بالغ في حب نفسك فهذا هو الحب الوحيد الذي لن تندم عليه يوماً 🌷
.
.
.
الكاتبة/أمجاد الشمري✍
.
.
.
في بريطانيا تحديداً انجلترا
دخل لشقته بتعب وإرهاق وبيده اغراضه قفل الباب وحط اغراضه في الطاوله الي أمامه وتوجه للحمام غير ملابسه وغسل طلع من الحمام وتوجه للتسريحه مشط شعره وبخ من عطره وتوجه للمطبخ ياكل له لقمه
قطع الصمت صوت رنين جواله تقدم لجواله الي كان في الطاوله اخذه وكان المتصل رفيقه مالك
اتسع مبسم زياد : ارحبب ياولد اشتقنا
ضحك مالك : البقى ها كيف الاخبار الأمور زينه
تنهد زياد : زينه وفرحان بشكل مايوصف بعد يومين طيارتي راجع للسعوديه ماني مصدق انه برجع لحياتي القديمه
شهق مالك بفرحه : ولا قلت لي انك بترجع لو مو متصل عليك كان ماعرفت انك راجع للرياض
زياد وهو يفتح الثلاجه : كنت ببلغك بس صار بسرعه الموضوع ولا لحقت
مالك : بلغت اهلك
زياد : لا بخليها مفاجئه
مالك : اي زين انت توك راجع من الجامعه
زياد : اي والله تو رجعت وخلصت كل شي
مالك : اجل بتركك تريح شكلك تعبان وبكره من تصحى اتصل عليك
زياد : خلاص تم
قفلوا من بعض وجهز زياد الاكل وبعد ما اكل وخلص توجه لغرفته ينام
في قصر سالم بن جسار ال زيدان تحديدا في مجلس البنات
كانوا ملاذ ودانه يستقبلون صاحباتهم و البنات في هذا المجلس
كان يحتوي على كنب واستقبال يحويه مباخر وعطور وطاوله وركن قهوه وشويه اكسسوارات للمجلس
جالسين يهرجون دانه وملاذ مع سمو دخلت الشغاله ماريا وبيدها صينية عصاير فريش تقدمت ومدت العصاير لسمو ومن بعدها ملاذ ودانه وخرجت
ضحكت سمو : طيب كيف بيتحملونها
ملاذ : ماعرف خاصتاً سهر تكره صيته كيف بتتحملها هههههه
سمو : تخيلي تدرعم على اخوي علي وهو بغرفته نايم بدون تطق الباب واختها الثانيه شموخ كل شوي تتهاوش مع احد حتى رعد ماتركته بحاله
نزلت راسها ملاذ من سمعت اسم رعد ورفعت اناظرها لسمو
سمو : وشموخ اول ماجت كسرت المزهريه دبشات بنات حصيص
شهقت دانه : كسرت المزهريه؟؟!!
سمو : ايوه تخيلي
ملاذ : صحيح سمو غني من زمان عن صوتك الحلو
سمو بحياء : استحي ما اتحمل المدح
ملاذ : غني الفين باب
سمو وهي تستعد : اوك اوك طيب
في خارج المجلس كان سلطان يحوس يدور على خواته صادف الشغاله الثانيه جانسي
سلطان : جانسي
جانسي : نعم سيد سلطان
سلطان بتساؤل : اين ملاذ و دانه
جانسي : في المجلس يشاهدون فيلم
سلطان : حسناً
تركها وتوجه للمجلس الي كان مفتوح نص الباب
وشاف بنت اول مره يشوفها وتغني بصوت عذب
سمو بصوت عذب واحساس مليان : تحين ساعات الزعل متى سعادتنا تحين اما قهر ولا صبر ولا كبر ولا عتاب حنا تحملنا بعض شوق ومسافات وحنين
انبهر بجمالها وجمل صوتها وهي تغني وعيونها الوساع وخد به من الحلا شامه والرمش في العين الجميله مخلب ولما ابتسمت بانت غمازاتها
نثرت شعرها الطويل وتباهت بدلالها
سمو وهي تلعب بشعرها : ها وشرايكم؟
ماتحمل سلطان ودخل للغرفه بيشوفها عن قرب
سهى بملامحها وشعرها الطويل بينما سمو كانت تناظره بصدمه من جرئته ودخوله المفاجئ و نظراته لها
سلطان الي مثل انه تو ينتبه لوجودها : معليش معليش
خرج من الغرفه ومسك قلبه واتسع مبسمه وتوجه بسرعه للسيارة
سمو بأستغراب : مين ذا ؟؟!
ضحكت دانه ترقعها : ذا سلطان معليش بس شكله ما انتبه انك هنا
ملاذ : ايوه وش كنتي تقولين
ناظروا البنات لبعض بصمت وبعدها انفجروا من الضحك لما تذكروا وجه سمو الي انصفق وقلب احمر
~ مر باقي اليوم طبيعي بدون احداث في ثاني يوم الصباح ~
في الطيارة جالسات البنات يطقطقون بجوالاتهم اما سهر كانت نايمه من التعب
وجهت ليل جوالها لترف : وش رايك ذا فستاني بتوصله لي اليوم اذا وصلنا السعوديه
ترف : واو يجنن لونه خطيير غرت غرت
غمزت ليل : افا عليك اضبطك وترا راح يجون ضيوف من الديره وراح تكون موجوده ذي الخايسه مرام
ترف بأستغراب : مين مرام
ليل : ذي مرام تكون حفيده اخو جدي
ترف بعدم فهم : كيف؟؟! مافهمت
ليل : شفتي اخو جدي جسار اسمه مشعل مرام تكون حفيده مشعل وابوها اسمه فهيد
ترف بتساؤل : وش لون تعرفينها
ليل : ذي كانت تجي قبل بالمناسبات تغار من سهر و مني وراح تغار منك لأنك كبرتي
ضحكت ترف : لازم اشوفها
ليل : تمام بوريك مرام بالعيد
_______________________
في قصر الامير سالم بن جسار ال زيدان
في المجلس جالسه نوره مع ملاذ ولابسين العباة
ملاذ بغضب : وين الكلبه دانه ليه ماجت تأخرنا
نوره بصوت عالي : ماريا ماريا
جات ماريا بسرعه لنوره : نعم سيدتي
ملاذ : اذهبي إلى دانه وقولي لها تأتي بسرعه
ماريا : حسناً
توجهت ماريا لغرفتة دانه
ماريا : سيده دانه سيده نوره تريدك في الأسفل تقول تعالي بسرعه
دانه : حسناً
خرجت ماريا وزفرت دانه بملل : اوف ماينتظرون شوي
خرجت من غرفتة ونزلت لامها وملاذ
ملاذ : شرفت اخيراً كان نمتي الله يهديك
دانه : اقول بسرعه تأخرنا
ملاذ : تو تعرفين اننا تأخرنا
نوره تنهي النقاش : خلاص يلا مشينا
خرجوا وركبوا مع السايق وتوجهوا للكوافير
~~~~~~~~~~~~~~~~~~~
في قصر الامير متعب بن الجسار ال زيدان في طاولة الفطور
كان جالس الجد جسار ويفطر وجنبه ولده متعب واحفاده يفطرون
رشف الجد جسار من المويه ونطق : وش صار على مطلق وينه وصل
متعب : في الطياره قالي اذا وصل بيكلمني
الجد جسار : ايه زين
وقف الجد جسار : الحمدالله
وقف متعب وعياله علي ورعد
الجد جسار : عندنا اليوم شغل واجد يلا سرينا
مشى الجد جسار للمجلس ووراه العيال
ساره : يلا يا ياسمو خلصي اكل عندنا شغلات واجد بنسويها
سمو : طيب
ساره : وكلمي نجد خل تنزل تحت تساعدنا شوي بالحلا تعرف لهالسوالف
سمو : طيب
رجعوا من الكوافير بعد ماسوو بدكير مناكير لاظافرهم وضبطوا حواجبهم
دخلت ملاذ : دانه انا بروح اغير ملابسي بسرعه وانزل نطلب كوفي اوكيه !!
دانه : تمام انا بعد بروح اغير ملابسي
نوره : خلصوا عشان عندنا تجهيزات عيد اليل
دانه : تمام
دخل سعد ومسك دانه من كتفها وبغضب : ليه طالعه بعباة ضيقه كذا تفاصيل جسمك طالعه
دانه : سعد اتركني وانت وش دخلك
نوره : سعد طول ما ابوك عايش مالك شغل بعد عن اختك
تركها سعد وبغضب : انا اوريك يادانه خرج من القصر بعصبيه
دانه : وجعه وش فيه
نوره : شفتي جبتي لنا مشاكل قلت لك غيري عباتك لايشوفك سعد
دانه : والله راح اعلم عليه سلطان
ملاذ : تستهبلين تعلمين سلطان تبينهم يتهاوشون قبل العيد اقول سدي فمك وانقلعي غيري لبسك
أنت تقرأ
يالغايب الي كبلتني مراسيك نورس حنيني عاف كل المواني
Romanceالكاتبة/أمجاد الشمري رواية عائليه ، تتكلم عن واحد يحب بنت عمه الي تصغره ب7 سنين وهي تبادله نفس الشعور ويتم زواجهم بسهوله لكن هل علاقتهم بتصير سهله بدون عناء زي زواجهم ولا بيدمرها شي معين ؟؟ ،،، حياة الأمراء علي 🌷 سهر لكل كابلز قصة مؤثرة جداً بالل...
