Cindereluh And The Alien Hunks

CHAPTER NINETEEN

Dear diary, 

Tag-ana kung nakatulog ba ko gabii? Correct! Syempre, wala. As expected.

Kung ikaw kuno ang naa sa akong posisyon, diary, makatulog kaha ka? Syempre, 'di ko mosugot nga ikaw ang naa sa akong posisyon because this is my moment.

Pocha, diary! Wala jud ko naka-feel og kaduka bisa'g gamay. Feel pa kaayo nako kung unsa ka soft iyang lips og unsa ka hard iyang kiss nga halos mabungkag na akong baba.

Grabe, diary, mura ko'g maboang!

And to make things more awkward, nagdungan pa jud mi'g gawas sa kwarto the following morning. Our eyes met, nag-tinutokay mi og very light.

Motagad ko o maghuwat ko nga siya'y mouna'g tagad? Ambot lang!

Pero hilom ra man s'ya. Wala ko niya tagda. Kalma ra kaayo siya nga mura'g 'way milagrong nahitabo gabii ba.

Ah, mao diay na iyang gustong mahitabo, ha. Pwes, I'm gonna play his game.

Pero mura jud ko'g gisungog sa panahon oi. Nagkadungan na sad mi og naog sa hagdanan. Since gamay ra ang space, 'di pwedeng magdungan ming duha og naog. Usa ra jud dapat. Nagka-bangga nuon mi. Shiiit! Skin contact ra gani, mura nako'g na-kuryentehan.

"You go ahead," he said in a casual tone.

Sure na jud s'ya ani iyang drama? Wala ra jud to niya ang nahitabong chinulaay gabii? What if nabuntis ko ato? 'Di ko niya panindigan? Char!

"T-thanks." 

So, mao to, diary, wala jud mi nagtagad tibuok buntag. Wala sad mi nagkita sa school. During lunch time kay sila Spike, Dylan og Hendrix ra akong kadungan. As expected, nasuya na pud ang mga insecure bitches nako. They were giving me dagger looks. Kung makamatay lang ang tutok, ganina pa kong naa's funeraria. Grabeng mga bayhana, mga suyaon kaayo. 

"Where's Trent? Wala ko kita niya 'ron," Dylan asked.

"Magdungan man daw kuno to sila'g paniudto ni Allaine. Mura'g mangadto to'g SM kay alas dos pa ilang klase," si Spike ang nitubag. 

"Oy, Cindereluh, luoya na ana imong pork chop oi!" ana si Hendrix. 

Didto ra ko nakabantay nga sa kalagot nakong Trent, ang karne na diay akong gipahungawan. Gihiwa nako'g maayo. Gutay-gutay na kaayo tan-awn gud. 

"A-ahh... He-he!" Nikaon ko og niinom og juice.

Bwisit na's Trent. Maka-chula s'ya nako gabii, wagas. Tapos karon, nakig-date na s'yang Allaine? Asa'ng hustisya, diary?

"Cindereluh, are you okay?" Spiked asked me in a worried tone

"Yup, ngano man?" 

"Isog kaayo imong nawng gud. Mura'g mopatay og tawo."

O, kapatyunon jud ko'g tawo. Trent Fuentabella ang pangalan. Bantay lang jud na s'ya nako. Mobaws jud ko. 'Di ko mosugot nga iya lang kong ing-anion. 

After class kay dungan mi'g uli sa Exhaustion. This time, nana si Trent. Siya ang nag-drive sa car, and as expected, hilom japon s'ya. 

"Cindereluh, kumustang date ninyo ni Prince gabii?" nanguta si Spike. 

"Kuyawa jud tawhana oi. Pagkahuman ka niyang gikaboangan, karon kay iya nakang gigukod," Hendrix added.

"Okay ra man among date. Nag-enjoy ko, actually." 

"Really, huh?" sabat ni Trent in a sarcastic tone.

Che! Paghilom dira. Ayaw ko'g istoryahi. Wala nag-ayo akong buot nimo. Bwisit ka! Pag-uban mong Allaine. 

"Really," confident nakong tubag. "Gentleman kaayo s'ya. Napasaylo na nako s'ya sa iyang mga nabuhat nako sauna." I lied. Of course, 'di to tinuod. Gisulti ra nako to para mobaws ni Trent.