سيف . من شنو تغارين حبيبي
ايات . ليش ميحقلي اغار ع حاجاتي ؟
سيف . لا يابه من حقج
ايات . لعد لتكول من شنو تغارين
سيف . تدللين حياتي
ايات . سيييييف
سيف . ها عمري
ايات . امشي خل نطلع
سيف . حبي وين نولي بهل فجر
ايات . امشي نروح للحديقه
سيف . كومي يلا
ايات . كمت لبست بس الروب فوك ملابسي وكلت ... يلا امشي
سيف . نزلنه جوه مجان احد كاعد كلهم نايمين رحنه للحديقه وكعدت ع مرجوحه وهية اجتي وكفت كبالي ... متكعدين
ايات . افتح ايدك
سيف . فتحت ايديه وهية اجتي كعدت بحضني شابكتهه وضليت العب بشعرهه مرت تقريبا نص ساعه باوعت عليهه شفتهه نايمه ع صدري شلتهه وهية كعدت
ايات . وين ماخذني
سيف . نروح للغرفه
ايات . لا خل نبقه اهنا
سيف . بارده عليج حبيبي
ايات . لا مبارده
سيف . براحتج عمري ... رجعت كعدت وكعدتهه بحضني
ايات . عمري
سيف . اممم
ايات . احبك كومه
سيف . اموت عليج يا بعد حيلي
ايات . باوعت علي ووجهي صار كبال وجهه ... هم يجي يوم وتكعد غير وحده بمكاني
سيف . بستهه من خشمهه وكلت ... مستحيل
ايات . رجعت خليت راسي ع صدره ... ولا حته جهالك
سيف . ابد بس انتي
ايات . فدييييتك
سيف . بقينه نسولف ونضحك الحد ما صارت ساعه 8 ... يلا حبيبي كومي بعد خل نروح فوك
ايات . ليش
سيف . هسة اهلي رح يكعدون وما اريدهم يشوفوج بهيج لبس
ايات . تمام
سيف . شلتهه وصعدنه فوك للغرفه طبيت وخليتهه ع جربايه وتمددت بصفهه ... حبيبي منعسانه
ايات . تقريبا نص ونص
سيف . نامي حبيبي
ايات . منعسانه هواي
سيف . تمام كلبي ... شويه واندك الباب ... منوووو
حنين . اني ماما تكول تعالوا تريكوا
سيف . اي هسة نجي
حنين . تمام
سيف . حبي تكومين نتريك
