سيف . نزلنه جوه ثنينه وهمة جانوا ديصبون اكل ... مساء الخير
الكل . مساء النور
سيف . شمسوين اكل
منال . الي يعجبكم سويته
سعد . ها لازم بعدك مشبعان
سيف . لا والله مقبلوا يخلوني اكل قبل لا ننزل
ايات . هوة هيج كال واني وجهي كام بنطي الوان
ستار . لازم تنتضر بيلما يفتحون عليك الحظر وبعدين اشبع
سيف . لا اني ممحظور
ستار . لعد
سيف . اني مخلين عليه قفل بقوهه بنفسي
منال . يلا كعدوا
سيف . كعدنه كلنه واسراء كعدت كبالهه وضلت تباوعلهه وتبتسم اني مرتاحيتلهه ابد ولا شويه كاموا ياكلون واسراء مطخت الاكل بقت تنتضر ايات شوكت تاكل اني كمت وكلت ... حبي كومي
ايات . اي
سعد . شبيك وين كمت حته مخليت البنيه تسمي
سيف . هذة الاكل كله ينذب بالزبل بسرعه
منال . ليش يمه حرام ينذب
سيف بعصبيه . كلت ينذب يعني ينذب وهسة بهل دقيقه ... كاموا شالوا الاكل وذبوا كله بالحاويه مال الزباله وهذيجه جانت واكفه وعيونهه رح يطلعن من مكانهن وصيت قوزي من بره 7 صواني كالوا نص ساعه ويوصل
سعد . ارتاحيت هسة نعمة الله صارت بالزباله
سيف . اي ارتاحيت
بنين . نروح نسوي عشه غير شي
سيف . لا لتسوون وصيتلكم قوزي من بره نص ساعه ويوصل ... كعدنه كلنه نسولف وهية كعدت يم البنات تسولف وياهم الحد ما وصل الاكل طلعنه اني وستار جبناهن وانطيت الحساب ورجعت للبيت كعدنه حته ناكل اسراء كامت
ستار . شبيج متكعدين
اسراء بصوت شويه عالي . ما اكعد
ستار . حسج نصي لا اشكه الحلكج
اسراء بجذب . متشك حلك مرت اخوك صارلهه ساعه كاعده ضلت تغلط
ايات . اني جنت اشرب بالمي هية هيج كالت واني غصيت
سعد . شنو
اسراء بجذب . كعدت ويه البنات حجيت وياهه كالت اني ما اجاوب مطلقات ليش شحاسبه نفسهه هية
منال . اسراء بطلي جذب اني صارلي ساعه مو جنت كاعده وياكم ونضحك ونحجي عادي شو مسمعت هذة الحجي كله
اسراء . وجنج اذا تسمعين رح تكولين هية هيج كالت
سعديه . شفتي شسويتي ادب سزز هاي العائله كلهه كامت تتعارك من وراج عسى الله لا جابج ان شاء الله
