မြို့စားကြီးအိမ်​တော်မှဆန်ကုန်​​မြေ​လေး || Volume 2

Chapter 164: Somehow Once Again (4)

အခန်း (၁၆၄): တစ်နည်းနည်းနဲ့တစ်ဖန် (၄)

Words Count: 4748

UNICODE

Alberu သည်မျက်​​မှောင်ကြုတ်သွား၏။

"အ​ကြောင်းရင်းက?"

သူသည် Cale ၏အ​ကြောင်းရင်းအားအရင်ဦးစွာ​မေးသည်။

Cale သည်သူ၏အိပ်ယာနားသို့တိုးကပ်လာရန်သူ့အားလက်ယပ်​ခေါ် လိုက်သည်ကိုသူ​တွေ့ မြင်​နေရသည်။ သူသည်ဟွန့်ခနဲတစ်ချက်​လှောင်ရယ်ချင်မိ​သော်လည်း Cale မှာလူပမာဖြစ်သဖြင့်အလိုက်အထိုက်လုပ်​ပေးလိုက်ရန် သူဆုံးဖြတ်ခဲ့​လေသည်။

Cale သည်အိမ်​ရှေ့စံအနားသို့သူ၏ကိုယ်အားကိုင်းကာနားနားသို့တီးတိုးကပ်​ပြောလိုက်သည်။

"ဆာ Rex ကကျွန်​တော်တို့နဲ့လက်တွဲသွားဖို့ဆုံးဖြတ်လိုက်ပါပြီ"

'Rex?'

ထိုသူကဘယ်သူဘယ်ဝါမှန်း Alberu တပ်အပ်မ​ပြောနိုင်ရ။ သို့​သော်လည်း Cale ၏ဆံပင်နီနီတို့ကိုမြင်​​တော့ သူသည် Rex အားအမှတ်ရသွားသည်။

Alberu သည် Cale အားစိုက်ကြည့်၏။

"​မင်းစောက်ရူး​ကောင်"

သူသည်မဆဲဘဲမ​နေနိုင်ရ။ သူ့​ဘေးနားရှိအ​မှောင်ထုနတ်သူငယ် Kora မှာတွန့်ခနဲဖြစ်သွားရ​သော်လည်း Cale သက်​တော်​စောင့်များ၏မျက်နှာ​ဘေးတို့ကိုမြင်ပြီး​သော် သူလည်းပဲပုံမှန်ပြန်ဖြစ်လို့သွား၏။

"အ​ကြောင်းရင်းက?"

သူ့အား​နောက်တစ်ကြိမ် Alberu ထပ်​မေးလာသည်ကိုကြားပြီး​နောက်မှ Cale သည်ပြန်​ပြော၏။

"ဆာ Rex ရဲ့အ​ကြောင်းအရာအချို့ကအနည်းဆုံး​တော့မြို့​တော်မှာရှိ​နေတဲ့မျိုးရိုးမြင့်​တွေဆီ​​ပေါက်ရောက်​နေ​လောက်ပြီလို့ကျွန်​တော်ယူဆပါရဲ့"

Alberu သည်​ခေါင်းကိုငြိမ့်ပြသည်။ သူ့လိုတိုင်းတစ်ပါးသားတစ်​ယောက်ပင်လျှင် Rex ဟုအမည်ရ​သောရဲမက်၏အ​ကြောင်းအရာအချို့အားသိရှိပြီး​ဖြစ်​လေသည်။ သူရရှိခဲ့​သောအချက်အလက်အား Alberu ပြန်စဥ်းစားမိသည်။