يالغايب الي كبلتني مراسيك نورس حنيني عاف كل المواني

بارت 8

في البدايات يتعاملون بأقنعتهم وفي النهايات يتعاملون بوجوههم الحقيقيه لذا البدايات أجمل والنهايات أصدق 🌷

.

.

.

(الكاتبة/أمجاد الشمري✍)

.

.

.

في قصر الامير سالم بن جسار ال زيدان
دخل للقصر بيصعد لجناحه لكن استوقفه اصوات خواته الي يتهاوشون تقدم لناحية الصالة وباس راس امه وجلس جنبها
نايف وهو يوجه الكلام لملاذ ودانه : وش فيكم
ملاذ : بيجون اهل جدي من الديرة وامي قالت وحده تجهز الجناح وانا قبل شوي كنت بمحل الحلويات وشريت حلا العيد الحين مين المفروض ينظف
نايف : يمه انتي عندك شغالات وشوله البنات يجهزون الجناح
نوره : لازم يتعلمون على السنع مايصير طول اليوم جالسات على الجوالات
نايف : خلاص دانه انتي روحي جهزي الجناح وبكلم فرح تنزل تساعدك
نوره : مافي داعي خلها اكيد عندها شغل للعيد
نايف : لا يمه معليك مغير جالسه على الافلام بكلمها تساعد دانه خل تتحرك شوي
ناظر نايف لدانه الي ماسكة جوالها : فزي
تكتفت دانه بتأفف : اوكيه
وقفت دانه وخرجت من المجلس اما نايف صعد
لجناحه وفتح الباب ودخل شافها جالسه على التلفزيون وتاكل فشار تقدم لها وجلس في الكنب
نايف وهو يطلع جواله من جيبه : دانه بتجهز الجناح روحي ساعديها
نزلت فرح الفشار من يدها : ليه انا اساعدها عندكم 3 شغالات بالبيت ايش وظيفتهم ؟؟!!
غمض نايف عيونه وشد على قبضة يده : اخر مره اقولك انزلي لاتخليني امد يدي عليك
وقفت فرح بغضب وتوجهت لغرفتها لبست ثوبها واخذت غطوه وخرجت من غرفتها ناظرت لنايف الي جالس يدخن ويناظر لجواله
ناظرته من فوق لتحت بقرف وخرجت من الشقه ونزلت
دخلت للصاله
فرح توجه كلامها لنوره : نايف قالي انزل اساعدك مع انه عندكم شغالات بس شسوي جيت
دانه الي كانت ماسكة جوالها نزلته وبغضب : الدبدوبه شعندها شايشه اقول هدي ولاتتكلمين مع امي بهالطريقه لا والله اخليك تحضرين العيد ويدك مكسورة
فرح بغضب : وريني وش بتسوين ؟؟!!
تقدمت دانه لفرح وبصراخ : انا اوريك
مسكتها نورة من ذراعها : هدي يادانه
فرح : بدال لا تمسكينها تضربينها تقولين لها هدي خايفه من دانه
دانه بأندفاع : انا اوريك يالكلبه
جرتها دانه من شعرها ونورة تحاول تفرقهم عن بعض تعالت الاصوات ودخل سلطان وشافهم يتهاوشون
سلطان وهو يقض البصر وبصوت عالي : هييي ابعدوا عن بعض
وقفت دانه وناظرت لها بوعيد
تغطت فرح بغطوتها الي كانت براسها
سلطان يوجه كلامه لفرح : انتي وش نزلك
فرح بغضب : اساساً انا ماكنت ابي انزل بس اخوك ال...
قاطعها سلطان وبصراخ : انتي تماديتي بالحيل وصلت فيك المرحله تضربين اختي قدام امي
ناظرته فرح بقرف : اتوقع محد علمك ان المفروض تحترم زوجة اخوك الي اكبر منك ؟؟!!
سلطان بغضب : فرح لمي اغراضك وروحي لاهلك وان كان نايف يبيك يطلعك بشقه ايجار ولا تجلسين معنا وترا العلم بيوصل لابوك
نوره مسكت سلطان من ذراعه : استهدي بالله ياسلطان
فرح بأستفزاز : ماني طالعه من هذا البيت
تركتهم وصعدت لجناحها بينما سلطان الي كان دمه يفور من الغضب مسك جواله واتصل على نايف
نايف : وش فيك ياولد متصل بنام
سلطان بغضب : انزل امي تبيك
قفل جواله وجلس على الكنب وهو حاط يده براسه
نوره بحنيه : ياوليدي لاتصغر عقلك اتركها عشان اخوك نايف
دانه : الا زين سويت فيها قليلة حيا
دخل نايف بخوف : اسم الله وش فيه؟؟!!
وقف سلطان وبغضب : فرح ضاربه دانه وتقل ادبها علي وعلى امي
فز نايف : فرح سوت كذا !!!
سلطان : انا لو زوجتي قلة ادبها على امي او خواتي انحرها تعرف وش انحرها......اقول رح بس ادبها قليلة الحيا
تركهم نايف وتوجه لجناحه وبراكين من الغضب داخله دخل شافها حاطه رجل على رجل ومندمجه مع الشاشه
تقدم لها وشدها من شعرها بقوة
صرخت فرح بألم : وجع بعد يدك عني
نايف بوعيد : انا اوريك يافرح
شدها من ذراعها ورماها في الغرفه وصفعها كف وبغضب : تذكري زين راح اخليك تكرهين اليوم الي ولدتي فيه اليد الي تنمد على خواتي او امي اكسرها
خرج من الغرفه وقفلها بالمفتاح

-

في قصر الامير متعب بن جسار ال زيدان
تحديداً في الصاله اليوميه جالسه الام سارة مع سمو
سمو وهي تقلب بالصور تدور حلا مناسب للعيد
مدت الجوال لامها : ايوه ذا الحلا المناسب
سارة : لا مو حلو ذا الحلا شوفي غيره
دخل علي للصاله وجلس في الكنب ورجع راسه لورا وتنهد بقوه : تعبت من الاشغال وعلى كثر ما اشتغلت اليوم باقي
سارة : انت معرق شكلك محتر تبي عصير بارد
علي : لا مابي يعطيك العافيه يمه توي شارب قهوه سدت نفسي
سارة : الله يعينك ياولدي انا اقولك خلص شغلك بدال الجلسة ذي عشان يمديك تنام للعيد
دخلت نجد ووقف علي ونزل راسه : انا استأذن
جلست نجد : ها عمه لقيتي الحلا
سارة : لا والله عجزت احصل الحلا المناسب
نجد : تمام اجل الحين ادور لك
دخلت حصه ووراها صيته
حصه بنبره حاده : ليه ماصحيتوني للفطور
محد رد عليها
حصه : سمو روحي قولي للشغاله تسويلي قهوه اصحصح راسي
زفرت سمو بملل وطلعت من المجلس

-

في قصر الامير مطلق بن جسار ال زيدان
دخلوا للقصر بأرهاق
ريم : يلا يلا الكل لغرفته يرتب الشنط وبعدها انزلوا يابنات عشان التجهيز مافي وقت
سهر : طيب
مشت سهر ووراها ليل وترف وكل وحده راحت لغرفتها
ريم بصوت عالي : فيولا
تقدمت فيولا لريم : نعم سيدتي
ريم : هل قمتي بتنظيف المنزل جيداً
فيولا : نعم
ريم : هل قمتي بأخراج الاطقم الذهبيه ؟؟!!
فيولا : نعم لقد قمت بأخراجه
ريم : حسناً اكملي عملك
راحت فيولا تكمل شغلها بينما ريم دخلت للمطبخ
ريم : نجوة
لورا : ايوه يامدام
ريم : العيد ف بيتنا ابيك تسوي فطور زين مطلق جاب الاغراض كلها ابيك تضبطين فطور فايف ستار هالله هالله بالشغل الزين وسوي كميات كبيرة بيجون ضيوف واجد ولاتنسين السلطات وكلمي ايدا وفيلا ينامون الحين عشان يصحون على الساعه 6
نجوة : حاضر اوامر تانيه
ريم : لا شكراً
نجوة : عفواً

-

في مجلس الشيخ متعب بن جسار ال زيدان
جالس الجد جسار على الشاشه وكان واقف القهوجي يصب له قهوه
ومتعب وسالم على جوالاتهم الي يقرأ الاخبار والي في التويتر
دخل مطلق للمجلس بأبتسامه عريضه
متعب : ارحبببب
مطلق : البقى
سالم : اشتقنا ياخوي
وقفوا وسلموا على مطلق
تقدم مطلق وباس الجد جسار من راسه
الجد جسار : ها شخبارك
مطلق الي جلس : والله بخير الأمور زينه
الجد جسار : ها وش صار على ليل كلمتها
تلاشت ابتسامة سالم : لا ماقدرت اقولها في لندن لان مابي شي يضايقها
الجد جسار : خلاص لاتقولها بالعيد راح اقابلها واكلمها بنفسي
نزل سالم راسه : على خير
سالم يحاول يغير الموضوع : يبه ترا عمي مشعل وعياله بيطبون الرياض الفجر
الجد جسار رشف من فنجاله : ايه زين
متعب : القهوه
تقدم القهوجي وصب للجد جسار ومن بعدها سالم ومطلق ومتعب
الجد جسار مسك جواله واتصل على رعد
الجد جسار : رعد شريت القهوه والتمر
رعد : جدي زحمه للحين ماوصلت
الجد جسار بصرامه : قلت لك روح بدري بس ماتسمع الكلام اقول عجل لاتتأخر
قفل الجد جسار من رعد وحط جواله في جيبه