يالغايب الي كبلتني مراسيك نورس حنيني عاف كل المواني

بارت 17

وصلوا البيت ونزل مطلق ودخل غرفته ولحقته ريم تجلس جنبه كان ماسك راسه بتعب ويفكر
ريم : مطلق وش صاير
مطلق رفع راسه : الكلب ابن الكلب فيصل
ريم : وش فيه

-

امام قصر الامير سالم بن جسار ال زيدان
دخل متعب للسياره بعد ماساعد جسار بالركوب
طلع متعب راسه من الشباك : اسمع ياخالد خذ امك وسمو رجعهم للبيت اما اخوانك الباقي كل واحد يرجع بسيارته
خالد : ابشر
متعب : تبشر بالجنه يلا كومار حرك
مشوا اما خالد اخذ جواله واتصل على امه
سارة : هلا خالد
خالد : يلا اطلعوا انا برا ناطركم
سارة : طيب
قفلوا من بعض شغل سيارته وركب ينتظرهم طلعوا وركبوا استغرب انه نجد ماجت
خالد : نجد وينها ماجات
سارة : نجد اصلا ماجات
خالد بغضب : وش ماجات معكم
سمو : ايوه ماجات
حركوا واتجه للقصر وهو معصب
بعد عشر دقايق وصلوا إلى القصر....
ركن سيارته : يلا انزلوا
نزلوا من السياره ودخلوا للقصر اما خالد اخذ اغراضه الي في السياره ونزل تأكد انه قفل سيارته وصعد لجناحه بسرعه كبيره دخل شافها جالسه على التسريحه تمسح مكياجها ولابسه عباتها
خالد : وين كنتي
نجد بتوتر : انا كنت في العيد
خالد بغضب : نعرف انك في العيد بس عيد ميننن
نجد : وش فيك كنت مع امك واختك
مسكها بقوة من ذراعها : تكذبين علي
صفعها صفعه قويه على خدها لدرجه انها طاحت في الارض
نجد الي مسكت خدها : طلقنيييي
شد خالد شعرها : وين كنتي اليوم
نجد بصراخ : كنت عند خالتي
خالد مسك يدها ولواها : انا مو صح قلت لك ممنوع تطبين بيت خالتك صحح؟؟!!
دفها ف الارض بقوه وتركها في الغرفه لحالها

-

في قصر الامير مطلق بن جسار ال زيدان
كانت ليل تبكي بقهر جلست سهر جنبها وضمتها : ليل حكيني وش صار
ليل : الحيوان فيصل شفته بالغلط في الحديقه الخلفيه وتحرش فيني وشافنا سعد وجلس يضربه
شهقت سهر : تحرش فيك كيف
ترف : يعني كيف مافهمت
ليل : اوفف ماصار شي بس ضمني ضمني غصب وجدي قال لي عن موضوع سعد بس ماتوقعت انه صدق حسبالي كلام قاله وهو معصب خصوصا انه من بعدها ماجابوا لي الطاري وابوي ماكلمني
سهر : طيب ليل لاتبكين انتي قويه لاتبكين
زاد بكاها وجشاها : ابوي ليه وافق وانا مابي ليه
ترف : روحي كلميه وانتي تبكين يمكن يحن عليك
سهر : وش اللي ممكن يحن عليك اكيد بيحن ويوافق انا اعرف ابوي
ركضت ليل لغرفه والدها ودخلت عنده وجلست : يبه مابي سعد مابيه
مارد مطلق عليها ونزل راسه يتجنب يشوفها مكسوره وتبكي
ليل : يبه ناظرني لاتنزل راسك ليه ترميني لسعد المستهتر وانا ما ابيه خليتوا ملكتي بعد ٣ ايام بس عشان جدي قال كذا طيب وانا مابي
مارد عليها وكملت : يبه ماتوقعتها منك توقعت انت سندي وظهري ماتوقعت منك تكسرني توقعت انت ذخري وسندي اللي بحتمي فيه اذا انت اللي كسرتي بذخرك بحتمي بظهر مين ليت عندي اخ عالاقل احتمي فيه من طلقات ذخرك اللي كسرتني يمكن لو كان عندي اخ كان يقدر يوقف بوجهكم عشاني يبه انت سندي الوحيد بالدنيا يبه تكفى لاتسوي فيني كذا مابيه مابيه
مطلق يحاول يمثل القوه : ماعليه يابنتي سعد بيتسنع وبصير سندك
ليل تشاهق من البكي : لا لا يبه مابي هو يكون سندي ابيك انت
ريم ضمت سهر والدموع تجمعت بمحاجر عيونها : ماعليك ماراح يصير الا الي انتي تبينه والله ماتاخذين سعد وانتي ماتبينه
ليل تحاول بمطلق مسكت وجهه بكفوفها وحاولت ترفعه يشوف دموعها اللي لطالما لما كان يشوفها يضعف وينفذ طلبها مهما كان ومو بس ليل حتى بناته يضعف امام دمعه من عيون وحده من بناته : يبه تكفى شوف وجهي شوف دموعي تكفى
مارفع راسه وخرجت ليل وتركته وشافت خواتها اللي واقفين عند الباب صعدت غرفتها وقفلت الباب بالمفتاح وجلست تبكي بحسره ليه ابوي كذا ليه ابوي اللي كنت اظنه سندي يسوي كذا ياربي مالي غيرك ياربي تكفى ياربي ما ابيه سمعت طق على الباب وصرخت : مابي احد مابي لاتطقون الباب اتركوني
في غرفه مطلق
ريم : مطلق بتكسر بنتك يامطلق
مطلق نزلت دموعه من عيونه : ريم مابي اكسرها مابي مابي حتى ارفع راسي واشوفها تبكي وملامح الكسره عليها كسر بنتي الأولى كنه كسري انا انا اللي انكسرت لما شفت دموعها وانا مابيدي شي
ريم : مطلق وقف بوجه ابوك تكفى لاتجبر بنتك على سعد لو واحد ثاني مايخالف بس سعد !!!
مطلق : مابيدي شي
ريم : اول مره يكون شي يخص بناتك ومابيدك شي العاده كل شي يكون بيدك اذا كان يخص بناتك
مطلق حط راسه عالمخده وحاول يهرب من الشعور اللي يحسه من الكسره اللي حس فيها من كلام بنته ودموعها تحسر على وضع بنته ووضعه ومابيده شي وماحس الا ومخدته امتلت بالدموع الي كانت تسقي خده وهمس : هذه حق دموعك يابكري
وقفت وطلع كشكول صغير كان يكتب فيه بيوت الشعر اللي يكتبها ومحد كان يدري عنه فتح الكشكول وفتح صفحه جديده ودموعه تسير على خده وتسيل اخذ القلم وكتب
"هذي دمعتي تسقي الخد وتفوح
تخنقني العبرات ساعه مشى خنق
تو العيون تهل عبراتها تو
وتو القلم ينظم بيوت القصيده
قفل الكتاب وهمس : دمعه العين لولاك ما اصخيها

-

سهر واقفه قدام الباب : تكفين ليلي والله ماني متطمنه ماجاني النوم تكفين افتحي الباب
ماردت ليل وكملت سهر : ليل ادري انك صاحيه سمعتك تبكين بس تكفين افتحي
ليل : سهر تكفين روحي نامي مابي احد ماراح اسوي بنفسي شي لاتخافين
سهر : طيب افتحي الباب
ليل : خلاص سهر لاتغثيني روحي نامي
سهر : ليل والله ماني ماشيه الا لما تفتحين الباب
فتحت ليل الباب بأستسلام : ها تطمنتي خلاص بنام
دخلت سهر الغرفه وجلست بالسرير : ليول تعالي اجلسي
جلست ليل بجانب سهر : اذا عن موضوع اليوم ف انا مابي اتكلم فيه
سهر : ليل حبيتي ممكن تقولين وش اللي مضايقك اللي صار مع فيصل ولا انك راح تتزوجين غصب ولا عشان ابوي ولا عشان ماتبين سعد
ليل بضيق : كلهم سهر انا مره متضايقه من اللي سواه فيصل واللي سواه ابوي وانا مابي سعد لو انه واحد ثاني عادي بس سعد اكرهه اكرهه كيف اقدر اكمل بقيه حياتي مع واحد اطيق العمى ولا اطيقه
سهر عقدت حجاجها : ليه
ليل تنهدت : مستهتر وثقيل دم وصايع وكل يوم فضيحه وكريه ما احبه الله ياخذه
سهر : لا ليل مهما كان ولد عمك لاتدعين عليه
ليل بحزن : وابوي كسر ظهري ابوي ابوي اللي المفروض انه سندي ان شان وجه الليالي يسوي فيني كذا ؟؟!
سهر تنهدت تضم ليل : ليول مافي شي رسمي ماتدرين يمكن امي توقف بوجه ابوي او ابوي يتراجع
ليل : امي المسكينه مابيدها شي اما ابوي يتراجع ماضنتي بعد مابكيت قدامه وماتراجع ف ماضنتي يتراجع الحين خيب رجاي وضني فيه
سهر : لا ليل ضنك فيه ماخاب انا متأكده ابوي مابيوافق
انسحدت ليل وتغطت تغمض عيونها
سهر تنسدح جنبها : تصبحين على خير بس اليوم بنام معك
ليل : براحتك
بعد ١٠ دقايق
دخلت ريم وشافت سهر وليل نايمين تقدمت لهم وباستهم وغطتهم كويس ورجعت تنام بعد ماتطمنت على ترف

-

في اليوم الثاني الساعه 7:05 الصباح ف قصر الامير مطلق بن جسار ال زيدان
سهر وريم يصحون ليل : ليل اصحي يلا نجهز لملكتك يلا
ليل بكسل : مابي البس اي شي
ريم : وش اللي تلبسين اي شي يلا قومي
ليل قامت وفيها بصيص الأمل : ابوي ماتراجع
سهر بأسف : لا بس عادي انبسطي ترا والله حماس سعد يونس وفلاوي اخذيها مزح ولعب يعني عادي
ريم : الحين يعني واسيتيها وش اللي اخذيها لعب زواج هذه
طلعت سهر ونادت ترف : يلا ترف تعال
ترف جت وبيدها الفطور : جيت
سهر : ترف زي ما اتفقنا لاتبينين لها انك زعلانه أو أنه الوضع يحزن عادي مره كأنها ملكه عاديه يعني انا وامي مو محسسينها كنه الزواج غصب مع انها امي امس مانامت بس تبكي بس تمثيل
ترف : طيب
دخلت ترف الغرفه وبيدها الفطور وبحماس : صباح الخيير
ليل : مابي افطر
ترف : لا ليل ازعل منك ماخليت نجوه تسويه لك انا اللي سويته
ليل : قلت لكم مابي
ريم : ليل افطري بسرعه عشان بنمشي
تقدمت ترف وحطت الفطور عند فراشها واخذت قطعه خياره ومدتها لليل : مالي دخل بتاكلين يعني بتاكلين
ليل بأستسلام اخذت قطعه الخيار واكلتها : زين كذا
ترف : ايوه
سهر : ماما انا بكلم السايق يشغل السيارة وانتوا البسوا بسرعه بنمشي ليل افطر زين لا يجيك هبوط هناك
طلعت سهر وتوجه لغرفتها مسكت جوالها واتصلت على شاهين
شاهين : نعم
سهر : شاهين ممكن تشغل السياره بنروح اليوم للمول
شاهين : طيب
قفلت الجوال وطلعت عباتها وغطوتها ونقابها حطتهم فوق فراشها وفتحت دولاب الشناط وجلست تناظر للشناط بحيره : اوووف وش اختار
لفت انتباهها شنطه لونها بنك وعليها اسمها في اخر رف نزلت اخذتها ابتسمت من تذكرت انها هديه من علي لما كانوا صغار عطاها الشنطه ذي بيوم ميلادها ال 12
ابتسمت ورجعتها مكانها واخذت شنطه سان لوران وحطت بداخلها عطر وشويه اغراض مهمه