سيف . شلونج حبيبي
ايات . الحمدلله زينه انته شلونك
سيف . اني همين زين
ايات . هاي شنو وراك ؟
سيف . غراضج شوفيهن ... كلبت الكامره حته تشوفهن
ايات . عزه الغرفه مكفت
سيف . بعدني ممخليهن بغرفة الملابس
ايات . عمري اكو 6 كراتين بيهن كزيز خليهن ع صفحه
سيف . شنو بيهن
ايات . شغلاتي
سيف . اي شنو اريد اعرف
ايات . عراضه مال فساتين
سيف . عمري صدك تحجين
ايات . اي وتره دزيت بس هاي مدزيت الباقيات لان مرح اجيبهن
سيف . جان كلتي حته اجيبلج ويه الغراض
ايات . عبالي متقبل
سيف . حبي اني بس ما اقبل احد يشوفج اما اذا ع شغلات ف لو تطلبين عيوني انطيج ياهن
ايات . تسلم عيونك حبيبي
سيف . اريد افتح غراضج اشوف شجايبه
ايات . لا .. لا .. لا دير بالك
سيف . ليش
ايات . سيف لو تكلي موتي هسة اموت بس مال تفتح الغراض اطلعلك من المبايل
سيف . اريد اشوف شجايبه ملابس مال نو....
ايات . ميحتاج تكمل لان اصلا مجبت شي 😂
سيف . ليش يا خاينه
ايات . احسن
سيف . اله اطشرلج الغراض
ايات . لا بشرفك
سيف . ايات احجي الصدك جايبه لو لا
ايات . انته شعليك اني رح البسهن لو انته
سيف . وانتي المن رح تلبسيهن الخالتي لو الجدي بالكبر
ايات . لتخاف خالتك هية جابتهن اني مرحت وياهه اصلا بس كلت الهه القياس
سيف . عبالي جيت اطفرلج من التلفون هسة
ايات . تخرب ع هيج سوالف
سيف . طبعا ... اكلج ليش ما اصفط الغراض ما دام اني كاعد وانتي كاعده
ايات . واذا طشرتهن
سيف . لا والله ما اطشرهن انتي كولي وين اخليهن واسويلج ياهن
ايات . تمام
سيف . بشنو نبلش اول شي
ايات . ركب الغراض
سيف . وينهن
ايات . اول شي ابدي بالعارضه حته لتصير هم على كلبي
سيف . تمام ... خليت المبايل بزاوية تبين الغرفه كلهه ورحت جبتهن وفتحتهن وجبت البراغي والدرنفيز والبلايس وشكلتهه بعد معاناة ساعه كامله ... ها صح هيج لو لا
