Cindereluh And The Alien Hunks

CHAPTER SEVENTEEN

Dear diary, 

11:30 PM 

Nganong wala pa man nauli si Trent?Alas 6 pa man to s'ya nilakaw. Kadugay gud nila nahuman og date ni Allaine?! Asa pa man diay sila 'ron? Pila ka oras silang nag-dinner? One hour per dish ilang show?

Hala, diary, basin nag-motel sila?Tubaga ko, diary! Tubaga ko! 

"Urgh!" Gikumot nako akong buhok. 'Di ko ganahan sa mga images nga akong na-imagine. Si Trent og si Allaine naa sa usa ka kama... Naked... And... "Nooo!"

"Hoy, nagmata pa ka? Katulog na kuno. 'Wa ka'y klase ugma?" ana si Spike nga nigawas sa iyang kwarto og niadto's kusina. Mo-inom siguro'g tubig. 

"Wala pa ko dukaa man." 

"Aw, 'di jud ka dukaon kung mag-sige ra ka'g lingkod dira's sala 'nya mokalit og shagit. Higda na's imong kwarto then pag-piyong-piyong para makatulog ka." 

"Unya nalang taud-taud." 

"Ikaw gud. Tulog nako'g balik, ha. Niinom ra ko'g tubig kadali."

"Sige."

Naka-decide ko nga i-text na lang nako si Trent para 'di ko mura'g boang ngari na mag-sige'g panghula kung asa na s'ya og nag-unsa na sila ron. 

'Pssst!' Yes, diary, mao rana akong gi-text niya. Lain sad og pang-MMK message akong i-send, 'di ba?

After five minutes, no reply.

Nganong wa ko niya gi-replyan, diary? Imposibleng wa siya'y load. Dato ato niya. So, meaning, busy?! Hala diary, basin na-busy to'g "push & pull" ni Allaine. Waaa! 'Di ko palabot! Texsan nako'g balik. 

'Asa naman ka?' 

Delete. Delete. Ingnon pa lang niya nga feeling close og clingy kaayo ko. Mura ko'g inahan niya kung maka-text. 

'What time ka mouli?' 

Erase. Erase. Huna-hunaon pa lang niya nga curious ko. 'Di pwede. Dapat chill lang ta diring dapita.

'Naghuwat ko nimo.' 

Samot, 'di pwede. Erase—

"Why are you still up?" 

"Ay, kabayong budlat!" Naabot na sya.

"Wala pa lagi ka natulog? Nganong naa paka ari's sala?" 

"Trip nako. Naka'y problema's akong trip?" ana ko with matching saka sa kilay.

Gisapot ko nimo, Trent. Naning kaayo mo'g date-date ni Allaine, dugay pa jud kaayo nahuman. Kamo na. Kamo na ang sweet. 

"Gidugo ka 'ron?" 

"Ngano, naka'y napkin dira?" 

"Wala. Isog man kaayo ka gud." 

"Isog nako daan. Apo baya kong Lapu-lapu." 

"Tss!" Nitingog og kalit iyang cellphone. Ningisi siya'g kalit. "So, you're waiting for me. Sweet."

Namblush ko, diary. Animal. 

"Unsa? Ngano gud taw'ng huwaton tika nga nana man ka'y buot. Feelers. Assuming." 

"Weh? Sure ka?" 

"Sure na sure. Nagpaduka ra ko diri's sala." 

"Deny pa more." Iyang gihatag ang iyang cellphone nako. 

"Nganong—" Og nakita nako akong gi-text nga 'Naghuwat ko nimo'.

Shit diary. Na-send diay nako, wa ko nakabantay. Uwawa. Naka-wish ko nga maynta moukab ang yuta og lamyon ko tungod sa akong kauwaw. Ahak oy! Pero syempre, dapat 'di magpahalata.

"Whatever," ana rako with matching rolling eyes. Makalipong man sad diay ning styla oi.

Gibalik nako iyang cellphone og nibarog para mosulod na sa akong kwarto. 

"Nganong naghuwat ka nako? Gimingaw dayon ka? Grabe gud. Pila pa gani ta ka oras 'wa nagkita."

"Pwe! Ka-hilas gud nimo makadala'g conclude.dira. Naghuwat ra ko kay mangutana ko'g naunsa inyong date. Dapat masiguro nakong successful sad ka sa atong mission." 

Wait, sakto akong nakita? Nikusmod s'ya like he was disappointed sa akong gisulti? 

"The date went well." 

"Unsa'y nahitabo?" 

"Dinner. Actually, nalingaw ko niya." 

Whuuut?

"Okay ra man diay na si Allaine oi. Bitch ang panan-aw sa mga tawo niya, but she's actually nice. Lingaw kaistorya."

"So, you like her?"

"It's not hard to like her."

"Panguyabi."

"Huh? Why?"

"Ganahan man kaha ka niya? Panguyabi dayon. Tutal, enjoy man kaayo ka's date ninyo. Dugay gani kaayo mo nahuman. Siguro, nihapit pa mo'g motel."

"What? We just had dinner—"

"Dinner 'nya naabta'g pila ka oras? Unsa na, tag-usa ka oras ninyong gikaon kada putahe?"

"No, but—"

"You know what? I don't care." And then ni-walkout na dayon ko, diary.

Syempre, ana man jud nang mga gwapa. Wala ko'y pake kung unsa pana iyang mga explanations. Pero nahunong ko's tunga sa hagdanan pag storya niya.

"Are you jealous?"

Tug-dug. Tug-dug.

Hoy, heart! Pagpuyo kuno ngara bi! Behave! Ayaw sige'g kiat.

"U-unsa?" Shyeet, di ko kaatubang niya diary kay makit-an 'nya niyang mura nako'g model sa blush on.

"You sound like a jealous girlfriend. Aware ka ana?"

"Ngano gud taw'ng magselos ko?! May ma'g uyab ta. Wa ko'y pake ninyong Allaine oi. Magkinulkogay pa mo, kiber. Basta ayaw lang kalimti atong mission."

"It's fine with me if you're jealous."

"H-huh?"

"I kinda like it."

"Unsa?!"

"Wala oi. Ana ko, goodnight. Sibog ngara bi, mo-agi ko."

Bwisit ka, Trent! Bwisit ka! Anak jud ka's diablo! Unsaon man nako pagkatulog ani 'ron?!

Naglibog,

Cinderelax