عقد الروح بالروح💍💍
زواج أبطالنا :
《 رعد بن متعب 》& 《ملاذ بنت سالم 》
《 سعد بن سالم 》& 《 ليل بنت مطلق 》
1/11/2021💍💍🤍
٨:٠٥ صباحاً يوم الاثنين
داهمت دانه غرفة ملاذ شافتها مستلقيه بفراشها ونايمه بسكينه وهدوء ومشغله المكيف والغرفة بارده والمكان يكسيه لون الاسود بسبب الظلام مافي نور تقدمت دانه للشباك وفتحت الستاره ودخل شعاع الشمس للغرفه ونورها بعد ماكانت مظلمه حست ملاذ بسبب نور الشمس وغطت ملاذ وجهها بلحافها بأنزعاج من النور الي كسه الغرفه
تقدمت لها دانه وهزتها : ملاذ يلا اصحي
ملاذ انزعجت اكثر لانها مانامت زين نطقت بصوت تعبان : بنام بنام
دخلت نوره وهي تصفق عشان ملاذ تصحى : يلا اصحي الساعه صارت ٨
دخلت الشغاله وراهم : مدام نوره انتي قلتي شاهي اخضر ولا الديتوكس
نوره ناظرت لها : الديتوكس بسرعه عشان مافي وقت
ناظرت نوره لملاذ الي للحينها نايمه : يابنت اصحي
وقفت ملاذ بتعب : خلاص صحينا
نوره تقدمت لها وباستها من راسها : ماني مصدقه اليوم زواج بنتي ملاذ
ابتسمت ملاذ بعد ماكانت منفسه لانها مانامت زين من جملة امها الي زادها طاقه وحيويه ونشاط : ياعمري الله يسعدك
نوره : يلا مافي وقت ابي اعزمك على فطور قبل نروح للفندق اجهزي بسرعه
حضنت ملاذ نوره : لا كذا كثير لاتعوديني على الدلع
ضحكت نوره: لا بس اليوم الدلع عشان بتتزوجين
ضحكت ملاذ بعلو صوتها من كلام امها
دانه بضحك : مصيبه لاصرت طرف ثالث
ضحكوا نوره وملاذ وشدتها نوره وحضتنهم ونطقت : الله يخليكم لي
-
تتلفت تنتظرهم ينزلون نطقت بتأفف وملل : اوف متى ينزلون ذولا
التفتت لباب القصر من شافت شاهين نزل شافتهم طالعين وبيدهم شنط وتقدم لهم شاهين واخذ الشنط ودخلهم للسيارة وفتح السيارة لهم وركبوا ناظرتهم ليل : تأخرتوا مره
سهر : نعرف بس كنا ندور على شي مره مهم
ريم : يلا شاهين امشي
ناظرت ريم لترف ومدت لها جوالها : كلمي خالاتك بالقروب قولي لهم متى يوصلون للمطعم
ترف اخذت الجوال : طيب
سهر : وش تبون اغنيه نغير الجو الكئيب ذا
ليل بضيق : شغلي الي تبين
ناظرتها ريم ونطقت : ضايقه؟
ليل تنهدت بقوه : مره
ريم : انتي كنتي معارضه بس بالملكه قلتي انك موافقه وخلاص وش فيك قلبتي
ليل : معرف يمه بس انا مابي اتزوج لا وبعد لما تزوجت تزوجت ذا سعد الي مايعرف وش هدفه من الحياة
ريم طبطب على كتف ليل : خلاص ياقلبي عادي هو مو عادي بس فيه ناس واجد تزوجوا إجبار وحبوا بعض مع الايام جربي حظك ترا سعد صدق عليه حركات بس ترا والله طيب ماتعرفين يمكن يتغير اذا تزوجتوا وجبتوا عيال وانا والله ف كل صلاة ادعي لكم وادعي لك انه الله يسخر لك سعد ويهديه لك ويوفق ويسعدك ان شاء الله الله مايخيب ظني واشوفك فرحانه معه بس اكيد طول ما انتي تفكرين انه الزواج إجبار تحسين بضيق فكري من منظور إيجابي اليوم عرسي بنبسط ان شاء الله سعد بيكون زين واكيد ابوي ماوافق الا انه متأكد انه سعد زين وفيه رجا انتي مصدقه ابوك بحذفك على واحد مو زين وبعدين ابوك ضايق عليك صاير حتى بالقصر مايجلس لاجل مايشوفك ويتضايق راعي مشاعره الأمر مو بيده بيد جدك وبعدين اكيد مابيعصي ابوه ابوه ذا اكيد مايوقف بوجهه
سهر ناظرت لليل : ليل على فكره مره دخلت على ابوي شفته مطلع صورك ويبكي وجلست معه وسألته قالي انه حاس انك زعلانه عليه مره وصايره ماتجلسين معه وتضحكين زي زمان وصايره ماتسوي له شاهي في الليل وتجلسين تسولفين معه بالحديقه زي زمان تغيرت مره
دمعت عيون ليل : انا احبه مره بس زعلانه عليه ليه سوه فيني كذا
ناظرتها سهر : مو هو الي سوه جدي لاتحملين ابوي فوق طاقته
مدت سهر الجوال لليل : ليل طالبتك كلميه انتي راضيه ابوي يحضر عرسك وهو يعرف انك زعلانه عليه خليه ينبسط في ذا اليوم حرام عليك
نوره : مو بكيفك اتصلي عليه
ليل : طيب
اتصلت نوره عليه لكنه مارد ناظرتهم : يمكنه نايم أمس رجع من المؤتمر الصحفي ونام شكله تعبان بس يصحى ننتصل عليه
ناظرت ليل للشباك وعيونها مدمعه : خلاص طيب
سهر تحاول تغير من جو ليل : تبون كوفي صح
الكل ماعدا ليل : اكيد
سهر : شاهين روح ستاربكس
شاهين : طيب
اتصلت ريم على نوره : ها نوره وصلتوا
نوره : لا باقي شوي
ريم : قررتوا المطعم اللي بتروحون له
نوره : مطعم Al Orjouan
ريم : تمام
أنت تقرأ
يالغايب الي كبلتني مراسيك نورس حنيني عاف كل المواني
Romantizmالكاتبة/أمجاد الشمري رواية عائليه ، تتكلم عن واحد يحب بنت عمه الي تصغره ب7 سنين وهي تبادله نفس الشعور ويتم زواجهم بسهوله لكن هل علاقتهم بتصير سهله بدون عناء زي زواجهم ولا بيدمرها شي معين ؟؟ ،،، حياة الأمراء علي 🌷 سهر لكل كابلز قصة مؤثرة جداً بالل...
