ကြေးစား [Completed]

Part 1

2019တုန်းက ဟန်နီရေးခဲ့ဖူးတဲ့ normal ficတစ်ပုဒ်ပါ။
fbမှာ အများစုဖတ်ဖူးကြမယ်ထင်တယ်။
normalဖတ်တဲ့သူတွေကိုပြောတာပါ။

~ကြေးစား~ Part-1

အခန်းအတွင်းမှဇနီးဖြစ်သူ၏အော်ညည်းသံကြောင့် ဂဏှာမငြိမ်ဖြစ်ကာ ဒေါသမီးဟုန်းဟုန်းတောက်နေသူ ဦးတိမ်ညို။
ဇနီးဖြစ်သူအတွက် စိုးရိမ်စိတ်ကကြီးစိုးနေသလို
ဇနီးဖြစ်သူအား ဤသို့ဝေဒနာခံစားရအောင် လုပ်သူကိုလဲ သတ်ပစ်ချင်လောက်အောင် စိတ်တိုနေပြန်သည်။

အခန်းတွင်း၌ဒေါက်တာနှင့်ဇနီးအတွက်သီးသန့်ငှားထားသည် အကူအမျိုးသမီးသာရှိသည်။

ဇနီးဖြစ်သူအခန်းရှေ့မှခွာကာ အောက်ထပ်ရှိဧည့်ခန်းကျယ်ကြီးစီပြန်ဆင်းလာခဲ့သည်။

တပည့်တပန်းများလဲ သူတို့အပြစ်မကင်းတာကြောင့် ဦးတိမ်ညိုကိုမြင်သည်နှင့် ကြမ်းပြင်နဲ့ခေါင်းထိမတက် ငုံ့ထားကြသည်။

မှန်စားပွဲအရှည်ထက် အသင့်အနေအထားရှိနေသော ခြောက်လုံးပြူးသေနတ်အား ယူကာဘေးနားရှိ ပန်းအိုးတွေကို တန်းစီပစ်ခွဲချလိုက်သည်။

မည်သူမျှဦးတိမ်ညိုကိုမတားရဲကြ။
တားတဲ့သူသည်လဲ မရဏလမ်းစံမြန်းရမှာသေချာနေသည်။

"အောင်ဘွား"

"ပြောပါ ဆရာကြီး"

"ငါ့မိန်းမနဲ့ငါ့ကလေးကိုထိခိုက်အောင်လုပ်တဲ့ကောင်ကိုသတ်ဖို့ ကြေးစားလူမိုက်တစ်ယောက်သွားရှာ ပြီးတာနဲ့ချက်ချင်းသတ်ခိုင်း"

"ဟုတ်ကဲ့ဆရာကြီး"

"အကုန်ငါ့ရှေ့ထွက်သွားကြတော့"

တပည့်တွေအကုန်လုံး ဧည့်ခန်းကြီးအတွင်းမှ အလျှိုအလျှိုထွက်သွားကြသည်။

ဦးတိမ်ညို အပေါ်ထပ်ရှိ ဇနီးအခန်းရှေ့ပြန်ရောက်လာသည်။
အထဲ၌အသံများလဲတိတ်ဆိတ်လို့နေသည်။

"ဂျလောက်" တံခါးပွင့်လာသည်နှင့် ဒေါက်တာထွက်လာသည်။

"ဒေါက်တာ ကျနော့်ဇနီးအခြေအနေကောင်းရဲ့လား ဗိုက်ထဲက ကလေးရော အဆင်ပြေသွားရဲ့လား"

"ဟုတ်ကဲ့ ဦးတိမ်ညို သက်သာသွားပါပြီ
ကလေးကမွေးရက်လိုပါသေးတယ်
မိခင်ရဲ့ဗိုက်ကိုနည်းနည်းထိခိုက်သွားပေမဲ့ အထဲက ကလေးကိုမထိခိုက်သွားပါဘူး
မိခင်ကိုတော့ အသေအချာဂရုစိုက်စေချင်ပါတယ် အဲ့ဒါမှာ ကလေးမွေးဖွားတဲ့အခါအဆင်ပြေနိုင်မှာပါ"