يالغايب الي كبلتني مراسيك نورس حنيني عاف كل المواني

بارت 27

وقف خالد وسبق نايف وطلع من المجلس واتجه للسيب الخلفي من القصر عشان الحريم فتح باب المطبخ ودخل لمحها ماسكة صينيه فيها مويه لكنه ماعرفها لفت بتطلع من المطبخ وتلاقت عيونهم ببعض
اتسعت عيونه لما شافها : دانه
تعثرت من المويه الي في المطبخ وطاحت على رجلها والصينيه طاحت منها
نزل خالد : بسم الله عليك
تمنت لو انها ماشافته ، انفتح جرحها الي من سنين مفتوح وماصدقت تسكر الجرح ونسته تسارعت نبضات قلبها وتجمعت الدموع بعينها وناظرته بنظره كلها عتاب ولوم تركها عشان ابوه رفض ولا جاهد وتعب عشان حبهم يستمر

فلاش باك / لسنة 2016 :
وقف متعب بغضب : انا عطيت سعود كلمة
وقف خالد : وانا ادفع الضريبه !!!
متعب : بنت عمك مافيها شي بس مايصير انا قلت لسعود بناخذ بنته لك وهو وافق مايصير ارجع عن كلامي
خالد بغضب : مايصير يايبه مايصير شلون تقوله ابي اخذ بنتك لولدي بدون لاتسئلني اصلاً يمكنها شينه
متعب : البنت مافيها شي وبنخطبها لك
خالد بأندفاع : انا راح اخذ دانه واتزوجها انا ابي دانه
دخلت سارة : الله يهديكم قفلوا على الموضوع خالد بنت عمك مافيها شي لو الود ودي كان اخذتها لك بس مايصير ابوك عطى كلمة للرجال مايصير يتراجع عنها

باك /

وقفت وهي تحس بألم في قلبها تحس انه ألم الي في قلبها أقوى من طيحتها على رجلها وكانه قلبها من قوة نبضاته بيطلع من مكانه صدت بتطلع لكن لحقها خالد وبشوق : دانه
ماردت دانه عليه وطلعت من المطبخ وتركته ماسك راسه ويتنفس بصعوبه طلع بسرعه كبيره وفتح ازارير ثوبه يحس وكانه سيف بعنقه
ركب سيارته وجلس يتلفت يمين يسار يتأكد انه مافي احد مو مصدق الي صار له هو ماصدق طلع من حالة الاكتئاب الي كان فيها ضرب الدركسون بأقوى ماعنده بقهر والدم يغلي بعروقه من قهره صارت عيونه حمره من الغضب وعروق وجهة بتطلع من مكانها من شدة الضغط شد على أسنانه يمنع نفسه انه يصارخ
ليه كذا يادانه تقتليني بنظراتك كانه ذنبي ؟؟!!
ليه ياربي يصير كذا ليييههه ؟؟!!
بدون لايحس شغل سيارته واتجه لزوجته في بيت اهلها بسرعه جنونيه وغير قانونيه وصل ونزل من سيارته ووقف عند الباب واتصل عليها وقالها تطلع له وفعلاً طلعت نجد
نجد من ورا الباب : وش فيك ؟
خالد وبراكين من الغضب بداخله : افتحي الباب
فتحت نجد باب البيت ودخل للحوش
خالد بغضب : انتي طالق وورقتك بتوصلك هالاسبوع لاترجعين للبيت واذا تبين اغراضك كلمي السايق يجيبك تاخذين اغراضك وترجعين لاهلك
طلع خالد وتركها واقفه ف الحوش متجمده ف مكانها من الصدمه ماتوقعت توصل فيه المرحله انه يطلقها لكن وصلت حطت يدها بفمها تمنع شهقاتها دخلت بغضب للبيت وتوجهت لاختها فرح الي كانت جالسه وتشرب شاهي وتتابع الفيلم
نجد بغضب وصراخ وبنفس الوقت دموعها تنزل : انتي كيف سويتي كذا كيفف؟؟!ا
نزلت فرح الشاهي ووقفت : بسم الله وش سويت
نجد : كيف كذا جالسه تشربين شاهي وانتي خربتي حياة اختك تعرفين انك انتي خربتي حياتتيي؟؟
فرح : وش انا خربت حياتك ليه وش سويت ؟
نجد بصراخ : زوجي طلقني بسبتك بسبتك
حطت فرح يدها بفمها : ايش؟؟!!
نجد : كله منك انتي دايم تحرشيني عليه وانا مثل الهبله اصدقك واسوي الي تقولين لي عليه انا هبله الي صدقتك
فرح : لاتتهميني زوجك الي طلقك مو انا وبعدين انا انصحك موب احرشك عليه
نجد بقهر : كله منك حسبي الله ونعم الوكيل فيك يارب نايف يطلقك يارب يطلقكككككك دمرتي حياتي برجع اعيش هنا في الجهنم برجع اعيش هنننااااااا
فرح بصراخ : لاتتهميني انا مالي دخل مالي دخل
طلعت فرح من الغرفة وتركتها تبكي ومنهاره وقفلت على نفسها الغرفه
دخل نايف للمطبخ ومالقى خالد
نايف بصوت خافت : وين راح ذا
اخذ نايف العشا وشاله وتوجه لمجلس الرجال وفرشوا العيال وحط نايف العشا
همس علي لسلطان : طفش
سعد : انتظر الشياب يروحون
سلطان : وش فيهم الشياب
زياد : يوه ياسلطان انته وجوك نقصد نبي نفلها الشيبان يستقعدون وينقدون
دخل متعب وبصوت عالي : حياكم الله على العشا واعذرونا على القصور
قلطوا الرجال على عشاهم واحفاد جسار جالسين ينتظرون الضيوف يخلصون عشا
مسك نايف جواله واتصل على خالد لكنه مارد استغرب اكثر بسبب اختفاءه المفاجئ والاتصالات الي مايرد عليها التفت لعلي الي كان يسولف مع رعد وسلطان وزياد : علي وين خالد
علي : ماعرف وينه
كمل علي سالفته اما نايف رجع اتصل على خالد الي اخيراً رد
نايف : ياولد وينك اختفيت فجأه
خالد : مافي شي الحين جاي
نايف : وش فيه صوتك
خالد : مافي شي بس شوي تعبت
نايف يعرف خالد زين اذا فيه شي مضايقه لكن ماحب يزعجه : زين يلا باي
قفلوا من بعض

-

في مجلس الحريم بعد ما فتحوا البوفيه ودخلوا الحريم واكلوا وانتهوا مشو الحريم وبقوا ساره ونوره وريم وبناتهم مع حصه وصيته
دخلت سمو : بنات الخدمه بتمشي تبون تجيب لكم عصير قبل تمشي
قاطعتها سارة : لاتسئلينهم خليها تجيب العصير يشربون تعبوا البنات اليوم معنا
سمو : طيب
طلعت سمو وبلغت الخدمه تجيب العصاير ودخلت للمجلس وجلست
دخلت الخدمه وبيدها العصاير تقدمت ومدت العصاير للحريم ومن بعدها البنات
مدت الخدمه الصينيه لدانه لكن ما انتبهت دانه لانها كانت ساهيه وتناظر للجدار ملاذ : دانه
ماردت دانه
وهزت ملاذ دانه من كتفها عشان تنتبه : دانه وش فيك اخذي عصير
فزت دانه وانتبهت للخدمه الي ماده الصينيه لها : هااا لا لا شكراً
عقدت ملاذ حاجبينها بأستغراب من شرود دانه
مدت الخدمه العصاير لصيته
صيته : مابي
حصه : وش فيك صيته صايره ماتاكلين نحفانه مره اخذي عصير
صيته : قاطعه السكر
همست سمو : علقت على كلمة قاطعه السكر
سهر بهمس : بعد ما اكلت كل الحلى تقول قاطعه السكر
ملاذ : صيته نحفانه لا لا مو طبيعي
ماقدروا البنات يمسكون ضحكتهم وضحكوا
حصه : وش يضحكم ياحفيدات جسار ؟؟!! ضحكونا
سارة : وش عليك ياحصه منهم خليهم يضحكون
دخل الجد جسار ببشته
وقفوا كل الحريم والبنات يسلمون
تقدموا البنات وباسوا جدهم من راسه وجلسوا بعد ماجلس
الجد جسار : اشتقت لحفيداتي قلت أمر عليكم اشوفكم واوصل لليل هديتها
سهر : ياعمري ياجدي وحنا اشتقنا لشوفتك
ابتسموا البنات
ملاذ : الله يحفظك لنا ياجدي
نزلت ليل راسها لما شافت جدها لانها شايله على جدها واجد
ناظر الجد جسار لليل : مبروكك
ليل وهي منزله راسها : يبارك فيك ياجدي
الجد جسار وقف وباس ليل من راسها : الله يوفقك ويسعدك ويرزقك يابنيتي
وقفت ليل وباست جدها من راسه طلع الجد جسار من جيبه ظرف ومده لليل : ذي هديه بسيطه مني
اخذت ليل الظرف : يعطيك العافيه ياجدي الله لايحرمنا منك
ناظر الجد جسار لباقي حفيداته : تحسبون اني نسيتكم
طلع ظروف من جيبوا ووزعه عليهم
سمو : ياقلبي ياجدي تسلم
دانه : الله يحفظك لنا ياجدي
ترف باست راس جسار : الله يطول بعمرك ياجدي
وقفت ملاذ وباست جدها من يده وحضنته : تسلم
سهر : يعطيك العافيه ياجدي ثنكيو مره
الجد جسار : تعالي تعالي يادلوعه ال جسار
تقدمت سهر وهي تضحك وحضنته
سارة : الله يهديك ياعمي ماله داعي وجودك معنا هديه
نوره : ليول تستاهل ملكتها بس البنات الباقي منت مستحي منهم حفيداتك
الجد جسار : يستاهلون حفيداتي ذول دلوعات الجسار
ضحكوا البنات
ريم : يلا تسلم ويعطيك العافيه
سارة : الله يطول بعمرك
وقفت نوره : وش تشرب ياعمي فيه شاهي وقهوه وعصير
الجد جسار : لا والله ماني مشتهي شي بصعد انام على طول تعبان من الصبح صاحي
نوره : على راحتك
سارة : اجل روح ريح مو زين لك من الصبح صاحي
ناظرت صيته للبنات بغيره من حب جسار لهم مع انه الجد جسار عطاها مع البنات هديه لكنها كانت تطمح للكثير وماترضى بالقليل تبي الكل يعاملها معامله غير عنهم
حتى ماقالت لجدها تسلم او يعطيك العافيه اخذت الهديه بصمت ولا حتى شكرته
وقف الجد جسار ورفع يده : تصبحون على الخير
الكل : وانت من اهله
صعد الجد جسار لغرفته ونام

| رجعوا الكل لبيوتهم |