يالغايب الي كبلتني مراسيك نورس حنيني عاف كل المواني

بارت 30

[في قصر سالم بن جسار ال زيدان ] " الساعه ٦:٠٩ مساءاً "
سالم : صبي لي شاهي يا ام نايف
نوره : ابشر
سعد منسدح ويلعب بشعره : وسط هذه الضجيج وظهر انسان التفاصيل اللي شفتهم بيه خطيره
رمى سالم المخده على سعد : وجعه
فز سعد وبمزح : يبه شفيك كنت داخل جو
سالم بمزح : داخل جو مع مين علي ولا خالد
ضحك سلطان : اخ ياسعد
نوره تضم سعد : علامكم على ولدي فديته يسوي اللي يبيه
سعد : فديت اللي تنصفني
سالم : الله يكملك بعقلك ياولدي
طبطب سلطان على ظهر سالم : عليه العوض ومنه العوض
سعد : ساندي ساندي تعالي
ساندي جت من المطبخ : ها
سعد بميانه : من اليوم ورايح انتي اسمك مو ساندي من اليوم ورايح اسمك ساندي العتيبي سامعه ؟؟!
ساندي بتسليك : طيب
سعد : ساندي الروقي
ساندي : نعم بابا
سعد : عاشت العتيبيه اخ يا ساندي ساندي ياللي لقيت بنواعس عينك اوطاني
ضربه سلطان : حتى الشغاله تغازلها خلاص ساندي روحي
سعد : ساندي العتيبي خلاص روحي
سالم : خلوني اذكر اعمامكم بالشاليه
ملاذ من السلم : بابا ادفع اللينك اللي وصل لك
سالم : طيب
دانه : بابا لاتنسى العطور اللي قلت لك عليها
سالم : من عيوني
سعد باستهزاء : يبه ابغى ريال
سالم : لا

-

في قصر مطلق بن جسار ال زيدان / الساعه ٧:٠٣ مساءاً
سمو : تكفين تعالي
سهر : اخ سمو لاتحنين
سمو : اذا ماجيتي ازعل
سهر : طيب الحين بس اقول لأمي
قفلت سهر وتوجهت للاسفل وشافتهم جالسين بالصاله : بابا ماما ترا انا رايحه عند سمو
مطلق : الله معك
ريم : استودعتك الله
سهر : بس بطلب منك شي
هز راسه مطلق باستغراب وكملت سهر : بنام عندها لبكرا واخذ اغراضي اللي احتاجها للشاليه كلها معي واروح معها
ابتسمت ريم : مدري عن ابوك انا عن نفسي ما أرفض لكم طلب
ضحك مطلق وبتفكير : والله مدري يابنتي اخاف عليك
سهر بدلع : بابا بليز والله مايصير شي انا عند عمي وخالتي حسبه امي وابوي
مطلق باستسلام : ما اقدر أرفض لك طلب
ضحكت سهر وباسته بخده : ثينكيو ياعمري
مطلق : انا ازعل دلوعتي ما اقدر

-

في قصر متعب بن جسار / { الساعه ١٠:٠٥ الليل }
سمو بحيره : البس الأصفر ولا البينك
سهر عاقده حجاجها بحيره : الأصفر مره فريش وصيفي والبينك انثوي وكيوتي
سمو : عشان كذا انا محتاره
سهر بعد تفكير : البسي البينك
سمو : طيب
سهر : تعالي صدق بتسبحين صح؟
سمو بتأكيد : افكورس
سهر بحماس : حماس
سمو : اصلا في فعاليات كثير بنسويها
سهر : ترا تعبت متى تنامين
سمو : تدرين امي وابوي واخواني متى يمشون
سهر بتساؤل : متى
سمو : تخيلي الساعه ٧
سهر : بدري متى يمدي
سمو : معليك يمدينا المهم تبين ستاربكس
سهر : وش ستاربكس بنام
سمو برجاء : سهرر وش بنام بنشوف فيلم ونسهر
سهر : لا
سمو : تخيلي ناكل فشار وفيلم يمثل لكريس هيمسوورث
سهر رفستها : ياحيوانه اغريتيني فرابتشينو ماتشا اخلصي
سمو ضحكت : اعرفلك