~ကြေးစား~Part-10
CCTVမှမြင်လိုက်ရသော ပုံရိပ်တို့က
ထစ်ချုန်းဒေါသကို အမြင့်ဆုံးအထိရောက်သွားစေသည်။
ကျောင်းအုပ်အပါအဝင် အားလုံးကလဲ ခေါင်းမဖော်ရဲကြ။
"အဲ့ကောင် ဘယ်သူလဲ"
"သူဌေး ဦးတော်ဝင်ရဲ့သားပါ"
"ဘာ …… ဦးတော်ဝင်ရဲ့သား "
"ဟုတ်ပါတယ်"
"အဲ့ကောင်ရှိတဲ့အတန်းအခုချက်ချင်းသွားမယ်"
"ဟုတ်ကဲ့ လိုက်ပို့ပေးပါ့မယ်သူဌေး"
ကျောင်းအုပ်ကပြာပြာသလဲရှေ့မှထွက်သွားသည်။ ထစ်ချုန်းနောက်ကနေ သရဲဘီလူးစီးသလိုခြေလှမ်းများနဲ့လိုက်ခဲ့သည်။
မကောင်းတဲ့ကိစ္စတစ်ခုဖြစ်တော့မယ်ဆိုတာ အားလုံးရိပ်မိနေကြသည်။
ဆရာတွေ တရုန်းရုန်းကြားမှာ ထစ်ချုန်းကဒေါသကြီးပါနေတော့ ကျောင်းက ကျောင်းသူကျောင်းသားတွေလဲ စပ်စုနေကြသည်။
အတန်းတွေတစ်ခုပြီးတစ်ခုကျော်လာခဲ့ပြီး
နောက်ဆုံး ကလေးငယ်တို့ အတန်းရှေ့၌ကျောင်းအုပ်ခြေလှမ်းတို့ရပ်သွားသည်။
အတန်းထဲက ကလေးတွေကလဲ အဝင်ပေါက်စီအကြည့်ရောက်လာကြသည်။
"ဒီအခန်းကလား"
"ဟုတ် …… ဟုတ်ပါတယ်သူဌေး"
ပိတ်ထားသောတံခါးကို ခြေဖြင့်ဆောင့်ကန်ဖွင့်လိုက်သည်။
ဝုန်းဆိုသော အသံကြီးကြောင့် အတန်းထဲရှိကလေးတွေမျက်လုံးပြူးနေကြသည်။
ကြောက်ရွံ့တဲ့မျက်လုံးလေးတွေနဲ့ကြည့်နေတဲ့ကလေးငယ်။
ထစ်ချုန်းမြင်ပေမဲ့ မျက်နှာလွဲကာ ကလေးငယ်ကို ထိခိုက်အောင်လုပ်တဲ့ကောင်လေးကိုသာ လိုက်ရှာလိုက်သည်။
တွေ့ရပါပြီ။ အတန်းရဲ့နောက်ဆုံးမှာ။
တခြားသူတွေ ကြောက်လန့်နေပေမဲ့ ထိုကောင်လေးက ဂရုမစိုက်စွာ ခုံပေါ်ခြေထောက်တင်ပြီး နောက်ကနံရံကိုကျောမှီထားသည်။
ထစ်ချုန်းကောင်လေးအနားရောက်သွားပြီ
ခုံကိုပစ်ကန်လိုက်သည်။
တစ်စစီကျိုးပျက်သွားသောထိုင်ခုံနှင့်အတူ ထိုကောင်လေးခြေထောက်လဲအောက်ပြုတ်ကျသည်။
"တောက် ဘယ်သူလဲကွာ"
"ငါ မင်းရဲ့သေမင်း"
ထစ်ချုန်းထိုကောင်လေးလည်မျိုကိုလက်နဲ့ဆွဲညှစ်ပစ်လိုက်သည်။
ရုတ်တရက်မို့ ကြည့်နေသည့်သူအကုန်လုံး မက်တပ်ထရပ်ကုန်ကြပြီး
အတန်းပြင်မှ ကျောင်းအုပ်လဲအတန်းထဲရောက်လာသည်။
ထစ်ချုန်းကိုတော့မတားစီးရဲပေ။
![ကြေးစား [Completed]](https://img.wattpad.com/cover/377231716-64-k429393.jpg)