Cindereluh And The Alien Hunks

CHAPTER ELEVEN

Dear diary, 

"Weh? Nganong sa kadaghang tawo sa kalibutan, ako man jud ang tirada sa mga alien?!" Mao ni akong initial reaction pagkadungog nako's gisulti ni Trent.

According to him, naa'y mga alien karon nga naa sa Earth para kuhaon ko. Diary, naunsa naman ni? Nganong nahimo naman ning power-power akong kinabuhi? Lovestory man akong gusto, nganong gihatagan man ko'g fantasy and sci-fi? Pwede mo-pass?

"Basta." 

"Unsa'y 'basta'? Tubaga ko'g tarong bi. Nakulbaan baya ko ana inyong gipanulti, ha." 

"This is not the right time to tell you everything," ingon si Dylan. 

"Not the right time? Akong kinabuhi atong gistoryahan diri, 'nya 'di ko ninyo sultian sa tanan-tanan? Pag sure mo oi. Mura ma'g tala."

"Cindereluh, this is for the best. Just please trust us," ana si Spike.

Wala ko kahibaw kung dapat ba nako silang saligan nga pangalan ra man gani nila akong nahibaw-an. They're strangers to me.

"Don't worry, we'll protect you in every way we can," Hendrix added. 

"Kinsa man jud diay mo? Nganong inyo man kong protektahan? Imposible man pud nga inyo nang buhaton para nako unya wa mo'y makuha in return, 'di ba? Sultihan ta mo daan, 'wa ko'y ika-sweldo para sa inyong serbisyo. Mao nang mas okay pa kung inyo na lang isulti sa ako ang tanan, and then after that, ako na'y bahala sa akong self. Tutal, I'm a strong and independent woman."

"You can't say that," ana si Trent. "You can't protect yourself from them. 'Di na sila mga ordinaryong palahubog nga tambay sa iskina nga pwede ra nimong kulatahon. They're even more dangerous than the rebels in your world. They're not from this planet and wala ka kahibaw kung unsa ilang kayang buhaton."

Diary, bisa'g unsaon nako'g tumbling, wala jud ko'y mahuna-hunaang rason para ako'y ilang himuong target. Wala ma'y something special nako para ila kong pagka-interesan oi. Simple ra jud ko nga citizen sa Republic of the Philippines. Aside sa gwapa ko, bright, buotan, og sexy pa jud, wala na'y laing remarkable nako. So, why me? Sure na sila's ilang mga desisyon sa kinabuhi?

"We know kung unsa kagahi imong ulo, pero mas maayo kung magpatuo lang 'sah ka namo 'ron, Cindereluh. We mean no harm," Spike gently said. "I can assure you nga 'di ka namo unsaon. We admit nga bisan kami kay maglisod og lupig atong mga gustong mo-kuha nimo. They're very strong and well-equipped. But for now, kami ra ang pinaka-makahatag nimo og protection." 

"Taga-asa man diay na sila? Taga-Mars? Jupiter? Mercury? Pluto?" 

"None of the above," tubag ni Dylan. "They came from another solar system. It's another space very far from here. Kato nga space kay naa pu'y ilang kaugalingong sun, orbits, stars, and moons. And 'wa pa to na-discover sa bisan kinsa." 

Naglabad akong ulo sa akong mga nadunggan. Nosebleed, diary. Bogo baya ko'g Science. Recess og dismissal ra jud tawn akong atngan sa eskwelahan.

"I know nga naglisod pa og process imong utok sa tanan nimong nahibaw-an," ana si Spike. 

"Labaw pa! Gamay ra intawn kaayo ni akong IQ oi! Gi-budget ra tawn ni nako hangtod sa maka-graduate ko. Unya karon, naabot pa jud mo'g mga solar system, chuva-ek-ek! Unsa ma'y kalibutan nako ana oi?!" 

"Ayaw lang labda imong ulo ana. Kami na'y bahala sa tanan, basta patuo lang namo," ingon si Hendrix.

"From now on, you can't live with your stepmom anymore. You need to stay with us, didto sa among condo," Trent casually said.

"Unsa?! Wa ka nalipong?!"

"You need to live with us para sure mi sa imong safety."

"Upat mo ka lalaki, unya makigpuyo ko kauban ninyo? Si Jan Di man gani 'wa nakigpuyo sa F4, ako na 'nuon? Unsa'y tuo ninyo nako, easy girl?!"

"You have to understand that we're just doing this for your safety."

Ambot lang ani, diary oi. Nakuyawan ko sa mga alien nga nagplanong kidnapon ko. Nalipay ko kay naa sila para tabangan og protektahan ko. Pero 'di ko ready nga mausab akong kinabuhi tungod aning tanan. Mura'g lain sad kaayo'g makigpuyo ko nilang upat gud. Babayeng buhat baya ko.

Kahibaw ko, diary, nga may pagka-igat ko, slight. Slight ra jud ha, pero 'di pa todo akong level sa kaigat para mopuyo with them under the same roof. I know nga super hot og gwapo sila. Kung laing babaye pa siguro ni, mosugot dayon.

Pero ako? Kihanglan pa ko ning huna-hunaan og maayo oi. Kay ngano man? Syempre, bisa'g 'di obvious, dalagang Pilipina ko, diary.

Ang problema, wala ko'y choice. Kung gusto kong mabuhi, kihanglan kong magpatuo nila.

'Geh gud. Pero remember, diary, ha, napugos ra ko.

I repeat, NAPUGOS RA KO.

Gibati'g kaanyag,

Cindereluh

P.S. Excited nako mobalhin sa ilang condo. Pwede kaha ko makig-share og kwarto nilang upat? Charot!