Cindereluh And The Alien Hunks

CHAPTER ONE

Dear diary, 

Alas kwatro pa lang sa kadlawn, nag-siga na akong mata. Nag-hagok pa hastang lubot sa akong stepmom og stepsisters, pero naglihok nako's balay. Kani laging muchacha atong peg. Pero sige lang, ana man gud sila nga early bird catches more worms. Pwede kaha nakong ipakaon sa mga kontrabida ang worms, diary? Charot! I'm not like that, diary. Syempre, good girl baya ko.

Naa ko ron sa may karsada nag-atang og moaging tricycle na akong masakyan padung merkado. Kihanglan mangompra og sayo aron naa'y lamyon ang mga yawa nga kontrabida aning istoryaha.

Kasabot ko nga nihit kaayo ang sakyanan ing-arong orasa. Ngitngit pa baya. Pero lima na ka tricycle ang ni-agi sulod sa twenty minutes nga pagbarog nako. Nahibong ko nganong 'way nihunong nga tricycle nako bisa'g usa. Tsk! 

"Hay, unsa man ni oi?! Dapat baya ko mahuman og sayo sa akong mga buhatunon. Klase pa ko'g 7:30 AM. 'Di ko pwede ma-late." 

Mao nang sa akong ka-desperada, pagkakita nako nga naa'y nagpadung nga tricycle, nibarog ko tunga sa karsada aron harangan to. Kihanglan na jud kong makasakay. DMD nang pang-deadma sa mga driver nako ha. 'Wa nako kauyon. Basin nagtuo silang 'wa koy pamlete. Excuse me, bisa'g ipa-keep the change pa nako nila. Chos!

Naa na ang tricycle, diary. Hapit na. Yawa, nakapiyong ko's ka-intense!

1... 2... 3... 

 'Di sad siguro ko maligsan oi. 

 4... 5... 

Nakadungog ko nga nihunong ang tricycle. Ni-smile ko, and then I opened my beautiful eyes. Finally, makasakay nako!

"Hay, salamat, kuya! Kahibaw ba ka, ganina pako sige'g huwat diri—"

"AHHHH!!!" shagit niya nga wagas og bulabog kaayo. 

"Ngano ka, 'ya?" 

"Ahhh! Naa'y saninang naglutaw! Tabaaaang! Gi-ungo ko!"

"H-huh?" 

"Saninang naglutaw! Ahh-ahhh-ahhh—" And then he fainted. Luh, seryoso? Nakuyapan jud? Wa ko'y sala ana, diary, ha. Siya ra'y nag-assume nga naa'y saninang naglutaw. Buot-buot pud s'ya.

Ang resulta diary, naglakaw na lang ko padung merkado. Gibiyaan nako ang driver didto, bahala'g nakuyapan siya. Insulto, ha. Na-bwisit ko. Unsa daw? Saninang naglutaw? Gi-ungo? Hala ha, sauna nukos ra man ilang itawag nako. Karon kay saninang naglutaw na? Wow, ha! Gi-upgrade? Mga bushet tawhana. Mga basher kaayo. Perfect mo?!

Around 6 am, naa na's dining room akong mga boss para mag-breakfast. Ako'y nag-serve nila'g food. No worries, wala'y hilo ang ilang pagkaon bisan lami na kaayo silang pamatyon.

"Mommy, dapat jud bag-o mi og gown sa party ni Prince ha." 

"Paliti pud mi og laysho nga maskara. Masquerade man ang theme sa party." 

"Sure, mga anak. Anything for my beautiful daughters." 

"A-hi-hi! Thank you, Mommy Bruhilda!" 

Naminaw ra ko nila while nag-serve og pagkaon. Wa ko ni-react. Pero to be honest, giluod nako naminaw. Kasukahon ko sa "beautiful daughters". 'Wa sya magtan-aw sa dagway ana iyang mga anak? Liwat man gani kaayo nang Shrek mga bayhana. Maypa gani's Shrek kay but-an pa. Sila? Pwe! Mo-storya pa ko? Mura man ni sila'g nabuhi sulod sa ilang kaugalingong ilusyon. 

"Cindereluh!" 

"Yes, Madam Priscilla?" 

"Did you also receive an invitation para sa party ni Prince?" 

"U-uhm, w-wala." 'Di ko motug-an sa tinuod kay basin bawalan ko nilang mo-attend. For sure, gision nila ang invitation letter. Insecure baya na's beauty nako ang mga anak's debil. 

"That's weird," ana si Anastasia. "As in, tanang students sa You Niversity kay invited." 

"Sissy, unsa'y naka-weird ana? 'Di ganahan si Prince nga naa'y chakang masagol sa party. Especially kanang mga babay'ng nukos dira." 

"Aw, o diay, noh? Hahaha!" 

"Girls, girls, stop namo ana. Let's spread positivity and kidness, okay? Be kind to animals. Anyway, let's eat," ana ilang Mommy Bruhilda with a fake smile, nga mas fake pa's iyang kilay.

Nihilom na lang jud ko, diary. Lisod na kung ako'y makatubag nila. Basin maguba ilang mental health sa akong ka-savage.

By the way, late kong niabot sa klase. As usual. Kinsa'y 'di ma-late nga daghan pa kaayong mandar ang mga kontrabida nako. Tsk! Literal nga gihimo jud ko nilang maid, pero 'way sweldo. Hoy, simbako! Pwede ba kaha ko ni silang isumbong sa DOLE?

Pero sige na lang, kay ang mas nakapa-late nako, nagkabangga ming Prince sa hallway.

"Ay!" Nangatagak akong dalang libro, diary. Pero iya kong gitabangan sa pagkuha ato. Nagka-brush among skin. Waaa! Mura ko'g na-kuryentehan. Sheet! Mao naba ni akong dugay rang pinapangarap nga Wattpad moment?

"I'm sorry." Iyang tingog, diary, manly kaayo. Deep. Mura'g makatunaw. Tabang, diary, tabang! Basi'g ihapak tika's semento sa akong kakilig.

"O-okay r-ra." Grabe, it's the best day ever!

"Cindereluh, right? From Com Sci?"

Kaila s'ya nako, diary. Hasta akong course, kahibaw s'ya?

Sheet! Sheet! Sheet!

Pwedeng moligid sa floor? In English, can I hit on the floor? Charot!

"Ahhh.... Ahhh... Y-yes."

"Prince diay," he introduced himself to me in such a cool way and iyang gidunol iyang kamot para makig-shake hands.

So, makakupot nako sa iyang kamot? Wait, ma-conscious ko, diary. You know na, kubalon baya kaayo ko. Basin ma-off si crush nako. Pero chance naman ni nako oi. Dugay na kaayo nako ning gipangandoy. And 'di ba, ana sila, bati daw nang mo-refuse sa grasya? So, gora na!

"N-nice to meet you," ana ko. Grabe, smooth kaayo iyang kamot. 'Way usong kubal.

"Same here," he responded with a seductive smile og ni-kiss sa akong kamot. "I want to see you in my party."

"H-huh?"

"Please come. I badly want you to be there." And then he left me with a wink.

Wala ko kasabot sa iyang gisulti diary, English man gud. Nosebleed ko. Pero sure ko nga gusto niyang mo-adto ko sa party.

Oh, mga kontrabida, ano kayo ngayon? Nganga!

Gibati'g kaanyag,
Cindereluh :-)

P.S. Makahinumdom ko atong dance presentation namo sa P.E. sauna ba. Neon colors ang costume. Ana sila, glow in the dark daw akong peg. Potek! Mga panget sila'g childhood! Huhu!