يالغايب الي كبلتني مراسيك نورس حنيني عاف كل المواني

بارت 9

ان أسوأ احساس ممكن ان توصله لانسان قريب منك هو أن تستهين بزعله
ان تكرر نفس الأخطاء وتصرفات الي تجرحه....لايوجد اسوء من ان يشعر
أحدهم بأختصار تقديره عندك بعد أن كان يظن نفسه في منزله عاليه نحن
لانخسر علاقتنا عاده بمشاكل كبيره حاسمه بل بتراكم الخيبات 🌷🌷..

.

.

.

الكاتبة/أمجاد الشمري✍

.

.

.

خرج زياد من المطار بأبتسامه عريضه شعور انك ترجع لديرتك بعد غياب طويل
وغربه شعور جميل ومميز
يزين لقاء يجمعك مع من تحب فهو ينسيك حنين امس وذكريات بكره
ناظر للسماء ونطق : الحمدالله على كل حال
فز من حس بشخص يحضنه من الخلف والتفت : مالك
حضن زياد مالك بقوه وباس راسه : حي عينك اشتقت لك مره
مالك : الشوق مليون
اخذ الشنط من يد زياد : يلا اجل الحقني للسياره
ركبوا السياره وزياد ابتسم : اشتقت لديرتي
مالك : أصحاب الديره مشتاقين لك اكثر
مسك زياد قلبه : اشتقت لهلي متشوق لشوفهم
مالك ابتسم : يلا اجل سرينا
زياد : سرينا

في سيارة علي كان يسوق وبجنبه سلطان الي كان يهرج
علي : وش قهوتك
سلطان : V60
تقدم علي بسيارته لدرايف ثرو
علي : السلام عليكم
الموظف : وعليكم السلام ايش طلبك
علي : واحد ايس امريكانو وواحد V60
ناظر علي لسلطان : فطيره زعتر عندهم لذيذه تبي معي
سلطان : ايه
علي : واثنين فطيرة زعتر بدون جبن
الموظف : طيب تفضلو قدامك عشان تستلمون الطلب وتدفعون
حرك علي سيارته للأمام ينتظر الطلب بعدها بدقايق معدوده مد احد الموظفين الطلب لعلي الي اخذ الطلب وحطه بجنبه وطلع جواله يدفع
وبعدها حرك سيارته ووقف في احد المصافط واخذ قهوته
ورجع راسه لورا : سلطان وش رايك نفضفض لبعض؟؟!!
سلطان : تعرف ان نفسي احد يقول لي فضفض لي
علي : وش اكثر شي يضايقك هالفتره
تنهد سلطان تنهيده طويله يرتب أفكاره : امي صارلها فتره تكلمني بموضوع الزواج وشبكتني ببنت صديقتها وانا مابيها
علي : سلطان بسألك بس تجاوبني بصراحه انت في بنت ببالك ولا ماتبي تتزوج
سلطان : انا كنت رافض فكرة الزواج بس
سكت سلطان وناظر لعلي
علي : كمل
اتسع مبسم سلطان : في بنت مو راضيه تطلع من راسي من شفتها
علي : مين البنت ذي من عايلتنا
سلطان : لا مو من عايلتنا
علي : طيب سهله قل لأمك انك تبيها وخلصنا
سلطان : ماودي اخطي هذي الخطوه بسرعه تراهي مو خطوه سهله
ناظر سلطان لعلي : وانت للحين تحب سهر؟؟!!
علي : وانت شعرفك
سلطان : الكل يعرف انك تحبها لما كنتوا صغار بس للحينك تحبها ؟؟!
عم الصمت في السيارة لثواني
سلطان : ياولد فضفض طلع الي فقلبك ماني قايل لاحد وعد رجال
علي : تعرف اني كنت احبها لما كنا صغار بس بعدين ابعدوها عني بحجة انها كبرت وعيب وحرام نسيت حبي لها بس ذكرتني بحبي لها لما شفتها بعد فراق 7 سنين في حديقة بيتهم كبرت بالحيل اشتقت للقاها نفسي اشوفها بس مقدر
ناظر علي للشباك وكمل : مدري هي تبادلني نفس الشعور
التفت علي لسلطان : زمان كنت اخذها معي للبقاله اجيب لها غزل بنات ونروح للحديقه الي جنب بيتنا نلعب ونسولف مع بعض 
قطع سوالفهم صوت رنين جوال علي ونطق : ثواني سلطان
رد على الجوال : هلابك يالغالي
الجد جسار بأستعجال : وينكم طولتوا وين اللبن والخروف
علي : يلا يلا جايين خلصنا كل شي
الجد جسار : يلا الله معكم لاتسرعون احتريكم
علي : على خشمي
قفل الخط : يلا جدي يسأل عنا
سلطان : يلا يلا