ආගමන

*27*

"King!! ඔයා ඉන්නෙ වැරදි වැටහීමක.
නෙවී එහෙම කරයි කියලා මන් හිතන්නෙ නෑ....අනික Queen ට එහෙම දෙයක් කරන්න කොහොමද ඔයා හිතුවෙවත්! "

" කියපු දේ කරපන් මනුස්සයෝ...මාව අමනුස්සයෙක් නොකර පලයන්!! "

දේශ්ගෙ කේන්තියත් ⁣එක්ක prince තේජාන් තව එක මොහොතක්වත් කුටියෙ ඉන්නෙ නැතුව පිටවුනා. තේජාන් අද දේශ් ගැන හුඟාරියක් දුරට කලකිරිලයි මේ ඉන්නෙ.

"ඔය යකා හැදෙන්නෙම නෑ රෙද්ද....මම උට වඩා වැඩිමල් කියලවත් අඩුම ගානේ හිතපන්...ඒත් නෑ....මූ නම් මාව කන්නම ඉපදුන යකෙක්."

එයා⁣ටත් බැනගෙන දේශ්ටත් බැන බැන තේජාන් කුටිය පහුකරන් හැරුනා..ඒ අතරෙ ඈත ඉඳන් මිනාශියි තිසාක්‍යායි එක්ක හිමින් හිමින් ඇවිදගෙන එන අවිනුව දැකලා ඒ කේන්තිගිය හිත ටිකකට සන්සුන් වුනා.

අඩිය තියාගන්නවත් බැරුව හෙමින් සීරුවෙ ඇවිදන් එන අවිනුගෙ මූනෙන් පෙන්නුම් කලේ ලොකු හදිස්සියක්....ඒත් ඒ හදිස්සියෙ හැටියට ඉක්මන් වෙන්න බැරි වුන එක ගැන අමනාපෙකුත් ඒ මූනෙ තිබ්බා.

පස්වෙනි සතියෙ දෙවනි දවස......අදින් දවස් පහකට පස්සෙ එලබෙන හයවෙනි සතියෙදි මුලු ලෝකයම රජකම් කරන අධිරාජ්‍යයාගෙ උප්පත්තිය සිද්ද වෙනවා.
ඒ නූපන් බලවතාගෙ අම්මා මේ ඇවිදන් යන්නෙ මෙවෙලෙ තහනම් කුටියකට කිව්වානම් හරි.

තේජාන් දැනගත්තා Queen මේ යන්නෙ kingව හම්බවෙන්න කියලා.....ඒත් පරිස්සම් වෙන්න ඕන සතියෙ අර යස්ස ගුහාවට රිංගලා මොනවාහරි වෙයි කියලා බයක් තේජාන්ගෙ හිතට එකපාරටම කඩන්පාත් වුනා.

"Queen...."

"අහ්....prince Thejan මේ මහ රෑ මෙතන මොකද කරන්නෙ."

" මන් යුධ කුටිය පහුකරලා මේ එනගමන්...මේ දවස් වල ආරක්ෂාව තරකරලනෙ තියෙන්න.එත්.....ඔබතුමා අවේලාවෙ මෙතන ඉන්න එක අවදානම්,
ආපහු කුටියට යමු අගරැජිනියනි."

තේජාන් ආපහු යන්න කිව්වහම අවිනුගෙ මූන මැලවිලා ගියා....අවිනු ⁣කියන දේ ඇහුවොත්නෙ පුදුමෙ....හාවා සිංහ ලෙනට බලෙන්ම රිංගන්නයි යන්නෙ. මොලේ තියෙන හාවෙක් ⁣නම් ඇත්තටම මෙහෙම හැසිරෙයිද මේ රෑ යාමේ...