يالغايب الي كبلتني مراسيك نورس حنيني عاف كل المواني

بارت 12

في قصر الامير سالم بن جسار ال زيدان
دخلت ملاذ بغرفتها والدموع متجمعه في عيونها تحاول تمسكهم لكنه ماقدرت ونزلت دموعها
هو يحسب اني العب عليه وما احبه ؟؟!!
ليه يفكر كذا انا احبه ؟؟!!
معقوله هو سوه هذا الشي عشان يصرفني لانه مل مني
مستحيلللللل !!!
سدت اذنها بيدينها تبعد الافكار عن راسها
تردتت كلماته بمسامعها { ان كان ماتبيني ارفضي }
بلعت ريقها بصعوبه ودخلت للحمام غسلت وجهه
وجففته وخرجت حطت راسها على المخده ونامت على طول

-

في احد غرف قصر الامير مطلق بن جسار ال زيدان
جالسه سهر تحط ميكب
وترف تسوي شعر ليل واصوات الاغاني الي تشغل ورا بعض والبنات الي يغنون معها
ترف ضربت راس ليل بخفه : لاتتحركين
ليل بغضب : طيب لاتضربين
التفتوا البنات للباب من حسوا بصوت ضرب خفيف
سهر : مين ؟؟!!
دخلت صيته للغرفه وناظروها البنات بأستغراب
جلست على الكنب وحطت رجل على رجل
صيته : ذي غرفة من فيكم
ترف : ليل
ليل : وانتي جايه عشان تعرفين ذي غرفة من ؟؟!
صيته : لا انا مو لهدرجه تافهة بس جيت بشوف وش تسوون
ناظروا البنات ببعض
ليل بنرفزه : الله يرزقك حياة ياصيته لهدرجه فاضيه جايه تشوفين وش نسوي ؟؟!!
صيته : حنا في الديره البنات دايم يتجمعون ونسولف ونجلس مع بعض مو متعودين كل وحده جالسه بغرفتها
انتوا 24 ساعه بغرفكم
ليل : خلاص سهله ارجعي للديره واجلسي مع البنات واتجمعوا وسولفوا على راحتكم
وقفت صيته : ذي طرده
ليل : افهميها على الي تبينه
صيته بوعيد : انا اوريكم يابنات مطلق
ليل : اعلى ما بخيل اركبيه
طلعت صيته من الغرفه بغضب وقفل الباب بقوة
ليل : انا قلت شي غلط ليه تتوعد لنا
سهر : ماعليك منها مجنون ماتدري وين قاطها

-

في قصر الامير سالم بن جسار ال زيدان
اخذت البوكس من يد المندوب وبغضب : اخيراً كان وصلوتها بكره من زين شنطتكم خ.....
تركها المندوب قبل تكمل كلامها
دانه بهمس : قليل ادب لسه ماخلصت كلامي
حرك المندوب سيارته
ناظرت للبوكس : اخيراً شنطة احلامي وصلت
التفتت بخوف من حست بصوت يناديها
سعد بغضب : دانه وش تسوين برا
دانه : انا مو برا انا ورا الباب كنت استلم طلبيتي
انت ماتدري وش صار صارلي اسبوع طالبتها وتو وصلت الحمدالله جت قبل العيد لا وتخيل قالت لي ادفعي زياده عشان نوصلها لك الحين ولطعوني في الحديقه نص ساعه انتظرهم يجيبونها و....
قاطعها سعد : ماطلبت قصة حياتك !!
تركها ودخل للقصر
دانه : ليه محد راضي يسمعني معقوله سوالفي بيض
ناظرت للباب لثواني وقفلته : انا اوريك ياسعد ماراح اكلمك اعرف اخر الليل بتجي عشان اسولف معك والله ما راح اتكلم راح اطبق عليك الصمت العقابي

-

في قصر الامير سالم بن جسار ال زيدان
فتحت الباب شافته نايم بفراشه تقدمت له بشويش
دانه بصوت خافت : سلطان يلا اصحى
سلطان بتعب : ساعه كم ؟؟
دانه : الساعه 4
سلطان وهو يحك جبينه : طيب خلاص روحي الحين اصحى
طلعت دانه من الغرفه وتوجهت لغرفة ملاذ شافتها جالسه امام المراية
وساهيه ووجهها شاحب
قفلت دانه الباب وتقدمت لملاذ بسرعه : اسم الله عليك وش فيك وجهك شاحب ولسه ماتجهزتي 
ناظرتها ملاذ وماردت عليها
حضنتها دانه : قولي وش فيك صاير معك شي
ملاذ : دانه يحسب اني العب عليه واني ماحبه
دانه : مين ؟؟!!
ملاذ : رعد
دانه : وش صاير معك
ملاذ : اليوم قابلته قالي بخطبك وبنتزوج قلت له انا لسه صغيره عصب علي وقالي لايكون تلعبين علي وانتي ماتحبيني وقالي بخطبك واذا انتي ماتبيني ارفضي
دانه : طيب وش فيها ماصار شي دامك تحبينه وافقي وخلاص
ملاذ بحرقه : مابي اتزوج الحين لسه صغيره وبنفس الوقت احبه ومابي يضيع من يديني انا بين نارين يادانه بين نارين
دانه مسحت على راس ملاذ  : اذا انتي تحبينه وافقي
وضربتها بخفه وضحكت : اقول قومي تجهزي مافي وقت وبعدين لما شفتك توقعت فيه شي كبير اخر شي عشان ماتبين تتزوجينه وبنفس الوقت تحبينه
صدق مجنونه ماتعرفين وش تبين
ابتسمت ملاذ
دانه الي حاولت توقف ملاذ : اقول يلا مافي وقت قومي تجهزي

-

في احد فنادق الرياض المعروفه
خرج من الحمام وهو ينشف شعره بالفوطه جلس على التسريحه مسك جواله
5 مكالمات فائته من علي
اتصل زياد على علي لكنه مارد علي عليه
قفل جواله وطلع المشط من الدرج ومشطط شعره وجففه بالاستشوار وبعدها بخ من عطره على جسمه وتوجه للكبت طلع له بلوزه مع بنطالون ولبسهم التفت من سمع صوت رنين جواله تقدم لجواله ورد على الاتصال
علي : الو
زياد : هلا
علي : وينك
زياد : في الفندق
علي : طيب ليه ماتجي عندنا
زياد : ابي ادخل عليهم بصباح العيد افضل الحين اكسد كلهم مشغولين عشان تحضيرات العيد
علي : اها طيب قبل لاتطلع من الفندق اتصل علي بلغني
زياد : طيب
قفلوا الخط ووقف زياد وقفل الانوار وانسدح على الفراش إلى ان نام

-

الساعه 5:30 في قصر الامير مطلق بن جسار ال زيدان
ماسكه ريم المبخره تبخر المجلس

دخلت الشغاله فيولا وبيدها الاطقم وحطتها على الاستقبال وخرجت تقدمت ريم تتأكد انه كل شي بالمجلس مضبوط وحطت المبخر على الاستقبال واخذت المرش وبخت على جميع انحاء المجلس انتشرت الريحه الطيبه على المكان رجعت المرش وخرجت من المجلس وتوجهت لغرفة البنات
دخلت عليهم
ريم : لسه ماخلصتوا
سهر : الا خلصنا باقي بس نلبس الفساتين ونتعطر
ريم : استعجلوا باقي نص ساعه والناس تجي
ليل وهو تحط المسكرا : طيب
خرجت ريم وقفلت الباب وراها
ليل : ماعرف احس متوتره راح يجون ضيوف واجد من الديره ومن جده احس المجلس بيصير زحمه وانا خجوله بزياده
سهر : ايوه بس احسن وناسه
ليل : غريبه ترف ساكته ماتكلمت من ساعه
ترف : جالسه اعدل الاكسسوارات
ليل : سهر اي روج احلى مع فستاني الاسود
سهر : الاحمر بيطلع ناريي
ليل : كنت افكر بالنودي بس خلاص بحط احمر
اخذت ليل الروج الاحمر من التسريحه
سهر : انا بروح البس فستاني وراجعه
خرجت سهر من الغرفه وتوجهت لغرفتها
جلست تتأمل فستانها الي كان لونه احمر وضيق وفيه فتحه للفخذ
تقدمت وبخت على الفستان من عطرها المفضل اخذت فستانها ولبسته وقفت امام المرايه تناظر لجمال فستانها ابتسمت واخذت جواله تصور للبنات
سهر بفرح : صدق يجنن وش ذا الجمال
توجهت للتسريحه وفتحت الدرج وطلعت مجوهراتها لبست العقد 
وجلست تتأمل جمال العقد على عنقها
لبست باقي المجوهرات وطلعت كعبها الي لونه كان فظي لبسته ووقفت امام المرايه تشوف اللوك النهائي كان شعرها الناعم الاسود منسدل لاردافها
جمال فستانها الاحمر وشعرها حكاية تكتب لها قصيده وجمال فستانها الي من فخامة جسمها يستحي مذهله بأدق تفاصيلها مذهله من طرفها الناعس لحد خصرها مافيها من الميل الا خصرها رزة فرس ماطالها كل خيال بيضاء تشبه التراتيل في ليل سرمدي مقدس ناعمة العود سيدة الملامح .....!!

-

في قصر متعب بن جسار ال زيدان
لابسه عبايتها وجالسه بجوالها جنب امها ينتظرون رعد
نزلت سمو جوالها : رعد تأخر مايصير كذا
سارة : طيب اصعدي وقولي له يستعجل مافي وقت الساعه صارت 6
وقفت سمو وتوجهت لغرفة رعد فتحت الباب شافته جالس بجواله وحاط رجل على رجل
شهقت سمو : تستهبل وحنا منتظرينك تحت
اعتدل رعد : اضربي الباب مره ثانيه الخصوصيه في ذا البيت صفر
سمو : حنا تحت ننتظرك وانت جالسه هنا على الجوال
رعد : اطلعي برا وانا جاي
سمو : طيب بسرعه عشان مافي وقت
طلعت سمو من الغرفه واخذ رعد مفاتيح السيارة ولحقها