ركبت السياره واتصلت على سمو
سهر : شاهين انتظر لاتمشي
ردت سمو : هلا سهر
سهر : بروح محل ورود اشتري ورد ابيك تخاويني
سمو : اخ اكيد بخاويك تخيلي خالتي حصه عندنا كسرت نص بيتنا واليوم بتجي عندكم
سهر بمزح : لا تكفين صيته ما ابلعها
سمو : بقولكم وش سوت بس احتريني عند بيتنا
قفلت سهر الخط : شاهين عند قصر عمي متعب
حرك شاهين وفتحت سهر الشباك تتأمل الزرع والطريق والقصور تنهدت بتعب ونزلت راسها تلعب بجوالها
بعد ١٠ دقايق....
وصل لقصرهم ونزل علي وسلطان من السياره وانتبه لسياره سايق عمه
علي : سياره شاهين وش تسوي هنا
سلطان بعدم اهتمام : روح شوف مين داخل وانا بدخل المجلس
توجه علي للسياره وشافها تلعب بجوالها والشباك مفتوح زادت دقات قلبه وتنحنح : احم السلام عليكم
رفعت راسها وبتوتر : عليكم السلام
سهى بسهام عيونها الوساع السوود بلل شفته وبلع ريقه : كيف حالك
تسارعت نبضات قلبها : بخير كيف حالك
علي يمسح العرق اللي بدا بتصبصب من جبينه بسبب توتره : بخير بس وش تسوين هنا
سهر نزلت عيونها تتجنب نظراته لها : انتظر سمو
علي مسح على شنبه : انزلي تقهوي عندنا احتريها داخل
سهر : لا لا عادي
عم الصمت لثواني وصدت سهر اما علي اللي يناظرها بهيام توترت من نظراته ورفعت الشباك تهرب منه صحى علي من خياله ولف يتوجه للمجلس حط يده على قلبه وغمض عيونه يتذكر سهام عيونها اللي رمت فؤاده بدون قصد منها اما سهر اللي عضت شفتها تلمح طيفه وعرضه وطوله وشنبه وعيونه تتخيل حركاته وتوتره ولما بلل شفايفه فتحت عيونها : مزيون الله يوفقه
ركبت سمو السياره وتنهدت : شاهين حرك
هز راسه يطلع الأفكار من راسه وطلع جواله من جيبه لما رن وشاف المتصل ورد عليه : هلا زياد
زياد : تعال لي الحين
علي عقد حجاجه : يولد كيف اجيك تستهبل علي؟
زياد : انا ماني فبريطانيا وصلت السعوديه من ٣ ساعات اسمع انتظرك عند كوفي هاف مليون اللي قريب من بيت عمي مطلق لاتقول لأحد اني جيت ابيها مفاجأه
علي ركب سيارته بحماس : جايك جايك
في محل الورود
سمو : البينك احلى
سهر بحيره : بس احس اليالو والاورنج مع بعض فريش وحلوين
سمو : مره حلو الاورنج والاصفر الوان صيفيه بس ليه ماتاخذين الاحمر
سهر : لا لا امي قالت ماتبي احمر
سمو : ليه
سهر : وشدارني حسبالها الاحمر للعشاق
ضحكت سمو : يحليلها
سمر : لو سمحت ابي بوكيه ورد اصفر واورنج والغلاف ابيض وابي تحط في علبه ورود كثير بدون غلاف من الاورنج والاصفر
العامل : اوكيه
منتظرين العامل يخلص واردفت سهر : شرايك نأخذ لنا كوفي من هاف مليون
سمو : ما احبها
سهر : اجل وش تبين
سمو : كوفي بين
سهر : سمو مره بعيده عن بيتنا انا قلت هاف مليون عشانها قريبه من بيتنا قدام محل الورود بس كوفي بين بعيده وامي راح تزفني
سمو : خلاص طيب
العامل يمد لهم البوكيه : خلاص
مدت له سهر ٢٠٠ ريال : الباقي لك
العامل : شكرا
طلعت سهر ولحقتها سمو ودخلوا الكافيه اللي امام بيت مطلق مباشرا توترت سمو : مره زحمه
سهر : تكفين ترا فيني رهاب اجتماعي اكثر منك لاتخوفيني
سمو لفت تطلع من الكافيه : اللاين طويل خلاص مو لازم
مسكتها سهر من يدها : خلك سمو شدعوه
وقفوا باللاين وكان أمامهم رجل التفت لهم : هاي
طنشته سمو وناظرته سهر من فوق لتحت : الحمدالله والشكر
ضحك الرجال : افا هذي جزاتي بخليكم قدامي
سهر : لامايحتاج
الرجل : الا يحتاج الحلوين ماينفع لهم التعب
دخل علي إلى المقهى وبيده جواله ومفاتيح سيارته ويتلفت بين الطاولات يدور زياد شاف في اللاين رجال يتحرش في سمو وسهر فز من مكانه وتقدم للرجل بخطوات هاديه وبدون لايسئل وش فيه لكمه بخشمه بأندفاع
طاح الرجال من طوله بسبب الضربه الي سببت له دوخه
ناظر علي بغضب لسمو وسهر : حسابكم في السياره
ورجع يناظر للرجال ودعس عليه برجله
كان زياد جالس في طاوله بعيده عنهم شوي وشاف الناس التمت في اللاين التفت وشاف سمو توجه لسمو وحضنها بقوه
سمو الي بادلته الحضن وبضحكه : زياد
كانت سهر حاطه يدها بفمها من الصدمه لكن بدء علي يلكم الرجال لكمات متعدده خافت سهر وبدون لاتحس مسكت علي من ذراعه : علي لا تكفه
جو ناس يحاولون يفرقونهم
مسك علي مزهريه ورماها في وجهه شد على يد سهر وخرج من المقهى ووراه زياد وسمو
التفت علي لزياد وانتبه لوجوده وابتسم : اشتقنا
حضن اخوه زياد بقوه
ناظرت سهر بخوف على علي الي مره معصب مره يضحك
زياد : وينك ماتجيني هناك
علي : اشغال اشغال
زياد بأبتسامه خفيفه : كيف حالك سهر
نزلت سهر راسها : الحمدالله بخير الله يعافيك
ضحكت سمو على أشكالهم ولا كأنهم قبل شوي متضاربين في الكوفي
علي : يلا انت رح للقصر بسيارتك وانا باخذ البنات بسيارتي
زياد : طيب انا استأذن
تركهم زياد وراح لسيارته
رجع علي لغضبه : رحوا للسيارة اركبوا
سهر : انا بروح مع سايقنا
علي : سهر ارجعي للسيارة ولركبي بكلم شاهين يرجع للبيت
سهر : ابوي راح يعص....
قاطعها علي وبصوت شبه عالي : قلت لك اركبي
شدتها سمو من يدها وركبوا لسيارة علي
بينما علي توجه لشاهين وقاله ارجع للقصر
رجع علي وركب السيارة والتفت للخلف عند سمو وسهر
علي : اول شي ليه خارجين بعبايات كذا
سمو : وش فيها عباياتنا
علي : ليه مو سودا ليه كذا فيها كريستال وشغلات
سمو : ذي الموضه
علي : من اليوم بالطلعات مافي موضه تعرفون ليه الرجال تحرش فيكم عشان عباياتكم الخايسه ذي وبعدين ليه رايحين كوفي في الوقت المتأخر ذا
سمو : عادي انا وسهر كنا بمحل الورد وكان مره حر وقررنا نأخذ قهوه ورحنا وين المشكله
علي بغضب : اذا عاودتوها العلم بيوصل لجدي
حرك علي سيارته ونطق : وش قهوتكم ؟؟!!
ابتسمت سهر من تحت النقاب
سمو : بتودينا كوفي
علي : ايوه
سمو : بليز نبي كوفي بين انا وسهر نحبها بس ماقدرنا نروح لها لانها بعيده من القصر
علي : ابشروا
ناظرت سهر للمرايه شافته ساهي بالطريق نزلت راسها
مسك علي جواله وشغل شيلته المفضله ونزل جواله رفع عيونه للمرايه وحركها لجهة سهر ببحر عيونها وسحرها تضايقت سهر من نظراته الي توترها تنهدت وصدت للجهة الثانيه
أنت تقرأ
يالغايب الي كبلتني مراسيك نورس حنيني عاف كل المواني
Storie d'amoreالكاتبة/أمجاد الشمري رواية عائليه ، تتكلم عن واحد يحب بنت عمه الي تصغره ب7 سنين وهي تبادله نفس الشعور ويتم زواجهم بسهوله لكن هل علاقتهم بتصير سهله بدون عناء زي زواجهم ولا بيدمرها شي معين ؟؟ ،،، حياة الأمراء علي 🌷 سهر لكل كابلز قصة مؤثرة جداً بالل...
