يالغايب الي كبلتني مراسيك نورس حنيني عاف كل المواني

بارت 37

في احد شقق العماره
عند بنات محسن الساعه ٩:١٢ صباحاً
متجمعين في طاوله الطعام يفطرون ومتضايقين على حالتهم ووضعهم الي هم فيه  وكل وحده تفكر بحل اخذت نسم الشاهي وبيأس : انا بكلمه ان شاء الله يوافق يشغلك معي في الكوفي بكلمه وبقوله عن حالتنا
اديم بضيق : على خير
الجوهره : قربي لي الخبز
أعطت نسم الخبز للجوهره : انتبهي تتأخرين بسرعه اطلعي لشغلك لايطردونك وحنا الحين محتاجين مره لذا الشغل وترا اليوم بنروح نكلم عمي
زفرت اديم بضيق من السيرة : للحينك مصرة
حطت نسم يدها بكتف اديم : حبيبتي إذا ماكلمناه مانقدر نعيش راح نموت مانقدر نكمل حياتنا حتى شغلنا مايجيب لنا فلوس واجد نصرف منه وبعدين حنا ماراح نطلب منه نعيش عندهم ولا فلوس نطلب منه بس شغل نصرف منه
الجوهره رشفت من الشاهي : صح كلام نسم بالبدايه ماكنت مقتنعه بس صدق يعني من وين نصرف
اديم وقفت بأنزعاج : طيب طيب
دخلت اديم لغرفتها ووقفت الجوهره وباست نسم من خدها : يلا انا طالعه
نسم رمت للجوهره بوسه في الهوى : الله معك
اخذت الجوهره شنطتها وطلعت من الشقه وتركت نسم جالسه بضيق بسبب وضعهم الي تغير من تزوج ابوهم لطيفه نزلت من الكرسي وقفت امام الشباك تسترجع ذكرياتها لما كانت امهم في ذا الوقت تصحيهم يروحون للمدرسه وتفطرهم وتلبسهم وتودعهم قبل يطلعون للمدرسه رفعت راسها تمنع دموعها من النزول لكن ماقدرت تمنع دموعها من الشوق لامها اشتاقت لايام زمان ولحضن امها الدافي اشتاقت لما ترجع من المدرسه وتجلس مع امها وأخواتها ويتغدون سوا وتدرسهم بعد الغدا أطلقت لدموعها العنان وماهي الا لحظات بسيطه وزادت شهقاتها وبكاها حنين لامها طلعت اديم من غرفتها من سمعت صوت بكاء وتقدمت لنسم بخوف : وش فيك نسم
نسم بأنهيار : اديم اشتقت لماما اشتقت لها
حضنت اديم نسم : الله يهديك يانسم لاتبكيني معك
نسم بضعف : ليه ماتت وتركتنا مع لطيفه
نزلت دموع اديم : نسم خلاص اسكتي اسكتي
نسم : محتاجه لأمي محتاجه لحضنها اشتقت لها مره
مسحت اديم دموعها : نسم وش رايك نطلع الليله نفسيتك تعبانه مره

-

في قصر متعب بن جسار ال زيدان متجمعين على طاوله الطعام اما علي الوحيد الي ماكان موجود في سفره الفطور وسارة تتجنب تتكلم مع متعب بسبب الخطبه الي ما استشارها فيها والوضع متكهرب عندهم ومحد يتكلم مع الثاني والصمت يعم المكان الكل ياكل بصمت وقف رعد بعد أن انتهى من اكله وصعد لغرفته وقف متعب وصوت للشغاله : رحاب تعالي
تقدمت رحاب والقهوه بيدها مدتها لمتعب الي اخذها واخذ بشته الي في الكرسي
استغرب الجد جسار من شافته اخذ بشته وسأله : وين رايح
متعب : عندي لقاء مهم
الجد جسار : الله معك
طلع متعب من البيت وناظر الجد جسار لسارة ونطق : ترا ذا زوجك مايصير تزعلين منه وماتكلمينه على سبب تافه زي ذا
سارة : ياعمي ذا مو سبب تافه كيف يخطب لولده وحنا مانعرف واصلاً ولده علي مايبي صيته يبي يعيد نفس الشي الي سواه بخالد لعلي وهو يعرف انه حنا حاطين في بالنا نخطب سهر لعلي
الجد جسار قاطعها : ذا رجال يسوي الي ف راسها ومايستشير احد
وقفت سمو وطلعت لغرفتها تتركهم يتكلمون على راحتهم اتجهت لغرفتها وفتحت جوالها على قروب البنات والغريب في الموضوع انه سهر ماصورت شي اليوم وهي من عادتها تصور يومياتها وكل شي وتنزله في القروب اكيد زعلانه على الي صار امس قفلت جوالها وتنهدت بقوه وطلعت من غرفتها وضربت الباب
علي بتعب : مينن
سمو : علي ضروري تفتح الباب
تقدم علي للباب يفتحه وهو نفسيتة تعبانه من بعد الي صار ودخلت سمو
علي قفل الباب : وش تبين
جلست سمو : علي لازم اكلمك
جلس علي : خير
سمو : انته صدق ماتحب سهر وكنت تلعب عليها
علي بنفسية : انتي وش تبين خلصي
سمو : علي امس سهر لما سمعت انه انته وصيته انخطبتوا اغمى عليها ماتحملت الصدمه
عقد علي حجاجه : وش
سمو : علي انته تحبها
علي : سمو انا احبها
سمو : اجل ليه خطبت صيته
علي بأنفاعل : انا ماخطبتها ابوي خطبها لي بدون لا أعرف
سمو : طيب تصرف سوي اي شي افسخ الخطبه دامك تحب سهر حرام تكسر قلب سهر
علي : وش الحل وش اسوي
سمو : تستهبل انت رجال اعترض قول لابوي لا ماني متزوجها اي شي المهم ماتتزوجها
سكت علي ومارد كملت سمو : علي تبي تكلم سهر
علي غمض عينه : ما ابي اشوفها
سمو مسكت يد علي : طيب ليه انت زعلان عليها
علي : لا مو زعلان عليها بس مابي اشوفها مكسوره وتناظر لي بخيبه على الي صار وانا ما اتحمل العتاب اعرف انها راح تعاتبني
سمو : علي وش فيك عادي خلها تفضفض وتطلع الي فقلبها وتعاتبك ترا الي صار مو شوي هي قالت لي انه.....
وقفت سمو كلامها من حست انها جابت العيد
فتح علي عينه : وش قالت
سمو : ولا شي
علي بعصبيه : خلصي وش قالت
سمو : اووف قالتي لي انه شافتك في الشاليه انته وصيته مع بعض جالسين
حط علي يده فراسه : الله ياخذك ياصيته طلعت لعبه منها
سمو بأستغراب : وش اللعبه
علي : هي هي جتني في الشاليه تتكلم معي يمكنها سوت كذا متعمده عشان سهر تشوف الله ياخذك ياصيته
سمو : علي يعني ماكلمتها ولا تحبها
حط علي يده براسه بتعب من التفكير : وش احبها ذي اخر بنت في العالم ممكن افكر فيها
سمو وقفت : علي اذا صدق تحب سهر لازم تكلمها الحين وتقولها الحقيقه
تنهد علي : سمو اطلعي برا بجلس لحالي
ضربته بكتفه بخفه : تستهبل كلمها وعلى فكره الرجال الي صدق يحب بنت عمه يحارب الدنيا عشانها مو يجلس بغرفته ومقضي وقته نوم
علي : خلصيني اعطيني رقمها واطلعي
طلعت سمو جوالها : ايوه ذا علي الي اعرفه
نقلته الرقم وطلعت من الغرفه وتركته يلبس طلع بسرعه من غرفته ونزل شافته امه ساره الي كانت جالسه في المجلس تشرب شاهي
خافت سارة من شافته مستعجل ووجهه منصفق : صاير شي
علي : لا لا مستعجل مافي شي
سارة : الله يهديك خوفتني
طلع علي وركب سيارته واتجه بسرعه كبيره لقصرها وتفكيره بس فيها كيف بيقنعها انه مايحب صيته وانه مايلعب عليها ويحبها وصل وركن سيارته بعيد عن القصر ونزل واتجه لشباكها وهو متطمن لانه القصر فاضي لانه الكل الان في عمله او نايم رفع راسه يناظر لشباكها ورن عليها
نزلت كتابها من سمعت صوت رن بجوالها الي كان على الشاحن وقفت واخذت جوالها وعقدت حجاجها من شافت رقم غريب يتصل عليها قفلت بوجهه ورجعت جوالها للشاحن لكن رجع الرقم اتصل عليها ردت على الرقم
سهر بتساؤل : مين؟
علي : سهوري
انربط لسانها لما سمعت صوته وماردت
علي برجاء : سهوري تكفين انزلي بكلم
سهر : علي لاتتصل علي مره ثانيه
علي بغضب : سهر اذا مانزلتي والله لادخل عليك واصفقك انزليييي
سهر بعناد : مجنون انته قلت ماني نازله
علي : لاتحديني اسوي شي انا مابي اسويه انزلي بسرعه انا عند شباكك
سهر بإستسلام : اووف طيب
قفلت سهر ونزلت بخطوات هاديه للسيب الخلفي وقلبها يدق بسرعه ماودها تشوفه لانه تعرف انها بتضعف وتبكي قدامه وهي ماتبي تبين له انها ضعيفه طلعت للسيب شافته واقف وزام شفايفه بغضب تسمرت اقدامها ف مكانها ولاتقوى على الحركه حست بضغط فصدرها وانكتمت أنفاسها من تقدم لها وضمها لصدره
سهر تبعده : علي وش تسوي
علي بغضب : انتي وشفيك راسك يابس
حاولت تقاومه لكنها ماقدرت بسبب حجمه العريض : علي وشفيك انت خاطب بعد عني
علي : سمو قالت لي على الي شفتيه انتي فاهمة غلط
سهر بأنفعال : وش فاهمه غلط وبعدين مايهمني انته الحين خاطب صيته
ابتعد علي بغضب وناظرت له بخيبه ونظره كلها عتاب ولوم مسكها من كتفها يهزها : انا ماحب صيته انا ماحبها وبفسخ الخطبه ماحبها افهمي وشفيك
سهر بنبره مخنوقه : اجل ليه خطبتها
علي : ابوي خطبها لي بدون لا أعرف انا ماحب صيته انا احبك انتي
سهر بقهر وغيرة : شفتك بعيني جالس مع صيته بالشاليه انت ماتعرف وش سويت فيني انت دمرتني
علي : هي جتني وانا صديت عنها وقلت لها تروح لكنها مارضت تبعد والله انه لعبه منها عشان تبعدنا عن بعض وانتي خبله وصدقتي
سهر : والمطلوب؟
علي بغضب وصوت شبه عالي : تستهبلين ياسهر جننتيني
سهر خايفه لاحد يسمع صوته الي كان عالي : خلاص علي قصر صوتك لاحد يسمع وخلاص روح لاحد يشوفنا
علي : ماني رايح الا لما تقتنعين صدق انه انا ماحب صيته
سهر صدت عنه لأجل ماتلتقي عينها بعيونه الي اذا شافتها تحس بالضعف : طيب انته ماتحب صيته
مسك علي سهر من ذراعها : تمشيني
سهر : لا ما امشيك
مسك علي دقن سهر ورفعه لوجهه : سهر اذا انا خطبتك بتوافقين
نزلت سهر يد علي عنها : علي انته خاطب تستهبل
رفع راسه للسما وتنهد بضيق تعب منها ومن عنادها ناظر لها وبغضب وصوت شبه عالي : بفسخ الخطبه وبخطبك وبتوافقين غصباً عنك
ناظرت له سهر وتجمعت الدموع بمحاجر عيونها : علي انته صدق تحبني ولا لا ؟
علي مسك كفوفها وناظر لعيونها بهيام : انا مو بس احبك انا اموت فيك انا ما اتخيل حياتي بدونك انا ولا شي بدونك وكمان امام سهام عيونك انتي قوتي ومصدر طاقتي انتي حبي الاول والاخير انتي حب الطفوله والمراهقه والشباب قلبي ينبض لما يشوفك ويطير لما يسمع صوتك ويوقف وينشل لما المسك انتي مو بس حب انتي كل شي انتي حبي وبنت عمي اللي مره احبها غيره ومره احبها حميه انتي مو بس حبي انتي هيامي وعشقي انتي شعور اقوى من حب او كلمه احبك انتي أعظم من ذا كله انتي مو حب او عشق ينوصف بكلمه او جمله مكانك بقلبي أعظم شي بحياتي ولا يمكن يتغير
نزلت راسها من كلامه اللي زي سهام الحب فقلبها ماقدرت ترد عليه كلامه عظيم لدرجه ماتقدر ترد عليه كلامه اللي قاله بدون تفكير فيه وصف مشاعره اللي تبين حتى لو خباها ضمته بصمت وارخت راسها بصدره بأطمئنان انه عمره هذه القلب ماراح يكسرها : علي ماتكسرني؟
علي لانت ملامحه : ابوي انتي ي جعلني انكسر كسر ماينجبر ان كسرتك ويجلعني بجرح مايبرأ ان جرحتك يجعلني اموت ان زعلتك انا ابكم ان رفعت صوتي عليك وكلمتك بشي يزعلك مشلول ان مديت يدي عليك ورفعتها أعمى ان شفت فيك عيب وناظرت غيرك ومجنون ان ظنيت فيك شي شين امي انتي وابوي ياكل ناسي وهلي
بلعت ريقها وشدت عليه بأحساس انه هو الأمان لها وهو سندها وعزوتها وقوتها هو ابوها وزوجها واخوها وحبيبها هو كل شي ندمت انه فكرت فيه للحظه فكره سيئه : علي انا اسفه انا مو صاحيه مدري كيف ماعطيتك فرصه تتكلم وزعلت منك وفكرت فيك تفكير شين
سكتت شوي وكملت : مدري شلون ابرر لك موقف..
حط يده بفمها يمنعها تتكلم : بدون لاتبررين خطاك في عيوني صواب مايحتاج تعتذرين وجهك يخليني اسامحك مايحتاج تبررين شوفك يكفي
ضحكت سهر : وربي اني مو صاحيه وهبله
ضحك علي من سمع ضحكتها وبدأ يغني : اهواك واهوى جنونك يالغلا اهواك
زاد ضحكها ونطقت : طيب ترا غلط مو كذا
علي عقد حجاجه بلين من سمع صوتها مختلط بضحكها وبمزح : طيب بكيفي انا بخليها لك لأنك مجنونه ولأنها لسهر
ضحكت : انا مجنونه؟
حرك راسه علي يستهبل : اهواك واهوى جنونك يالغلا اهواك
كملت سهر بمزح : واذا ابتعد ياهنا بالي شسويلو
قبص خدها وعض شفايفه : اويلي عليك
ضحكوا مع بعض وضمها علي وشالها ضمته سهر تودعه