يالغايب الي كبلتني مراسيك نورس حنيني عاف كل المواني

بارت 32

في السيارة عند علي وسمو وسهر
جالس يسوق ولابس نظاره عن الشمس ومشغول في السواقه اما سمو جالسه بجوالها وسهر تناظر للشباك بملل والصمت عم في السيارة
قطع الصمت صوت جوال علي
سلطان : يولد وينك
علي : جاي جاي ساعه او ساعه الا ربع انا عندكم
سلطان : طيب لاتتأخر نبي نبدأ فعاليات
علي : على خشمي
ابتسمت سهر لما سمعت كلمته اللي كان دايم يقولها لها وهم صغار

فلاش باك ١٠ سنين /

علي : ها سوسو وين تبين تروحين
سهر : ابي البقاله
علي : شرايك اوديك المطعم مامليتي كل يوم بقاله بقاله
سهر : لا ابي كوكيز البينك
علي لانت ملامحه : اويلي يابعد قلبي على خشمي انتي وش تبين انا حاضر

باك /

علي قفل الخط : تبون امركم البقاله قبل الشاليه
سمو : اي اي نبي
سهر ضربتها بخفه وبهمس : انتي تبين انا مابي
علي : ابشروا
نزلت سهر راسها بإحراج ورفع راسه علي للمرايه يحتريها ترفع راسها عشان يشوف عيونها الي أسرته رفعت سهر راسها لثواني وكانها اغرقت علي في بحر عيونها طاحت عينها على المرايه وشافت نظرات الغرق والهيمان في عيونه بللت شفايفها ونزلت راسها بتوتر بدل علي انظاره للدركسون والسماعه وبلع ريقه وتنهد رفع يده يشغل الاغنيه اللي يحسها لسهر ويهديها لها بدون علمها

ماله أشباه على مر الزمان
طول عنق ولا ابتسم غمازتين
لو تغيب شوي عن عيني احن والله احن
شوق مايخفى لو اخفيته يبين والله يبين
وحبك ياما صادفتك تدفق في شراييني
تلاطفني ولا طفتك خذيت ايدك ف يديني
انا مرتاح من شفتك احبك يانظر عيني
اعوف الناس ماعفتك ولو لأجلك تعاديني

ابتسم وناظرها تناظر الشباك التفتت سمو لهم ورجعت تناظر علي لانه تعرف وش معنى الحركات الي يسويها
تحس انه يقصدها بكل حرف في الاغنيه تحس انه زادت نبضات قلبها من شافت عينه هو يناظرها ماقدرت تشيل عيونها عنه
يناظرها بشوق وده يضمها فصدره ومايبعدها عنه ونفسه يبوس عيونها الي لفتت انتباهة من بين كل البنات
ماحب عيون الا عينها الي يشوفها وطن كل مايشوفها ويشوف عيونها يحس بشعور غريب عجز يفسره عيونها تلخطبه تلخبط احساسه تلخبط مشاعره رفعت راسها وابتسمت ورا النقاب
وصلوا للبقالة وقفل الاغنيه : يلا
نزل من السيارة ونزلت سمو وشافت سهر لسه داخل السيارة مانزلت
سمو : يلا سهر انزلي
سهر : لا مابي شي روحوا انتوا وانا بحتريكم
جرتها سمو : اقول انزلي لاتستحين
سهر : خلاص سمو مابي
التفت علي من فقدهم وشافهم بالسياره مشى ناحيتهم وبعصبيه : استغفرالله وش تسوون هنا
سمو : سهر مستحيه ماتبي تنزل
علي ناظر سهر وبجديه مازحه : انزلي عشان ما اتوطى فبطنك يلا
ضحكت سهر : والله مابي ماني محتاجه شي
علي : والله ازعل منك يلا
نزلت سهر ودخلوا للبقاله وتركت سمو علي وسهر واقفين وبينهم مسافه
علي : سهر
سهر ارتجفت كل خليه فيها وردت بارتباك : هلا
علي : كيف حالك
سعر : الحمدالله انت كيفك
علي ابتسم : بخيل دامي شفتك
نزلت سهر راسها بخجل
علي : يلا وش تبين من البقاله
سهر : ها لا مابي شي بس سمو الي تحتاج اغراض
علي : اقول لا اصفقك اختاري وش تبين حطيه في السلة
سهر : لا والله مابي شي
علي طاحت عينه على الكوكيز الي دايم يشتريه وياكل هو وسهر منه ايام زمان ناظرت سهر لمكان مايناظر علي وشافت الكوكيز الي دايم علي يجيبه لها
ابتسمت بحنين لايام زمان اخذ علي كرتون منه وحطه في السله وناظر عيون سهر يبي يعرف تذكرت ؟
شاف نظراتها اللي كلها حنين وشوق وعرف انها اكيد تذكرته
التفت لها علي ونطق : تبينه ؟
ماعرفت وش بترد عليه وقطع لحظه الصمت سمو : يلا ترا انا خلصت
علي خذ اغراض سمو : سهر خذي اللي تبينه لاتستحين
اخذ علي شويه شبسات ومشروبات وراح يحاسب على الاغراض
طلعوا من البقاله ومسك علي سمو : اسمعي هذي اكياس كلها شبسات وحلويات لكم كلكم وكمان عشان سهر استحت مني ماشفت
هزت راسها سمو : طيب
ركبوا السياره وبنص الطريق نطق علي : سمو اخر مره تلبسين عبايه كذا فيها ورود
سمو : علي شفيك عشان نبي تروح شاليه
علي بحده : اخر مره وسهر انا لحسبه اخوك وترا عبايتك ضيقه مره ثانيه اطلعي بعبايات اوسع
عقدت حجاجها وماردت عليه
بعد دقايق نطقت سهر : علي اذا بطريقنا فيه كوفي مرنا ابي
علي : طيب
وقف علي عند فودتراك يبيع كوفي طلب لسهر وسمو واستلم الطلب
سهر تمد له الحساب : حسابي
علي : اقول رجعيها
سهر : لا علي انا من البدايه ابي كوفي وعامله حسابي
علي : افا عليك اخلي مره تدفع وانا موجود عيب
سمو : وانا تنشب لي عالريال
علي : كلي زق
وجه كلامه لسهر : رجعيها مخباتك عشان ما اصفقك