يالغايب الي كبلتني مراسيك نورس حنيني عاف كل المواني

بارت 23

رجعوا من الحلاق ونطق سعد : مافي فرق
سلطان : الا عدل وجهك المغبر
نايف : خلاص سعد من اول مانزلنا وانت تتحلطم زي النسوان
سعد بغضب : زي النسوان ؟؟
سلطان : اخوك الكبير يلا انزل
نزلوا من السيارة ودخلوا الصالة وشافو ملاذ جالسه
نايف : وش تسوين
ملاذ الي ماسكة جوالها : انتظر الميكب ارتست تخلص من دانه واروح
نايف جلس : القهوه من متى مسوينها
ملاذ صبت له ومدت الفنجال : توها انا سويتها
اخذ نايف الفنجال وصبت ملاذ لاخوانها الباقي اخذ سلطان تمره ووقف : انا بصعد اريح فغرفتي
وقف انا : وانا بعد
طلع سلطان ووراها نايف تنحنحت ملاذ : سعد تعال جنبي
سعد : وش تبين
ملاذ : الحين اخلص تعال بوريك شغله جلس بجانبها وفتحت جوالها ودخلت قروب البنات ودخلت على مقاطع ليل اللي كانت الميكب ارتيست والهير ستايل يجهزونها : شوفها جالسه تتجهز
سعد همس : قمر
ليل : بنات انا كنت ابي الميكب بيج ودرجات البني بس طبعا امي وخواتي سوو اللي يبونه وقالوا الميكب بينك ونودي بس يلا عادي
سعد : كله حلو كل شي تختارينه حلو
ملاذ عقدت حجاجها : جالس تكلم مين
سعد بهيمان : اكلمها
ملاذ : الحمدالله والشكر

-

جالسه مع بنتها صيته في المجلس وبيدها الريموت وتطالع الشاشه وقدامها الشاي والمكسرات مر متعب وشافها جالسه رفع يده : السلام عليكم
حصه : وعليكم السلام الله جابك يا اخوي تعال
سلمت صيته على متعب وجلس متعب : امري بغيتي شي ؟؟!!
حصه : اي والله بكلمك بموضوع مهم
ناظرت حصه لصيته : صيته روحي لغرفتك بكلم خالك بموضوع
طلعت صيته وتركت حصه مع متعب
حصه بصوت خافت : ياخوي طلبتك تكفى لاتردني
متعب : عطيتك وش عندك
حصه : زي ما انت تعرف صيته بنتي ماعندها عيال عمام يعني مالها احد اخاف اموت انا وفرج وتضل لحالها
متعب : اسم الله عليك فال الله ولا فالك وش جاب الطاري
حصه : والله انا بأمن مستقبل بنتي وابيك تاخذها لولدك علي
عقد متعب حاجبينه : والله مدري شقولك ياحصه
حصه : تكفى يا اخوي لاترفض طلبي انا اختك وطالبتك
متعب : تم

-

في كوافير اوجيني
جالسه والعامله تسوي لها اظافرها مسكت جوالها واتصلت على ليل
سمو : ليول ها خلصتي
ليل : باقي بس البس الفستان والاكسسوارات ويعني اتبخر يعني يبيلي تقريباً ساعه
سمو : امم ممتاز انا باقي الحين الميكب اذا خلصت امر عليك انا وماما ناخذكم ونروح لبيتنا
ليل : تم وش صار على ملاذ ودانه بيجون
سمو : كلمتهم يقولون بيجون مع سايقهم لبيتنا
ليل : طيب
سمو : يلا اخلص واجيك ياعمري
ليل : بوسات
سمو : بوسات
قفلت من ليل ووجهت كلامها لسارة الي تحط ميكب خفيف : ماما بعد ساعه يخلصون انا بحط الميكب واخلص بعدها نمر عليهم
سارة : ايوه زين

-

عند قصر متعب بن جسار ال زيدان
بعد ما لبس ثوبه وساعته وشوزه جلس واتصل على سمو : سمو انا بروح للمجلس متى تخلصون
سمو : يلا انا خلصت باقي الروج تعال
علي : طيب
قفل جواله وطلع شماغه ونسفه بترسيمة السيفين
كانت المفضله بالنسبه له اخذ عطره العود الازرق وبخ منه على شماغه وثوبه وطلع قلمه من كارتير واخذ مفاتيحه وطلع من الغرفته وركب سيارته واتجه للصالون