في قصر الامير سالم بن جسار
جالس في الكنب قبال الشاشه يناظر للأخبار ويشرب شاهي
مد كوب الشاهي لنوره ونطق : مين مسوي الشاهي صبي لي بعد
اخذت نورة ( ام نايف ) الشاهي وابتسمت : جعله عافيه يابو نايف مريم اللي سوته
سالم ( ابو نايف ) : الله يعافيك
وقفت نوره للطاوله وصبت شاهي ومدت الكوب لسالم اللي اخذ الكوب وجلس يشرب منه بكل رواق
سمع صوت رنين جواله ناظر جواله بأستغراب اخذه وجلس يتأمل الرقم بأستغراب وهو يقول بقلبه
وش ذا الرقم الغريب الله يستر !!
تنهد ورد على الاتصال
سالم بتساؤل : مين معي ؟!!
شرطي : انا اكلمك من قسم الشرطه تفضل عندنا وبتعرف السالفه
سالم بخوف : طيب طيب
قفل الجوال وناظر لنوره ووقف
نوره بخوف : عسى ماشر
سالم : قسم الشرطه متصلين يقول تعال وبتعرف السالفه هناك الله يستر بس لا سعد مسوي مصيبه كالعاده
شهقت نوره وحطت يدها بفمها من الصدمه تركها سالم وصعد لغرفته بسرعه واخذ مفاتيح السياره
وخرج من البيت
-
في قصر الامير مطلق بن جسار
تجمعوا البنات وزوجته ريم على الطاوله الطعام بيفطرون ناظروا ليل وسهر وترف ببعض بأبتسامه ينتظرون ابوهم ينطق ناظرتهم ام ليل وابتسمت : وش فيكم يلا افطروا
مسكت ليل الشوكه : طيب
ترف بفضول : يبه يعني قول وش عندك احس فيك سويلفه
ترك مطلق الملعقة من يده وناظر للبنات وابتسم : جهزوا اغراضكم بكرا بنسافر
سهر ابتسمت : صدق !!
وقفت ليل وتقدمت لابوها وباسته من راسه : الله يفرحك كنت حاسه
ترف بحماس : وين بنسافر
مطلق : لندن
ليل : من زمان ماسافرنا كلنا مع بعض دايم انا اسافر مع صحباتي وسهر تسافر مع صاحباتها وترف كمان بس مره وحده بس انا وسهر سافرنا انت وامي مو دايم تجون
مطلق : اي يابنتي خلاص الواحد اذا كبر وينه وين السفر كبرنا
ريم ضربت كتف مطلق بخفه : واصلا بدايه زواجنا ابوك كان يحب السفر وبالسنه سفرتين سفره لمكه نعتمر وسفره لدوله انا اختارها
ترف بحماس : الللعب
سهر : وش اخترتي تكون أول دوله يعني شهر العسل
ريم ناظرت لمطلق وابتسمت : تذكر وين ؟
مطلق هز راسه : اي امكم اختارت تسافر فرنسا
ريم : ابوكم كان يبي لندن وانا باريس بس اخر شي مشى على شوري
ليل : الحب اعمى
سهر : بفطر واروح اجهز اغراضي مافي وقت
مطلق الي ناظر لساعته : بكره الصبح على الساعه ٨ نروح للمطار
تقدمت لابوها وباسته من راسه ووقفوا ليل وسهر وحضنوا ابوهم مع بعض وهم فرحانين انهم بيسافرون معه وبعدها كل وحده راحت لغرفتها تتجهز
ابتسمت ريم لما شافت بناتها يحضنون ابوهم ويضحكون ناظرت لبناتها الي يصعدون من السلم ورا بعض والتفتت لمطلق ونطقت بصوت رايق وبكل حنان : الله يحفظك لنا وتسعدنا دوم
ناظر مطلق لزوجته بأبتسامه خفيفه ونطق : انا من لي غيركم اذا مافرحتكم افرح مين فرحتكم عندي بالدنيا وابتسامتكم انتي وبناتي تسوى الكون ومافيه
ناظرته وابتسمت ونزلت راسها لصحنها وكمل : والدوامات جايه نفسي افرحهم قبل لا تبدأ من زمان يحاولون فيني اسافر معهم وماصدقت لقيت وقت عشان نسافر سفره عائليه
حجزت على طول
ضحك مطلق وكمل اكله ناظرته ريم : جعله عافيه
مطلق : يعافيك عاد انا مشتهي شاهي قولي لسلطانه تسوي
ناظرته ريم : ابشر
أنت تقرأ
يالغايب الي كبلتني مراسيك نورس حنيني عاف كل المواني
Romanceالكاتبة/أمجاد الشمري رواية عائليه ، تتكلم عن واحد يحب بنت عمه الي تصغره ب7 سنين وهي تبادله نفس الشعور ويتم زواجهم بسهوله لكن هل علاقتهم بتصير سهله بدون عناء زي زواجهم ولا بيدمرها شي معين ؟؟ ،،، حياة الأمراء علي 🌷 سهر لكل كابلز قصة مؤثرة جداً بالل...
