يوم الشاليه / " في تمام الساعه ٦:٣٩ صباحاً "
في قصر متعب بن جسار ال زيدان
فزت سمو من نومها على صوت ساره
ساره : سمو سهر يلا بناتي قوموا شوي ونمشي
رفعت جوالها تشوف الساعه كم وصحت سهر بقوه : سهر سهر الحقي الساعه ٦ ونص وأهلي يمشون ٧ مايمدي نجهز الشنط ولا نلبس ولا نحط ميكب
سهر : كله منك انتي اللي قلتي خلينا نسهر
سمو : انتظري خليني اشوف الأوضاع تحت ومين يبي يمشي
سهر تمددت : طيب
دخلت سهر بسرعه للحمام اما سمو نزلت تشيك على أهلها
متعب : اخرتيني الله يهديك يبنتي يلا بنتظركم ربع ساعه
سمو : يبا ربع ساعه هذي وش اسوي فيها
ساره : سمو علي مايبي يمشي الحين هو نايم أمس رجع البيت متأخر قال لي اصحيه الساعه ٨
متعب : امس متى رجع
ساره بلعت ريقها : الفجر
متعب بغضب : انا مو صح منبه عليكم قبل الساعه ١ الكل بالبيت الا اذا كان ظرف طارئ
ساره : خلاص متعب اهدا احنا رايحين ننبسط وعلي ترا اول مره يتأخر شوف وش كان عنده بعدين ولدك كبر يرجع متى مايبي للبيت
زياد : يبه حصل خير لاتعصب نفسك
سمو : خلاص انتوا امشوا وانا وسهر نتجهز وعلي اصحيه الساعه ٨ ونجي معه
متعب : يلا اجل احنا ماشيين استودعتكم الله الذي لاتضيع ودائعه
ساره بمزح : قولي لسهر انا زعلانه عليها وحسابها عندي بالشاليه
سمو ضحكت : ليه
ساره : بالشاليه تعرفون المهم انتبهوا تدخلون المطبخ الا الطباخه معكم اعرفك انتي وسهر لاتجمعتوا غصب تسوون كارثه
خالد وقف : يلا نجد سرينا
وقفت نجد : يلا
زياد : روحي اركبي السياره انا والسايق نشيل الشنط يبه انت تبي السايق
متعب : لا لا انا اروح
رعد طلع برا المطبخ : ها للحين مامشيتوا ؟؟
متعب : اي
زياد : رعد اسمع انا احتاج السايق انت وصل امي وابوي اذا مخلص
رعد : اي اي خلصت انا بوديهم
ساره : تسوي خير ابوك صاير يتعب من السواقه
متعب بستقعاد : وشقصدك
ساره ضحكت : اي اي صرت شايب
متعب : يلا بس ولا كلمه للحيني شباب وعلى أساس انتي للحين شباب يلا قدامي
خالد : تحسس الوالد
رعد : اي والله يبه كبرت بس سوسو لسا بزره
ساره رمت له بوسه فالهوى : يابعد قلبي
متعب بوعيد مضحك : الوعد بالسياره
رعد : زياد انقذني
زياد : يبه انت خلك معي لاتجرم برعد
رعد : وسوسو معي
متعب بمزح ضرب ظهر زياد : اصلا من زينك انا ماخلفت الا ذيبان
خالد : والنعم بزيدان
-
دخلت سمو غرفتها : سهررر
سهر اللي كانت مستعجله وتحوس بين اغراضها بتوتر : وين الليب بالم
سمو ضحكت : لاتخافين اهلي مشوا
سهر رفعت راسها : نروح مع مين ؟؟
سمو : علي للحين نايم الساعه ٨ يصحى واتوقع ٩ نحرك
زفرت براحه : اشوا
تجهزت سهر اللي سوت ميكب صيفي خفيف بلشر بينك وكونسيلر وليبستيك وردي خفيف ومحدد بدرجه اغمق وشدو بينك هادي وماسكارا وايلاينر ناعم وسوت شعرها كيرلي وزينته باكسسوار شعر بشكل زهره الاقحوان اما سمو اللي كان ميكبها باللون البيج الفاتح والمشمشي شدو باللون البيج بلشر باللون المشمشي وليب لاين بني وليبستيك بيج وثبتت حواجبها بجل ورسمتهم سيف خفيف
سهر : خلصت
سمو : انا بروح اصحي علي وانتي جهزي لي اغراضي معاك بليز
سهر : حاضر
توجهت سمو لغرفه علي وهزته من كتفه : علوي علوش عوعو
هزته اكثر لكنه ماصحى وشالت عنه اللحاف وماتحركت منه شعره كان غاط بنوم عميق تأفأفت سمو وفتحت الستاير لتدخل اشعه الشمس وتنور الغرفه تحرك على وفرك عيونه ورجع نام صرخت سمو : علي اصحى
مارد علي اللي للحين نايم شافت كاسه مويه جنب سريره اخذتها وكبته على وجهه صحى علي من النوم وغطى عيونه بيده من اشعه الشمس : خير
سمو : الساعه صارت ٨ وابوي واخواني مشوا وقالوا انت اللي توصلني انا وسهر
عقد حجاجه : سهر ؟
سمو : اي سهر من امس نايمه عندي
هز راسه : طيب اطلعي
ابتسمت سمو وضمت علي : احبك
بادلها الحضن وابتسم : وش سبب الحضن المفاجأ
سمو دست راسها بعنقه : علي انت الوحيد من اخواني اللي احسك تفهم لي وتعبرني وحنون مره احبك
ضحك علي : وانا اموت فيك ياسموي يادلوعتي انتي
-
دخلت سمو على سهر : خلصتي ؟
سهر : لا جهزت شنطتك بس مو كلها والحين ابي اجهز شنطتي ليه تأخرتي ؟
سمو : علي يبيني اسوي له قهوه مايشرب من يد العامله
سهر : علي خلص ؟
سمو : اي جالس ينتظرنا بالمجلس
سهر : يحظهم قشهم كله ثوبين وشماغ
ضحكت سمو : تخيلي انا صارلي ساعتين اتجهز حتى فستاني واكسسواراتي مالبستهم وهو ١٠ دقايق خلص كل شي وجالس ينتظرنا
علي طق الباب : ياسمو سهر خلصوا بسرعه بمشي دقيقتين ماجيتوا امشي واخليكم
سمو : علي تعال سهر بالحمام
دخل علي الغرفه : يلا يا ابوي انتوا اخلصوا
سمو أشرت سمو عالزاويه : ممكن تشيل الشنط
ناظر علي الزاويه وعقد حجاجه : بتاخذونهم كلهم ؟
سمو بسخريه : لا نصهم اختار اللي يعجبك وخذه وشرايك يعني اكشط واربح خذهم كلهم
تقدم علي ومسك قبضه اول شنطتين ورفع راسه لما سمح صوتها : سمو وشرايك بالفستا...
ارتخت يده ونبض قلبه وزاد عدد دقاته توقف مخه عن التفكير كان كل اللي فباله جمالها ، انوثتها ، كشختها بلع ريقه وبحلق فيها وفجسمها وفستانها الناعم البينك ضيق ومفتوح لفخذها وصدرها المكشوف بشكل واضح أمامه كانت بكاملانوثتها ورقتها ونعومتها ملامحها الطبيعيه والبرئيه ضهرت بألوان مكياجها فستانها الانوثي اللي بين انوثتها وتفاصيل جسمها نزل راسه وقلبه يدق اما سهر اللي من الصدمه ماتحركت من مكانها كان كل تفكيرها هو يلازمه جمال عيونه وحدتهم تي شيرته الأبيض وشورته الاسود مع كابه حرفيا أجمل شي شافته عينها اليوم مبسمه العذبي وطوله وعرضه الجمها لدرجه انها ماصدت او غطت نفسها ماقدرت تشيل نظرها عنه
خرج من الغرفه بتوتر مسك قلبه وزفر : وجع مو لهدرجه حلوه قلبي يوجعني انشهد
انها جتني تصب الحسن في ناظري صب
حتى تباشر كل عرق وشربها
ساعه دنت يمي وانا اقول يارب
الطف علي ان كان قلبي قربها
من شفتها قلت اب اب اب
ماشفت والله مثلها أجمل ولا ابهى
ممكيجه خلقه ماتحتاج ميكب
وقوامها مايحتاج والله فزعه كعبها
-
عند سيارة مطلق
جالسه ليل بجوالها تتجنب تدخل بحوار مع ابوها الي كان يسولف ويضحك
لاحظت ترف صمت ليل من ركبوا السياره وقبصتها بخفذها بمعنى تكلمي لاتجلسين ساكته ناظرت ترف لليل ورجعت تناظر لابوها الي كان يناظر ليل من المرايه
سارة صبت قهوه ومدته لمطلق : سم
اخذ مطلق القهوه : سم الله عدوينك
سارة : طولنا متى بنوصل ؟
مطلق : قريب قريب
ناظر مطلق لليل : ها ليل نمتي زين احسك تعبانه
ليل : لا ماني تعبانه
مطلق : اسمعوا بنات انتبهوا احد من عيال عمانكم يشوفكم خليكم في قسم الحريم
ترف : على عيني ماما جبتي الحلا الي سويته
ضحكت سارة : لاتخافين جبتها جبتها
مطلق بضحك : حلاك اهم مننا كلنا لاتخافين انا الي جبته
ضحكت ترف : ايوه امس كله كنت اسويها
سارة : يلا قربنا نوصل بس تنزلون أخذوا الاغراض وانتي ياليل شيلي الحافظه ما اثق بترف
ليل : طيب
ناظرت ليل لساعه جوالها وكانت الساعه ٧:٤٥ تنهدت ورجعت تناظر للشباك
أنت تقرأ
يالغايب الي كبلتني مراسيك نورس حنيني عاف كل المواني
Romanceالكاتبة/أمجاد الشمري رواية عائليه ، تتكلم عن واحد يحب بنت عمه الي تصغره ب7 سنين وهي تبادله نفس الشعور ويتم زواجهم بسهوله لكن هل علاقتهم بتصير سهله بدون عناء زي زواجهم ولا بيدمرها شي معين ؟؟ ،،، حياة الأمراء علي 🌷 سهر لكل كابلز قصة مؤثرة جداً بالل...
