يالغايب الي كبلتني مراسيك نورس حنيني عاف كل المواني

بارت 38

يوم جديد🌷...

اخذ اغراضه وطلع من مكتبه بتعب من العمل طلعت له السكرتيرة بوجهه رفع سلطان يده بمعنى امشي تركها وطلع من الشركه بعد ان انتهى من أهم الصفقه ركب سيارته الروز رايز وبدأ يمشي شغل اغنيته المفضله والاقرب لقلبه
كل شي حولي يذكرني بشي
حتى صوتي وضحكتي لك فيها شي
لو تغيب الدنيا عمرك ماتغيب
شوف حالي اه من تطري علي
الأماكن اللي مريت انت فيها عايشه بروحي وابيها
بس لكن مالقيتك جيت قبل العطر يبرد
قبل حتى يذوب في صمت الكلام واحتريتك
كنت أظن الريح جابك عطرك يسلم علي
كنت أظن الشوق جابك تجلس بجنبي شوي
كنت أظن وكنت أظن وخاب ظني مابقى بالعمر شي
واحتريتك الأماكن الأماكن الأماكن كلها مشتاقه لك

تنهد يدخل هوى بصدره اللي يضيق ويحر من يسمع الاغنيه ويحس انه كلماتها والحانها تلامس مشاعره : مدري ليه الاغنيه تجيب لي حزن
ولع زيقارته وبدأ يغني جزء يحبه ومعلق براسه : جيت قبل العطر يبرد قبل حتى يذوب في صمت الكلام واحتريتك كنت أظن الريح جابك عطرك يسلم علي كنت أظن الشوق جابك تجلس بجنبي شو...
قطع جوه وغناءه صوت صدمه وارتفاع السياره ضرب الدركسون بعصبيه من فهم السالفه هو مو معصب انه شخص صدم سيارته اللي معصبه هو انه طلعه من جوه اللي صعب يدخله اكثر من صدمه سيارته نزل بعصبيه ورمى الزيقاره وهو ناوي يطلع الحزن والكآبه اللي جابتها له الاغنيه بهالشخص توجه للسياره اللي صدمته من الخلف وشاف الشباك مضلل : سياره صينيه وشباك مضلل كدينا خير
دق شباك السياره وفتحت له بنت : خير انت اللي غلطان
سلطان : حضرتك مو شايفه الاشاره حمره وانا موقف وانتي اللي صدمتيني من ورا الغلط عليك 100%
ليان : طيب انت المفروض تقدم شوي
سلطان بنرفزه : لا ياشيخه الحين عليك تصليح سيارتي وسيارتك وتعويض
طلع جواله وسوه نفسه يتصل برقم
ليان : لا لا تكفى يخوي خلاص لاتتصل انا اعطيك فلوس التصليح بس تكفى انا ماعندي رخصه
عقد حجاجه وضيق عيونه من حراره الشمس واعتدل بظهره ونطق : مابي منك تعويض ولا شي توكلي الله يستر عليك
ركب سيارته وزفر : الشارع مليان جحلط يمشون ويصدمون
رجع البيت ونزل من السياره وصوت لهشام : هشام تعال لبق السياره
هشام : وشبلاها سيارتك من الخلف
سلطان : والله ياهشام بزره صدمتني حتى مو مطلعه رخصه الله يستر عليها
دخل البيت وشاف اهله بالصاله : سلام عليكم
نوره : يامرحبا
ابتسم سلطان وتقدم يقبل راسها : ي مرحبتين ياست الحبايب
تقدم لابوه : وش فيه زعلان اليوم
سالم عدل جلسته : مافي شي بس مدري وشفيني مصدع
سلطان : نمت كويس ؟
ملاذ : امس مانام للصباح
شهق سلطان وبمزح : صرت زي الشياب ماينامون للصباح
ضرب ظهره سالم : وجع للحيني شباب
نوره بنفسيه : اي والله ياسلطان ابوك صاير شايب اخر مره شفته كان يمشي ويطفي بهالاانوار وحتى اكله غثيث اكل شياب وطلباته معقده اصلا بدأ يصلع
ضحك نايف : افا الوالده طلعت كل طاقه سلبيه داخلها
سالم : ترا نوره مافي فرق بيني وبينك وحتى انتي بديتي تسمنين شوي ويطلع لك تجاعيد
شهق سلطان : قويه
نوره بغيض : لا الحمدالله محافظه على جسمي وكل يوم اروح النادي
نايف بحماس : صارت صارت
سالم : طيب خلاص انتي لسه بزره
نوره : وش يعني تمشي لي
ملاذ : ما اسمح لك تمشي لأمي
مسكها سلطان وحشرها بحضنه وقفل فمها بيده : انتي يالصرصور انكتمي
حاولت ملاذ تبعده لكنه كان أضخم منها بكثير ونجح انه يحشرها بحضنه
سالم : لا والله ما ما امشي لك انتي صدق بزره
نوره بأنفعال : بزره غصب عنك وش قصدك
سالم بتعب : يوهه ما اقصد شي خلاص قلت انتي بزره
نوره : لاتتمسخر علي فاهم
سالم : طيب
نوره : اقولك لاتمشي لي ترا ماني بزره
سالم : خلاص يابنت انتي مو بزره
نوره : وشقصدك
سالم : انتي عجوز
رمت عليه المخده : ليه تقول عني عجوز
سالم : ياليييل اقول انك بزره مايعجبك واقول انك عجوز مايعجبك وش تبين
نوره : عقلي مو عقل بزر بس شكلي شكل بزر كنت اقصد كذا
نايف يصفر : اتحداك تفهمهم
سلطان : الصراحه اصعب شي عندي اني احاول افهم تفكير حرمه
نايف : جيبوا سعد يصيدها بسرعه
سلطان يلف راسه يدوره : صدق توني افقده وينه ؟
ساره : ماعنده غير هالكوفيهات
وقف سلطان : لا كوفيهات لا صارت عندي فوبيا
سالم : وش نسوي له طالع من الصباح
نايف : مدري كيف يجلس يغازل من القوايل لليل
سلطان : الله يصلحه بروح اغير ملابسي واروح النادي تبون شي
سارة : الله معك
سالم : سلامتك
سلطان طلع من المجلس : يسلمك
دانه تصوت من السلم : بابا ادفع اللينك اللي وصلك
نايف : هذه اللي فالحه فيه انزلي اجلسي معنا
نزلت دانه : وش الوضع اخباركم