ايات . سديته منه وكملت اكل رحت للاستقبال دكيت على امي
حنان . ها شبيج
ايات . تجون لو رح تباتون يم فاطمه
حنان . مو كتبتلج رح انبات واذا تريدين تجين قفلي الباب وتعاي
ايات . لا رح ابقه بالبيت مالي وهس اجي
حنان . براحتج ونامي من وكت لتبقين كاعده
ايات . تمام باي
حنان . باي
ايات . شمرت المبايل ع قنفه وكمت لميت شعري ورحت طلعت غراض البيت كلهن وغسلت البيت كله فوك وجوه غسلت الشغلات الي ينغسلن وكنست البيت كله ومسحته رجعت الغراض كلهن ورتبتهن ورحت غسلت المطبخ ومسحته وكنسته وعطرت البيت كله وشغلت المبخره وباوعت ع بيت بأنجاز عظيم الي سويته كمت رحت فوك فتحت الباب وطبيت طلعت ملابسي ورحت للحمام سبحت وخلصت لبست ملابسي مال البيت نشفت شعري وبقيته مفتوح نزلت جوه شغلت السبلت وشغلت التلفزيون خليته ع نت وكعدت اباوع واصلا نسيت هوة رح يجي
سيف . وصلت البيتهم ساعه 10 نزلت طفيت السياره وصعدت فوك الغرفتهه طبيت ملكيتهه فتحت الباب الاول مسمعت صوت بالبيت فتحت الباب الثاني مشفت احد فوك بس الكاعيه تلمع نزلت جوه ع كيف ورحت للهول شفتهه كاعده ع قنفه ومشغله التلفزيون وتباوع رحت من وراهه وكلت بصوت ناصي ... اني جيت
ايات . اني اخترعت من هيج سوه انداربت بسرعه شفته هوة ... ليش هيج تخرعني
سيف . انتي ليش مركزه
ايات . الانسان الطبيعي يركز من يباوع مو عينه تصير صفح وبعدين انته اشجابك
سيف . مو كتلج رح اجي
ايات . شوكت ؟
سيف . من خابرتج
ايات . اي والله نسيت
سيف . ليش مشغله اضوية البيت كلهن
ايات . ما احب اكعد بالضلمه بس من انام ... تعال اكعد ليش واكف
سيف . رحت كعدت وكلت ... كلبي من هل فلم محلو
ايات . هاك شوف شنو تخلي فلم بيلما اجي ... انطيته الريموت ورحت للمطبخ طلعت حلويات وكرزات وعصير وكيك وفواكه خليتهن ع صينيه واخذتهن ورحت خليتهن ع ميز باوعت علي شفته كاعد بس بالبجامه ... المن مسوين الملابس ؟؟؟
سيف . اضوج اكعد بيهن من ماكو احد
ايات . والكدامك شنو عيني ؟
سيف . حبي انتي مو غريبه وحته اذا غريبه عادي وبعدين اني منازعهن كلهن بس الفوك
ايات . براحتك ... كعدت ع قنفه وسحبت المخده خليتهه بحضني وكعدنه ناكل ... شنو هل فلم اول مره اشوفه
سيف . فلم حربي
ايات . باوعت علي صفح وسحبت الريموت وكلبته وخليته ع فلم The NON
