يالغايب الي كبلتني مراسيك نورس حنيني عاف كل المواني

بارت 36

| من هنا تبدأ القصة اتمنى تنتبهون للأحداث زين واكيد التفاعل مع الروايه مهم |

يوم جديد...🌷

[ في قصر متعب بن جسار ال زيدان ] " ١٠:٠٨ صباحاً "
جالس في الكنب وحاط رجله على الطاوله وبيده كوب الشاهي ويتابع الفيلم وجنبه سمو الي كانت تشوف سنابات البنات وتعلق عليهم وتضحك دخلت عليهم سارة وبيدها كيس
جلست جنب رعد وضربته في رجله بخفه : نزل رجلك عن الطاوله
نزل رعد رجوله : ها وش عندك وش ذا الكيس
ناظرت سارة لسمو : هذا طلبته لسموي
نزلت سمو جوالها وبأبتسامه : وش طالبه لي ؟!
سارة : طلبت العطر الي كان خاطرك فيه وخلص لقيته امس بموقع ثاني وطلبته لك على طول !!
سمو وقفت وبحماس : صدق
باست راس سارة وجلست جنبها واعطت سارة الكيس لسمو الي اخذته بسرعه وفتحته طلعت العطر : اووو ثنيكوو
رعد : وحنا وين رحنا
سارة : ان شاءالله انته واخوانك لكم هديه
رعد : الا يمه صدق وش صار على موضوع الخطبه
سارة : بأذن الله الليله بكلم ابوك
ناظرت لهم سمو بأستغراب من حوارهم
رعد : يمه اخطبيها اليوم
سارة : طيب لسه ماكلمنا ابوك وش فيك مستعجل
رعد : وش دعوة اكيد ابوي بيوافق بنت عمي وبعدين ليه نطول الموضوع مافيها شي خل نروح اليوم ونخطبها
ضحكت سارة : بسم الله هدي شوي ان شاء الله بكره بس بالاول لازم ناخذ رأي ابوك في الموضوع صح
رعد بعدم اقنتاع ولكن ماعنده خيار الا انه يسلك : صح
نزلت سمو العطر في الطاوله : مين بيخطب وش السالفه
سارة بفرح : بنخطب لاخوك رعد
ضحكت سمو لانها تعرف مين بيخطب : مين سعيدة الحظ
رعد : ملاذ

-

[ في قصر مطلق مطلق جسار ال زيدان عند البنات ] ١٢:٤٥ ظهراً
سهر بغضب : وجعه قلت لك رجعيه مكانه
ترف : اوووف وش فيك قلنا طيب
دخلت ليل وضربت ترف بخفه : وجه اصواتكم جايبه لاخر الشارع
سهر : وش تبين انتي الثانيه
ليل : خالتو سارة عازمتنا عندها وماما تقول الساعه ٦ الكل جاهز
سهر بأبتسامه : صدق
ليل : ايوه
ترف : طيب الحين نلبس
سهر : انتي وش فيك قلت لك رجعيه مكانه
اخذت ليل المرطب من يد ترف ورجعته مكانه : كل ذا عشان ذا المرطب خلاص انا رجعته بس اسكتوا شوي
سهر تركتهم ونزلت للاسفل اما ترف ناظرت لليل وابتسمت
ليل : وش عندك
ترف : ليول ابي مرطبك
ليل : ياليل الليل اخذي المرطب بس تخلصين منه رجعيه
ترف باست ليل : من عيوني
طلعت ترف ونطقت ليل : تدور مصلحتها الحيوانه
طلعت ليل ودخلت غرفتها تختار فستان للعزومه

-

جالس في غرفته وجنبه زوجته سارة يفكر بموضوع اخته حصه الي اشغله مايعرف وش يسوي حك جبينه بتعب وناظر للساعه الي كانت " ١٢:١٧ " تنهد بقوة وانسدح بفراشه
سارة لاحظت تصرفاته وحركاته وكانه يفكر بموضوع قوي سألته : وش فيك تفكر صاير شي معك في الشغل ؟
متعب : لا مافي شي بس اليوم ابوي عازم فرج زوج حصه ومالي خلق مقابل احد
سارة : الله يعينك تبي اسوي لك شاهي فطور شي ما اكلت شي من صحيت
متعب : اخخخ ياسارة لا ماني مشتهي شي بس ياليت لو تقفلين الانوار انام شوي لاني تعبان وابيك تصحيني على الساعه 3 العصر
سارة وقفت : تبشر
متعب : تبشرين في الجنه
طلعت سارة بعد ماقفلت انوار الغرفه ونزلت للاسفل وجلست على الكنب دخلت سمو عليها وبيدها الجوال : ماما وش رايك تعزمين خالاتي وبناتهم وننبسط ؟
سارة : والله حلو عاد ابوك اليوم عنده ضيوف في المجلس وكل اخوانك بيكون في المجلس
سمو : يعني تم ؟
سارة : تم تم كلميهم في القروب يجون وانا بتصل اطلب الحلا والعشا
سمو بحماس : طيب
ارسلت سمو للقروب وبعدها جلست جنب امها بعد ما انتهت من طلب العشا والحلا : ماما بقولك شي بس ماتعلمين احد
سارة : بسم الله وش فيك
سمو : ماما خالد طلق نجد وهي ف بيت اهلها
حطت سارة يدها بفمها : وشو؟!
سمو : يمه يمه لاحد يسمع
سارة : كيف وانتي شعرفك وليش؟
سمو : اسمعي ماما اتصل خالد علي يقولي يبيني ضروري ف جناحه لما صعدت لقيت كل شي في الغرفه محطم وجالس وحاط يده براسه ومبين عليه انه باكي وتعبان سألته وش فيه قالي انه....
سارة بصوت خافت : وش فيه
سمو : ماما هو شاف دانه ف الملكة
سارة : تتكلمين صدق ؟!
سمو : ماما ليه بابا سوا كذا ف خالد كان يحب دانه مره ودانه تحبه
سارة : الحين كيف طلقها ولا حتى قالنا كيف
سمو : بليز ماما لاتكلمينه بعدين بيزعل علي عشان قلت لك بليز
سارة : طيب طيب ماني قايله الله يهديه وش جاه
سمو : ماما لاتلومينه حرام تزوج وحده مايحبها وترك الي يحبها عشان ابوي لا وبعد زوجته كريهة وتعرفين شي بنات عمي سالم دايم يشتكون من فرح ذول الخوات مو طبيعيات
سارة : وش نسوي ف ذي المصيبه وش بيصر لو ابوك عرف وبعدين ليه يطلقها يعني
سمو : ماما ماتعرفين يمكن بيتزوج دانه عشان كذا طلقها وبعدين زين يسوي فيها من تزوجها وهو مو مرتاح معها
سارة : ياسمو خايفه يدخل بنفس حاله الاكتئاب الي دخله من قبل
سمو : ادعي له ف صلاتك وبعدين ابوي غلطان المفروض يتركه يختار شريكة حياته بنفسه