Cindereluh And The Alien Hunks

CHAPTER FORTY FIVE

Dear diary,

"Hoy, unsa man, di jud ka mobangon?" 

"Feeling senyorita lagi kang negraha ka ay!" 

"Cinderelax, bangon na. Daghan pa kay kang trabahuon!" 

Lami kaayo akong tog. Kinsa man nang mga sabaan ngara oi?! Gikuha nakong unlan og gitabon sa akong nawng. Gitalikdan pud nako ang mga samokan. 

"Hoy, nganong nitalikod kang negraha ka? Hilasa gud nimo!" 

Kinsa man ni sila oi? Nganong nakasod man ni sila ngari's condo? Kung maka-'negra' pa jud sila nako, wagas. Negra gud kung negra. At least di chaka. 

"Cinderelax, mobangon ka dili?" 

"Di. Duka pa kay ko, ay ko'g samoka." 

"Ah duka diay ha!" 

Kalit nga nag-uwan og kusog. Nakabangon ko'g ahat. Wait, wa diay nag-uwan oi. Giyab-an ko'g usa ka baldeng tubig ni... 

"Stepmom?" 

"Natural. Kahibaw kong kalokalike ming Dawn Zulueta, pero ako japon ni, imong Stepmom Bruhilda." 

Nakit-an nako si Anastasia og Priscilla sa iyang kilid nga nagsaka ang kilay. 

"N-nganong... nganong naa ko ari?" 

Pagtan-aw nako sa akong palibot, naghigda ko sa akong chakang kwarto ngari's mansyon nga naa's underground/bodega. 

"Huh? Asa man diay ka dapat?" ana si Priscilla. 

"'Di ba nilayas naman ko og nibalhin sa condo?" 

"Unsa? Naamaw naka? Hoy Cinderelax, undangi nang pagsuyop og Vulca Seal. Awa, naamaw na ka ngara. Aksyon man sad ta'g kabalaka nimo," ana's Anastasia. 

"Asa si Trent?"

"Huh? Kinsa?" 

"Si Spike? Hendrix? Dylan? Asa sila?" 

"Hoy Cinderelax, wa ko'y panahon ana imong mga kaboang ha. Bangon na ara og andama among pamahaw. Ma-late na ni akong mga prinsesa sa ilang klase. Og ikaw, wa kay planong moskwela?"

Naglutaw pa akong huna-huna. Wa ko kasabot og unsa'y nahitabo. Nganong...? Shit diary, naunsa ni oi? Ang last nakong nahinumdoman kay... 

 <flashback> 

"Cinderelax, don't worry, we'll find him," Dylan assured me. Gidala ko nilang tulo sa akong kwarto. 

"We will do everything we can, alright?" ana's Hendrix. 

"But for now, you need to rest," ana's Spike. 

"Di ko makatog ani." 

"Here." Naa'y gihatag nga tablet si Hendrix nako og usa ka basong tubig. "Tumar ani para makapahuway ka'g tarong." 

"Sleeping pill? Di ko oi. Mo-tiurok pa lang ko ana." 

"No. This will only help you calm your nerves and clear your mind para makatog ka. Rest assured nga wala ni sya'y side effects." 

Na-convince ko nila nga motumar ato nga table. Og tinuod nga effective to kay nakatog ko dayon. 

<end of flashback> 

"Bangon na ngara kung di ka gustong mapuspusan." 

Karon, balik na pud ko sa akong buhay-hampaslupa. Muchacha na pud ko sa akong mga chakang stepsisters og stepmom. 

Giunsa ni paghitabo? 

Mao jud na'y nasod sa akong huna-huna while naglakaw ko sa hallway sa You Niversity. 

"Hala, naa'y saninang naglutaw!" 

"Miss Koko Krunch 2015!" 

"Cinderelax, Milo ka ba?!" 

"Ovaltine ka ba?"

Back to normal akong life. When I say normal, I mean, ako na pud ang negrang si Cinderelax nga numero unong target sa mga bully sa campus. Ang babayng nukos nga pirming kaboangan. Wa na'y upat ka gwapong hunks from other planet nga willing moprotekta nako. But, wait... nag-exist jud kaha to sila? Or basin nagdamgo ra ko og taas kaayo? Imposible. Tinuod jud nga na-meet nako sila diary oi. I can feel it. Wa lang ko kahibaw og unsa na'y nahitabo ron. 

"Psst! Hi, negs." 

"Gi-offeran daw ka'g commercial sa Kopiko? Congrats ha. Balato nya." 

Gi-dedma na lang nako ang mga animal nga akong naagian sa hallway. Model sa Kopiko ba. Kung mao na'y mahitabo, pangyab-an ta mo'g tagsa ka tasang init nga Kopiko. 

"Oh em geee!" Nakit-an nakong naa sila'y gikagubtan sa bulletin board. As in naghuot sila. Na-curious ko maong nakisingit sad ko. 

"Unsa'y naa oi?" 

Og akong nakit-an ang gipapilit nga poster ngadto. Battle Of The Bands With special guest: Exhaustion Nipaspas ang beat sa akong heart. Banda? Exhaustion? Wait... 

"Hoooyyy!" 

"Ay bilat!" Nakashagit ko sa dihang naa'y nikupot sa akong abaga. 

"O.A. ang reaction besh ha." Si Aurorax og Arielz diay to. 

"Sorry. Nakurat ra ko." 

"Unsa man na imong gitan-aw?" ana's Aurorax. 

"Exhaustion? Guest diay sila sa battle of the bands tonight?" ana si Arielz. 

"Kinsa nang Exhaustion?" ana ko para makasiguro. 

"Na-amnesia ka besh?"

"Wala."

"Nya nganong wa naman ka kaila's Exhaustion nga idol man kaayo na nimo sila. Naganahan gani ka'g rock music tungod nila," ana si Arielz.

"Kinsa gani na sila?"

"Hoy, naunsa ka?" ana si Aurorax og gikuptan akong agtang. "Gihilantan ka? Okay ra ka?"

Ako giwakli iyang kamot.

"I'm okay. Tubaga na lang gud ko."

Na-weirdan na sila nako.

"Exhaustion gud. Haller?! Trent Fuentabella ang vocalist."

Og didto na mas nikusog pa jud ang heartbeat nako. Gipaningot nako'g hebi og nangurog. Seryoso?

"Trent..."

"Yes, Trent. Don't tell me nakalimot sad ka niya?"

"No. Kahinumdom ko niya. Trent... I miss him."

Gidakol kong Aurorax.

"Amaw! Madunggan gani kang Prince, patay jud ka."

"H-huh? Ngano man?"

"Natural gimingaw gud ka'g laing lalaki?"

"So?"

Nisiga ilang mata.

"Nabagok imong ulo gahapon, besh? Mura'g na-amnesia jud ka ay."

"Don't tell me nakalimot sad kang uyab mong Prince?"

Napa-nganga ko.

"UNSA?! UYAB MI?!"

"Yes."

"But how? When?"

"Two months ago. After sa iyang birthday."

Wa ko nakahinumdom nga nagkauyab ming Prince.

"Ahhh! What's happening?" Ako ng gikumot akong buhok tungod's frustration. Labad na kaayo. 

"Hoy, hoy, asa ko ninyo dad-on?"

Giguyod ko nilang duha.

"Sa clinic."

"Ha?! Ngano man?!"

"Ipa-check up imong utok."

Confused,

Cinderelax