Cindereluh And The Alien Hunks

CHAPTER TWELVE

Dear diary, 

"Hilasa gud nimo. Mura ka'g si kinsang gwapaha dah! Layas-layas pa ka, mura ka'g angayan!" Mao jud na ang linya ni wicked stepmom while padulong ko gawas sa mansyon dala akong mga gamit.

Wala ko naglisod kay gamay ra man ko'g mga sanina. Hampaslupa baya ko, diary. Well, kung buot huna-hunaon, dapat daghan ko'g mga layshong items, pero tanang kwarta nga para sa ako, gisuyop na's mga kontrabida. Sige na lang, wa nako'y mabuhat ana. Part man jud siguro ni's akong journey isip usa ka Disney Princess.

Syempre, 'wa pud nagpalupig sa paglitanya akong mga stepsisters. Ana sila, mas maayo daw nga mohawa ko para wala na'y masagol nga chaka sa ilang balay. Luh, first of all, 'di ni ilang balay. Amoa jud ni. Ikaduha, kung chaka lang ang istoryahan, number one sila's lista. Pwe!

Pero nahunong sila'g yawyaw pag-abot sa akong mga sundo. Dzah! Sino kayo d'yan? 

Ni-park atubangan mismo sa gate ang usa ka luxury car. Ni-spark pa jud sa kasinaw, mura'g ka-baynte gipa carwash. Nagbarog tupad sa awto ang upat ka gwapo og hot nga mga lalaki. Naka-tuxedo og naka-shades. Men-in-black ang peg. Sus, ka-gwapo ra nako'g bodyguards. Maypa sila, tuxedo ra'y itom. Ako, tibuok lawas ang itom. Chos! Black is beautiful!

"Hala sis, gwapo lagi na sila." 

"F4!" 

Sorry mo, mga stepsister, gi-pakyaw ko na silang upat. Wala'y maki-share kay selfish ko. Mwa-ha-ha!

"Cindereluh, let's go?" ana si Spike while smiling at me. Si Hendrix ang nikuha sa akong mga gamit while si Dylan ang ni-open sa portahan nga dako pud kaayo'g smile.

Ka-taas sa akong hair, diary oi. Tabangi ko'g hipos, please.

Pero before ko nisakay sa awto, gilingi 'sah nako for the last time ang mga kontrabida sa akong kinabuhi. Ang mga bati'g nawng nga hilas kaayo. Ni-flashback tanan ilang pagdaog-daog nako for the past years gikan pagka-bata nako. Mura'g teleserye.

"Tapos na ang pang-aapi n'yo sa'kin mga anak sa devil. You cannot hurt me anymore. Karon, wala na'y magluto og maglaba para ninyo. Wala namo'y muchacha. Mangadugta unta mong tanan. Paalam, mga hampaslupa! Vavush!" Og gi-flip nako akong hair before nisulod sa awto. Badtrip lang kay nanglupad akong kaspa. Sa kadaghan gud sa akong kaspa, nakakanta sila'g Let It Go. Yawa jud oi, usahay na lang gani ta maka-moment, maguba pa jud.

Si Trent ang nag-drive sa car. Naa ko naglingkod sa front seat while silang Spike kay naa sa luyo. Saba kaayo silang tulo, nag-binully-hay nga mura'g mga bata. Na-notice nako nga sa ilang banda, si Trent ra ang seryoso. Mura'g pinaglihi sa sama ng loob. Feeling siguro niya, mortal sin ang mokatawa or bisan mo-smile lang gamay. Ambot og unsa'y problema anang tawhana diary oi. Galit sa mundo ang peg.

Anyway, after a few minutes kay naabot nami. Lumalaban ilang condo unit, diary. Laysho kung laysho ang peg. Dos-andanas. 'Wa ko kahibaw unsaon nako pag describe akong mga nakita kay, kahibaw naka, may pagka-ogobs baya ko gamay. Yes, gamay ra, ha. Basta, nindot ilang condo. Period. Para wala na'y daghang istorya. Ikaw na'y bahala'g imagine.

"Naa imong kwarto sa second floor. First room sa left," Spike said pagkasulod pa lang namo. 

"Okay." 

"By the way, nagpa-enroll nami sa inyong school ganina." 

"Ha?!" 

"We need to be with you even sa imong eskwelahan. We don't know kung kanus-a pwedeng mosalakay ang mga kalaban. So, we need to be sure that you're with us all the time," Trent explained seriously.

Na-stress ko, diary. O lagi, laysho paminawn nga naa ko'y upat ka gwapo og hot bodyguards nga ready mo-protect nako anytime. Pero wa man ko naanad nga naa'y ikog oi. Anad ko nga atimanon akong kaugalingon, 'di magsalig sa uban. Ngano man sad ako'y na-tripan aning mga alien oi?!