يالغايب الي كبلتني مراسيك نورس حنيني عاف كل المواني

بارت 35

طلعت من الغرفه بعد ماتأكدت ان كل البنات نايمات وبخطوات هاديه اتجهت لغرفتها وقفلت الباب عليها ورمت نفسها على فراشها ونزلت دموعها لما تذكرت اشكالهم مع بعض تعالت صوت شهقاتها وبكاها كانت تعتقد انه يلعب عليها وانه مايحبها امتلئ صدرها حزن والم
ضربت نفسها في المخده : انا غبيه كيف حضنته وقلت له اني احبه طلع يلعب علي طلع يلعب علي
مسكت راسها من حست بصداع قوي بسبب انه كانت تفكر في ذا الموضوع
سهر بصوت خافت : علي ليه سويت فيني كذا انا احبك لللليهه
رجت الصدمه كل كيانها أنهكها التعب فخارت قوها ونامت بدون لاتحس

احذر من الحب وانت عادك صغير

ترا بيخليك في بدايه عمرك تشيب

ابتعد عن هالعلاقات والحكي الكثير

مو كل من تخطيته على الجرح يطيب

خلك عابر يهم ومقامك عالي وكبير

ولابه احد يستاهل يكون منك قريب

-

دخل الجد جسار عليهم شافهم نايمين فتح الانوار وبيده العصا ضربها بقوه على الأرض فزوا العيال من سمعوا الصوت
الجد جسار : الساعه 3 العصر متى بتصحون
رجعوا العيال ناموا وضرب الجد جسار العيال خفيف من سيقانهم وصحوا
لاحظ الجد جسار غياب احد من احفاده : الا وين سعد
علي : نايم تحت الطاوله التفت الجد جسار للطاوله الي وراه وشافه نايم تحتها
الجد جسار : وش منومه هنا
رعد : يحب ينام تحت الطاوله
الجد جسار : خبل ذا
لسعه الجد جسار بسيقانه وفز سعد وضرب راسه في الطاوله وصرخ : وش
الجد جسار : اقول قوموا طافتكم صلاة الظهر والعصر مايصير اصحوا بسرعه
وقف سعد وهو يحك راسه : طيب طيب
الجد جسار : توضوا وتعالوا نصلي جماعه العصر باقي لها 10 دقايق
سعد : جدي توك تقول طافتنا صلاة العصر
الجد جسار : سعد اليوم معاقب راح نخليك تجلس عند الصحون وتصب اللبن عشان اذا الكبار تكلموا الصغار ينكتمون تتعلم شوي الأدب
سعد : خلاص جدي اسف اسف ما اعودها
طلع الجد جسار وناظروا علي وسلطان لبعض وفجأة وقفوا وتسابقوا للحمام ودخل علي قبل سلطان
سلطان : انا اوريك بس تطلع
رعد : انجنوا ذولا

-

في بيت لطيفه الساعه ٤:٣٤ عصراً
في غرفه البنات جالسات مع بعض يدورون حل لحالتهم الي هم فيها من توفى ابوهم محسن وسجل البيت بأسم زوجته لطيفه وهي مسيطره عليهم واذا ماسوو الي تبيه تعاقبهم وهم يسكتون عشان ماتطردهم من البيت وبعض الاحيان تتركهم ينامون بدون عشا وتضربهم على اتفه الأسباب لكن نسم كانت اقوى خواتها وترد عليها وماتخاف منها عكس خواتها الثانيات اديم والجوهره يخافون منها
نسم : مالي شغل انا بطلع من ذا البيت والي تبي تجي معي تجي
أديم : حبيتي نسم وممكن نعرف كيف راح نصرف على أنفسنا
نسم : وش فيك يا اديم انا عندي شغل والجوهره كمان بس انتي دبر لك مكان تشتغلي فيه وكل شهر ندفع إيجار من الفلوس الي معنا وباقي الفلوس نصرف منه اكل شرب ملابس
اديم : تستهبلين وش يكفي زين اذا كفى الإيجار بس
نسم : وشدعوه يكفي واذا ماكفى انا مستعده اشتغل شغلتين بس ما اجلس هنا اكثر
اديم : يابنت فكري بالموضوع زين وترا من الحين اقولك اذا طلعنا من هنا مانرجع مره ثانيه
نسم : ماعليك يابنت
الجوهره : طيب كيف نطلع بدون لاتعرف
نسم : اسمعوا الليله بس تذلف وتنام نطلع كلنا وندبر اعمارنا
الجوهره : دقيقه صدق اذا طلعنا وين بنروح
نسم : ماعليكم انا معي فلوس
الجوهره : من وين لك فلوس
نسم : بنات تذكرون الذهب الي ابوي جابه لنا هديه
الجوهره : ايوه
نسم : نبيعه وناخذ فلوسه نأجر فيه شقه لما أمورنا تزين
الجوهره : الا صدق يانسم
نسم : وش
الجوهره : ذيك المره لما رحنا لعيد عمي جسار
اديم : ايوه ؟
الجوهره : انتي ضفتي سهر صح؟
اديم : ايوه
الجوهره : خليها ترسل لنا الموقع ونروح لعمي جسار ونكلمه ونقوله السالفه اكيد بيساعدنا
نسم : لا لا مستحيل
الجوهره : وش فيكم انتوا عادي ذا انو ابوي الله يرحمه يعني عمنا ليه نستحي منه
اديم : لا فشله
ضربتها الجوهره بخفه : وجعه وش دخل الفشله ذا عمي إذا ماساعدنا مين بيساعدنا
نسم : والله ما اعرف احس فشله وبنفس الوقت صدق ذا عمنا يعني مافيها شي

القصة بأختصار للي مو فاهم محسن اخو مشعل وجسار الصغير ولما إخوانه جسار ومشعل كانوا كبار مره ومتزوجين هو كان عمره 10 سنين يعني بينهم فارق سن كبير لما نزل جسار للرياض وتركهم كان مشعل يربي محسن وخالتهم اخت امهم تساعد مشعل بتربية محسن مرت السنين ومحسن كبر وتزوج فاطمه اعطاه جسار بيت في جده هديه لزواجه نقل محسن وزوجته لجده وجابوا ثلاث بنات اديم نسم الجوهره
وكبروا محسن وفاطمه وتوفت فاطمه بسبب حادث سير وبعد وفاتها ب 6 سنين تزوج لطيفه ولطيفه كانت تبي تضمن حقها قبل يموت وسوت له سحر وسجل البيت كله بأسمها ولا أمن مستقبل بناته مرت السنين وتوفى بسبب مرض فشل الكلوي

| مر اليوم في الشاليه بدون احداث |

بعد اسبوعين.....

الكل رجع لقصره تعبان من الرحله الطويلة.....