~ကြေးစား~Part-12
အသံတိတ်နေသည့် ဦးကိုပြန်ကြည့်မိတော့ မျက်လုံးတွေနီရဲကာ ဒေါသထွက်နေသည်။
အခြေအနေကို လွန်းချက်ချင်းသဘောပေါက်သွားရသည်။
"ဦး လွန်းပြောတာကလေ
လွန်းက အဲ့လူကိုဝင်တိုင်တာ သူကတိုက်တာမဟုတ်ဘူး ပြီးတော့လွန်ကဘာမှမဖြစ်ဘူး"
ထိုအခါမှဦးလက်သီးစုပ်တွေပြေသွားတာကို
လွန်းမြင်လိုက်ရသည်။
"ပြန်ရအောင်လေ ဦး"
"ကလေးငယ် အမှန်အတိုင်းပြောနေတာလား"
"လွန်း ဦးကိုဘယ်တုန်းကလိမ်ဖူးလို့လဲ
လွန်းကိုမယုံဘူးလားဦးက"
"ယုံပါတယ် ဦးက ကလေးငယ်အတွက်စိတ်ပူလို့"
ကလေးငယ်ကိုကားတံခါးဖွင့်ပေးရင်မှ
ကလေးငယ်ကိုင်ထားသည့် အိတ်ကိုမြင်လိုက်ရသည်။
ကားမောင်းနေရင်းမှ မေးလိုက်သည်။
"ကလေးငယ် အိတ်ထဲကဘာလဲ"
"အာ … ဦးမေးမှသတိရတယ်
ဒါကျောင်းဝတ်စုံအသစ်တဲ့"
"ဟုတ်လား"
ထစ်ချုန်းခပ်ပြုံးပြုံးသာပြန်ဖြေလိုက်သည်။
ကျောင်းဝတ်စုံကဘယ်လိုပုံဖြစ်မည်ဆိုတာ ထစ်ချုန်းသိနေသည်လေ။
ကလေးငယ်ကအသံတိတ်နေသည်မို့စောင်းကြည့်တော့ ထစ်ချုန်းကိုဝါးစားမတက်ကြည့်နေတာတွေ့လိုက်ရသည်။
"ကလေးငယ် ဘာဖြစ်လို့လဲ"
"ဒါဦးလုပ်တာမဟုတ်လား"
"ဟင် ဘယ်ဟာလဲကလေးငယ်ရဲ့"
"ဒီကျောင်းဝတ်စုံကိစ္စလေ
ကျောင်းအုပ်ကိုဦးသွားပြောတာမဟုတ်လား"
ကလေးငယ်ဘယ်လိုများရိပ်မိပါလိမ့်။
ထစ်ချုန်းစိတ်ကိုကျန်တဲ့သူကသာမသိမှာ ကလေးငယ်ကတော့ ဒက်ခနဲဆိုသိသည်။
သို့ပေမဲ့လဲ ထစ်ချုန်းကတော့ ငြင်းရမည်။
"ပေါက်ပေါက်ရှာရှာကလေးငယ်ရယ်
မိန်းကလေးကျောင်းဝတ်စုံကိစ္စ ဦးကဘာလို့ပြောရမှာလဲ"
"ဒါဆိုဘာလို့ကျောင်းဝတ်စုံကိုပြောင်းရတာလဲ"
"ကလေးငယ်တို့ကျောင်းအုပ်ပဲသိမှာလေ
ဘာလို့လဲ ကလေးငယ်ကကျောင်းဝတ်စုံကိုသဘောမကျလို့လား"
![ကြေးစား [Completed]](https://img.wattpad.com/cover/377231716-64-k429393.jpg)