سعد بعصبيه . شني جاي تهددني انته ابن النعال
ستار . اني العندي كلته الكم وانتو بكيفكم وها تره باجر اروح ارجعهه
سعد بعصبيه . كعده بالبيت متكعد بس ترجعهه
ستار . اي عادي اروح أجر شقه ونكعد بيهه
سيف . ستار شنو هل حجي انته ساعه اطلك وساعه ترجع
ستار بعصبيه . وهاي فرقهه شنو على هذيجه هاي باكت وذيجه سحرت ع اقل هذيجة مجانت تتجاوز عليكم
سعد بعصبيه . مترجعهه
ستار بعصبيه . لعد اطلك هاي
سعد بعصبيه وعياط . يعني تكسر كلمتي حيوان ... نزع العكال ووكع بي كتل ... والله حسافة الايام الي ربيتك بيهه ابن القندره
ستار بعصبيه . والله اذا مطلكت هاي ارجع هذيجة
سيف . وخرنه ابويه من ستار وستار كام
علي . يابه ليش ميرجعهه هم علمود جهالة وهم احسن من هاي
سعد بعصبيه . روح رجعهه ابن الكل ووالله يحرم عليه اذا الساني يطخ السانك اليوم الدين ... عافهم وراح للغرفة
سيف . ابويه راح للغرفه واحنه كعدنه
سمير . ستار انته من صدك رح ترجعهه ؟
ستار . اي والله
علي . شلون نفسك تتقبل اطلك ووره سنتين ترجع
ستار . كلش طبيعي
علي . جد والله رح ترجعهه
ستار . علي اذا تريد اكتبلك لافته اكلك اي
علي . ايي مكنالك شي
ستار . سيف اذا كملت زواجك بخير وسلامه لازم تخلي مرتك متطلع من الغرفه
سيف . ليش
ستار . احسب جم نفر بالبيت وهية نفر واحد
سيف . لا عادي تطلع وطب بالبيت هية تعرف شلون تحجي وتعرف شلون تتصرف مو مثل الهمج الموجودين بالبيت
علي . خوش لعد ميحتاج نخاف عليهه
منى . وانته حضرتك ليش تريد تخاف عليهه شعليك بيهه انته
علي . ليولي بالج بعيد مرت اخويه وبت خالتي حسبت اختي رح تصير
منى . لا معليك بيهه انته لا اختك ولا بت خالتك
علي . باعي اذا رح تمسلتين كومي منا لو لتحجين
منى . اي عيني سكتنه
سيف . ستار اذا جبتهه وين تخليهه
ستار . بغرفتهه القديمه
سيف . خوش ... يلا تصبحون على خير اني اروح انام بعد
الكل . وانته من اهل الخير
سيف . صعدت فوك للغرفه فتحت الباب وطبيت نزعت ملابسي وتمددت راسلتهه وجاوبت كعدنه نسولف لل 4 الفجر طفيت ونمت
