Cindereluh And The Alien Hunks

CHAPTER FOURTEEN

Dear diary,

Absent silang upat rong adlawa. Naa daw sila'y importanteng buhaton. Pero naa sila'y gipadalang tulo ka bodyguard. Ang usa, magbantay sa north gate, naa pud sa south gate unya ang usa kay mag-tuyok-tuyok ra sulod sa campus. Gi-assure ko nila nga 'di makasamok ang mga gwardya nako. 'Wa sila nag-uniform, normal ra silang tan-awn, mo-blend ra sa crowd. Laysho ra ko diary, noh? Tabla pa mang artista og politiko.

Gitutokan ko'g maayo sa mga tawo. Nikatag na siguro ang balita nga gi-rescue ko sa Exhaustion gahapon. Ganahan na unta kong magpaspas og sulod sa room para makalayo nila, pero hinay man jud akong nilakwan. Sakit pa akong lubot tungod atong pagkadakdak nako's semento gahapon. Paita! Abi nako'g no serious physical damage. Naa diay oi.

Paglingkod nako sa room, naa'y ni-text nako.

Trent: You need to be Prince's girlfriend. Try to do something.

Nikusmod ko's akong nabasahan.

Ako: Kahibaw kang taken na s'ya. Kita ka's iyang uyab? Gwapa na, bitch pa. Unsa ma'y laban nako ato oi? 

Before nisulod ang instructor namo kay naka-reply pa siya.

Trent: Just try. If 'di effective, we'll help you.

Gi-off na nako akong cellphone kay basin imbarguhon sa striktang si Miss Katagkatag. Tiguwang-daga baya ni nga bitter sa life. Iyang dismissal line gud kay: "class dismissed. Before you go, clean your arm chair and always remember... WAY FOREVER! Bye, class!"

After sa klase, 'wa nako nahimutang. Unsaon man nako pag-convince ni Prince nga ako dapat iyang uyab? Pwede kaha kantahan nalang nako siya'g We Belong Together? Pero basin musamot siya'g ka-turn off, kay yabag raba kaayo ko'g tingog. Grabe, lisora pud sa gipabuhat ni Trent nako oi.

After class, ni-diretso ko sa may parking area nga wala kahibaw kung unsa'y akong buhaton. Nagbarog ko kilid sa car ni Prince. After mga 5 minutes siguro to diary, nakit-an nakong nagpadulong na s'ya. Maayo gani kay siya ra usa, wala iyang uyab nga bitch.

"P-Prince..." Nag-abot akong kulba, diary. Tabang.

"What now?"

"Naa ta'y problema?"

"Huh?"

"Nganong lahi naman imong treatment nako ron? 'Di ba, before sa imong birthday, okay pa man ta? Imo pa man gani kong gi-invite."

"Yeah, which reminds me nga imo kong gi-indian sa akong birthday."

Ah, so maong ing-ani s'ya nako ron? Nangluod siya kay 'wa ko nitunga. Which is not true. Ni-attend ko. Lahi lang ko'g identity atong gabhiona.

"P-Prince, s-sorry..."

"Wala nuon ko nakadaog sa among pustahanay. I didn't get my favorite motorcycle because of you."

"Huh?"

"I made a bet with my friends. Kung magka-uyab daw ta in one week, tagaan ko nila'g motor. Sure nakong modaog ko kay, obviously, you like me. Pero wala ka nitunga that night, so I lost. You think I'm your prince charming? Ha-ha! You wish!"

Ouch. Sakita sa iyang gisulti diary, oi. Insulto kaayo ba. Tabla ra ko niya'g gisagpa. So, gipagpustahan ra diay ko nila while kilig na kaayo ko?

"U-unsa?"

'Di ko makatuo, diary. As in.

"Imo pa jud ipausab nako akong gisulti? Ayaw na kay kapoy. Pahawa na lang dira kay mosakay nako."

Nisibog ko aron makasakay na siya. Pagsulod niya's iyang car kay iya dayon 'tong gipaandar og gibiyaan ko. Nahabilin kong mura'g boang nga naghilak, diary. Yawa tawhana! 'Way buot! Nituo pa naman ko nga naibog na s'ya nako. Gipustahan ra diay ko nila's iyang barkada. So, motor ra'y katapat nako diay? Mura jud og nahugno akong kalibutan sa kasakit. Charot!

Pag-gawas nako sa gate, naghuwat na didto ang car ni Trent. Si Trent ra ang naa sa sulod. Nisakay ko dayon sa front seat.

"Any updates?" he asked while driving.

"Wala'y maayong nahitabo, pisti!"

"Hey, watch your mouth."

"'Di ko makakita sa akong mouth, ayaw pagbuot."

"What exactly happened?"

"Gi-insulto kong Prince, boang s'ya!" Og gi-istorya nako niya ang tanan-tanan while naghilak og nag-sige'g higop sa akong sip-on.

"Jerk," mao'y unang nasulti ni Trent.

"Labaw pa's jerk. Kwanggol s'ya, baga'g nawng, animal, pisti, yawa—"

"Ayaw kuno sige'g pamalikas bi. Mura'g magdugo akong dunggan makadungog."

"Che! Ikaw na ang santo. Unsa man, ipa-canonize na tika's Vatican? Ayaw pagbuot kay brokenhearted ko!"

"Bahala ka oi." Iya kong gidunolan og panyo. "Wipe your tears. You look so ugly."

"Ay, wow. Salamat sa comforting words, ha? Thank you very much!"

Gidawat nako ang panyo, gitrapuhan nako akong luha og gisikmahan ang panyo nang bonggang-bongga. Klaro kaayong giluod na si Trent nagtan-aw nako. Pero 'wa ko'y pake. Bahala s'ya sa iyang life.

Nahilom siya kadiyot og kalit nga..

"Shit!" Iyang gihapak ang manibela.

"Ikaw man gani oh, namalikas sad ka. In English lang, pero balikas japon."

"Mura'g maglisod ta'g achieve sa atong goal ani 'dah. Especially now nga ing-ana ang treatment ni Prince sa imo."

Mura'g imposible nga magkauyab ming Prince, diary. Bisan ako, 'di na nako s'ya feel. Gusto na lang kong mo-baws. Bogo na kaayo ko kung magpa-boang pa ko niya'g balik. Kamao sad kong mo-gamit sa akong utok bisan dili obvious oi.

Wala mi ni-diretso'g uli sa condo. We went to a restaurant nga naa taas sa bukid. Presko kaayong hangin didto, relaxing ang ambiance because of the citylights. Ambot og unsa'y nakaon aning Trent nga nikalit man og ka-galante. Syempre, siya'y mobayad ani. Wala jud ko nagsugo niya nga mangari mi. Nah, 'wa jud raba ko'y dalang kwarta diri. Kung 'di ko niya librehon, basin pahugason ko's plato diri.

"Hoy, Trent, ika'y bayad ani ha. Daghan raba ko'g gi-order." Syempre, brokenhearted gud ko, eh 'di idaan nako's kaon akong mga kasakit. "Wala ko'y ikabayae ani tanan. Basin mangibot ko's akong bulbol."

"Shut up. Pakaulaw lang ka."

"What? I'm just saying—"

"Kihanglan magkabuwag sa si Prince og ang iyang uyab."

"Huh? You mean to say, mangguba ta og relasyon?"

"Yup." Casual ra kaayo siya nakadala'g tubag nako.

"Ngeee! 'Di ko oi!"

"You can't say no. Don't forget that we're doing this for your safety."

"P-pero..."

"Wala na'y peru-pero. Ani na lang, huna-hunaa na lang nga kung magkabuwag sila, makuha na nato atong gusto, makabaws pa jud ka ni Prince sa iyang gibuhat nimo. Remember, gipagpustahan ra ka nila sa iyang barkada."

Gituboan jud ko'g sungay sa amaw oi. Na-convince nuon ko. 'Sabagay, naa man sad siya'y point gud.

"Unsaon man nato na pagbuhat?"

Ni-smile siya. Sign nga successful na siya sa iyang pagkumbinsi nako.

"You need a total makeover. I know the right person who can turn you into a beautiful swan."

"Unya ang uyab ni Prince?"

"Ako'y bahala ato niya. No one can resist my charm," ana s'ya og ni-wink pa iyang chinitong mata. Shit na malagkit diary, ka-cute!

"Ka hangin oi!"

"Basta. We're a team," ana s'ya og gitaas iyang baso nga naa'y sulod nga mango shake. "So... Partners?"

Gisaka pud nako akong baso og nag-toast mi.

"Partners."

Feeling better,

Cindereluh