Cindereluh And The Alien Hunks

CHAPTER SIX

Dear diary, 

Bongga ang color blue nga ball gown. Off-shoulder para mas ma-emphasize ang akong malaking hinaharap, nag-sidlak-sidlak ang sanina, mura ko'g naligo sa silver dust. Isn't it fantastic?! Isn't it amazing?!

Naa pa gyu'y pearl choker sa akong liog, pang-rich kid kaayo. Lakas maka-alta. Akong buhok kay naka-French bun, mura jud ko'g naa's Bridgerton. Then naa pud ko'y gisuot nga glass shoes.

"W-wow!" ana ko og nituyok para mas ma-feel nako ang pag-sparkle sa akong gown. Bwisit diary, nalipong man 'nuon ko oi.

"I told you, I can transform you into a beautiful swan."

"Silver Swan? Chos! Bitaw oi, salamat, ha!" 

"We're not yet done." And in an instant, naa na siya'y gisul-ob nga black tuxedo. Luh, 'di palupig, competitive, kay naa pud siya'y iyahang transformation moment.

"Wow. In fairness, angayan ka." 

"I know." Okay, 'di siya tantong humble, diary. "Ako imong driver tonight." 

"Weh?" Gwapoha pud sa akong driver diay. A-hi-hi. 

"Thank you," he said with a smile. Shit, ang strap sa akong bra, mabugto. Lahi ra iyang smile, diary. Lahi ra jud. Pero wa ko tantong nagpahalata. Pa-demure dayon aron ingnon sosyal. Plastik kay ko diary, 'no? Iyang giablihan ang portahan sa backseat sa Audi. "Let's go to the ball, Your Highness." 

"A-hi-hi! Eyew be." Gikilig ko sa "your highness" diary oi. Prinsesa kaayo ko'g pamati. 

Pero before kong nakasakay, gihikap niya akong mata. And in an instant, naa nako'y maskara. 

"Masquerade ang theme sa party, 'di ba?" 

"Kahibaw lagi ka?"

"I know everything, trust me."

"Grabe imong powers ha, 'di ma-reach." Ni-smile ra siya.

Diary, pwede di na lang siya mo-smile?Grabe jud og epek iyang smile. Maka-heart-heart. Choz!

Nisulod nako sa sakyanan then ni-pwesto na pud siya sa driver's seat. 

"Ready?" he asked.

"I was born ready!" Dzaah, English to, ha. He smiled again and then iya nang gipaandar ang sakyanan. Hilom ra mi while nagbyahe. Nag-sige lang ko'g tan-aw sa citylights sa gawas. Gi-nerbyos ko. Nakulbaan sa mga pwedeng mahitabo.

"You need to remember one thing," he said while nag-drive. Serious kaayo iyang nawng, mas nisamot og ka-gwapo. Potspaaa!

"Unsa man?" 

"Naa'y expiration ang magic sa dirty white panty." 

"Huh?" Ahak oi, abi nako'g forever and ever nako nga ing-ani ka gwapa. Paasa ning powera.

"Kihanglan wala naka sa venue by 12 midnight. Kay ig abot sa alas dose, automatic nga mahubo ang panty. Mobalik sa normal ang tanan."

"Buhay-chaka na sad ang peg? Balik sa kadiliman?"

"Yes."

"So, Cinderella jud akong peg ani diay?" 

"Yeah, I guess so." 

Nitando na lang ko. Wa man sad ko'y choice 'di ba? At least makaadto ko sa party nga fabulous kaayo. Better than nothing. Ako na lang suliton ang oras. Bahala'g nanghinayang jud ko nang bonggang-bongga. What if ako na lang tauran og stopper ang panty para 'di na mahubo og forever nako ani nga hitsura? Ako kahang kadenahan para dili mahubo? Or i-Mighty Bond?

Okay, inamaw na kaayo ni akong ideas. 'Sensya, medyo desperada lang. Medyo ra diary ha, 'wag kang judgemental.

Nihunong mi atubangan sa gate sa mansyon nilang Prince around 7:30 PM. Late nako, pero 'geh lang. Naa baya mi unwritten rule nga mga sosyal, which is: late entrance, early exit. Ana daw na, para bongga.