ကြေးစား [Completed]

Part 3

~ကြေးစား~Part-3

တနေ့ကလူသတ်လိုက်သောကြောင့် ဦးတိမ်ညိုပေးထားသော ပိုက်ဆံ15သိန်းအားမျက်စိရှေ့ချထရင်း မည်သို့အသုံးချရမည်ကိုစဉ်းစားနေမိသည်။
ဤမျှများပြားသောပမာဏကိုထစ်ချုန်းမကိုင်ဖူးတာကြာပြီဖြစ်သည်။
အလုပ်တစ်ခုလုပ်တိုင်း ရတဲ့ပိုက်ဆံကို လက်ထဲမြဲအောင်မထား အကုန်သုံးပစ်တက်သည်။
သုံးတယ်ဆိုတာလဲ ဗရမ်းပတာ ဖြုန်းပစ်တာမျိုးမဟုတ်။ ထစ်ချုန်းနေခဲ့တဲ့ ဂေဟာကိုသွားပြီး ဂေဟာမှုးကိုလိုအပ်တာဝယ်ဖို့ပေးလိုက်တာဖြစ်သည်။

10နှစ်ဆိုတဲ့ အသက်အရွယ်ကနေ  15နှစ်အထိ  5နှစ်လုံးလုံးနေခဲ့တာမို့ ထိုဂေဟာလေးသည် ထစ်ချုန်းအတွက်တော့ မိဘအိမ်လိုဖြစ်သည်။
စောင့်ရှောက်ပေးထားသော ဂေဟာမှုးသည်လည်း မိဘလိုဖြစ်နေသည်။
ကျေးဇူးတွေများပြားလွန်းသည့် ထိုဂေဟာလေးကို ထစ်ချုန်းတက်နိုင်သလောက်တော့ ကောင်းကျိုးပြုချင်သည်။ ရှာလို့ရတဲ့ငွေက သမာအာဇီဝမကျပေမဲ့လဲ အလကားကုန်သွားတာထက်စာရင် ကလေးငယ်တွေအတွက် အကျိုးပြုတာက ပိုကောင်းသည်လေ။

5နှစ်ခန့် ဂေဟာမှာနေပြီး ကိုယ့်ဘဝကိုကျောင်းဖို့ထွက်လာခဲ့သည်။
နဂိုထဲကအစမကောင်းတဲ့ဘဝက ကိုယ်တိုင်ကျောင်းတော့ ပိုဆိုးလာခဲ့သည်။
လမ်းဘေးလူရမ်းကားတွေကြား ထစ်ချုန်းသည်လည်း လူမိုက်တစ်ဦးဖြစ်ခဲ့သည်။
15နှစ်ဆိုတဲ့ အသက်အရွယ်မှာ မရည်ရွယ်ပါဘဲ
လူတစ်ယောက်ကို သွေးအေးစွာသတ်ပစ်ခဲ့ရသည်။ အဲ့ဒီနောက် လမ်းဘေးလူမိုက်တွေကြား ထစ်ချုန်းဆိုတာ ပိုပြီးတောင်နာမည်ကြီးလာခဲ့သည်။
အရှောင်အတိမ်းကောင်းလို့လူသတ်မှုကြောင့်ထောင်တော့မကျခဲ့။
သို့ပေမဲ့ တခြားအလုပ်တွေကြောင့် မကြာခဏတော့ ထောင်နန်းစံရသည်။
လူမိုက်သုံးစကား ဂျေး ဟူသောထောင်သည်
ထစ်ချုန်းအတွက်တော့ ကိုယ့်အိမ်ကိုယ့်ယာဟုသာသဘောထားနေမိတော့သည်။
တွေးနေရင်းတောင် စခန်းမှုးဦးလေးကြီးသွားသတိရမိသည်။
သူလဲထစ်ချုန်းမလာလို့ မျက်စိနောက်သက်သာနေမှာ အသေအချာပါ။

ပိုက်ဆံ15သိန်းအိတ်ထဲထည့်ကာ အိမ်လေးထဲကထွက်ခဲ့သည်။
အိမ်ကြီးရှေ့ ဂိတ်ပေါက်ကနေထွက်ရတာမို့ အိမ်ကြီးဘေးကနေလျှောက်လာခဲ့သည်။