ايات . والله لعد اجينه بالوقت المناسب
عايده . طبوا جوه كعدوا بيت ياسر هم اهنا
حنان . عمه بشنو اساعدج
عايده . ماعندي شي بس بقه الف الدولمه
حنان . الفهه اني ؟
عايده . لا يمه روحوا ارتاحوا
حنان . براحتج عمه
ايات . طبينه جوه سلمنه ع بيت عمو ياسر وكعدنه نسولف واجوي بيت عمو حمزه هم كعدوا يسولفون
افراح مرت ياسر . حنان انشوفج انطيتي بتج الابن اختج واحنه من ردناهه منطيتيهه
حنان . والله هوة كلشي قسمه ونصيب واني مردت انطيهه حته الابن اختي ابوهه هوة قبل
افراح . لو انتي متقبلين جان هوة منطاهه
حنان . اني الحد هسة ما اقبل بس خالد كال انتي معليج اني انطيهه
افراح . اممم بتج لو متريده جان من طلكهه اول مره بعد مترجعله بس غير بتج هية رادته
حنان . ع اقل اني بتي مطلكت 4 مرات وراحت هية راسلته كالتله معليك باهلي تعال اخذني
افراح بعصبيه . شقصدج
حنان . والله قصدي واضح ميحتاج اوضح اكثر
سعاد مرت حمزه . ياا هاي شبيكم هسة البنيه تزوجت وراحت وجهال عدهه وايات هم هسةرح تتزوج سدو الموضوع بعد
افراح . لا ما اسده احنه من ردناهه الوليد ليش منطوهه خو هذة ابن عمهه وهذاكه ابن خالتهه وغريب عليهه
سعاد . افراح تره ع كولت حنان كلشي قسمه ونصيب وهاي قصمتهه واحنه هم من ردناهه لمحمد مو خالد كال اني ما انطيهه الكرايبي
حنان . عبالهه عود اني ما اقبل خو اني اكيف هم بتي تصير قريبه عليه وهم وليد خوش ولد ومحمد هم ورده مال الله خالد هوة مقبل
عايده . خلص بعد سدوا الموضوع
ايات . بقينه كاعدين نسولف الحد ما صار ساعه 12 اذن وكمنه صلينه وصبينه غده وكعدنه نتغده خلصنه غده وغسلنه الماعين ورجعنه للبيت
حنان . اني اروح انام اذا جنتي كاعده ب 4 كعديني اروح الام محمد جنتهه جايبه
ايات . ميخالف
حنان . واذا ابوج اجه كعديني
ايات . تمام ... راحت امي نامت اني طفيت الاضويه مال البيت ورحت فوك للغرفه طبيت رحت طلعت ملابس عريضه بدلت وفتحت شعري اخذت مبايلي ورحت ع جربايه انصدمت بصراحه شفته متمدد ع جربايه
ايات . شتسوي اهنا
سيف . جيت اشوفج ... بس وين جنتي
ايات . جنت ابيت جدو
