعت العطر لمكانه وبدئت تحط ميكب خفيف يبرز جمال ملامحها الحاده وغمازاتها وشامتها الي تحت شفايفها كانت تتميز بجمالها وشامتها وغمازتها مو بس بعطرها كانت مميزه بكل النواحي من ناحيه الجمال والاناقه والنظافه واسلوبها العسل
ناظرت للمراية بعد ما انتهت من المكيب
سهر بأنبهار : لا صدق واو انا سويت ذا الميكب ما اصدق
فتحت شعرها الاسود اللي توسط ظهرها كان نص مبلول ونص ناشف قسمت شعرها وبدت تستشوره وقفت بحيره : امم اخليه نص ملموم ونص مفتوح ؟ ولا كله مفتوح
دخلت ليل الغرفه : سهر سهر سهر ابي جهاز الويفي وينه
سهر تطالع ليل وماردت استغربت ليل ونطقت : هيه بنت
سهر بعصبيه : اهلي تكاسلوا عن تربيتك ؟ طقي الباب
ليل تجلس على التسريحه : شدعوه تراك اختي
سهر : بالدرج الثالث
ليل : ماراح تسوين شعرك ويفي ؟
سهر : لا ليه
ليل : احلى ويفي احس الستريت مره ناعم
سهر تفكر : يمكن اسويه ويفي بس..
نزلت راسها وتذكرت موقف صار لها بالعيد