Cindereluh And The Alien Hunks

CHAPTER TWENTY FIVE

Dear diary,

Wala ko'y laing makita kundi puti.

"Uhu! Uhu!" Ngano man ning nag-aso man? Laysho! Naa'y smoke effect.

"Cindereluh!"

"Hala, kinsa na?"

"Knock knock!"

"Who's there?"

"Pedro."

"Pedro who?"

"San Pedro."

Naka-shagit ko'g heavily merrily. Kuwang na lang mabungkag akong tutonlan. Ni-echo pa jud akong tingog.

"S-San Pedro?"

"Oh."

"As in, San Pedro nga Santo? Naa'y yawi og manok nga ugis?!"

"Oh."

"Weh? Si San Pedro jud ka?"

"Balika pa, inday. Unli?"

"Asa ka? Di lagi ko kakita nimo? Big brother, ikaw ba 'yan?"

"Dili ka makakita nako kay 'di pa ka patay."

"Huh? Unsa'y patay? Nganong naabot naman ta ana nga topic? W-wait—"

Gitan-aw nako akong palibot. Puti. Nag-aso pero wa'y sunog, wa'y nagdaob, wala pu'y nag-palina. Unya, ka-storya nako si San Pedro.

M-meaning... Naa ko's langit. PATAY NAKO?! OH NO, DIARY! PATAY NAKO! 'Di ko mosugot. Ako'y bida aning storyaha.

"Nakabasa ko's imong huna-huna. Ingnang 'di pa ka patay."

"Ay, sorry. OA ra ko."

Wow! Mind-reader pud diay ni si San Pedro. Amazing!

"Pero kung di pa ko patay... Nganong naa man ko's langit ron?"

"Wala ka's langit. Ayaw pag fi-neeling. Daghan pa kaayo kang sala nga angay'ng hinulsolan, di pa ka ka-afford sa ticket para makasulod sa langit."

"Tagpilang ticket diay? Lower box? Upper box? O, bisan Gen Admission na lang. Barato ra?"

"Naa ka'y cash?"

"Wala ko kadala."

"Mao na dira."

"Pero seryoso, nag-unsa ko diri?"

"Naa ko'y importanteng isulti nimo."

"Unsa man?"

"About sa mga alien nga gustong manghilabot nimo og sa inyong planeta."

"O, bitaw ay! Grabe kaayo na sila, San Pedro! Mga hilabtanon kaayo. Wala man unta ko'y gibuhat nga bati nila. Mga nagdala'g mashla, lami pang-dapugon. Sus, kung ako'y mapuno nila, pangkutu-kutuhon jud na nako sila ba."

"Baba ay. Naa ka's langit inday ha, hinay-hinay."

"Ana ka di ni langit?"

"Let's just say, kung corporate office ang langit... Naa ka ron sa lobby."

"Ay, laysho! So, frontdesk ka?"

"Pwede."

"Okay, padayon sa imong heartwarming message nako Señor Pedro."

"Cindereluh, para ninyong mga tawo ang Planet Earth. Didto ka dapat mopuyo. Mao nang dapat nimong buhaton ang tanan para protektahan inyong planeta."

"Nganong ako man imong suguon ana nga wala man intawn ko'y powers oi. Wala pud ko'y special role sa bansa. Estudyante pa ko, wala pa man gani ko'y nahatag nga buwis sa Pilipinas. Nganong 'di na lang ang Presidente imong suguon?"

"Corrupt man s'ya.."

"Or ang President na lang diay sa US? Kato, mas powerful."

"Naa'y rason nganong ikaw ang gipili."

"Kahibaw kong gwapa ko. Pero 'di man siguro na sa gwapahay lang gi-base noh?"

"Dili. Kay kung sa gwapahay lang, dili unta ikaw ang napilian."

"Ay, harsh. Remind lang tika, santo baya ka, ha. 'Di ka pwede mang-bash."

"Aw, sorry, sorry."

"So, what's the reason that I became the Chosen One?"

"Ah, garaa oh. Englishan man ko."

"Shh, ayaw'g saba. Para cool ba."

"Naa'y special reason nganong ikaw ang nahatagan ani nga dako nga responsibilidad."

"Unsa lagi ang reason?"

"Nganong ako imong pangutan-on? Ako'y writer aning istoryha?"

"U-unsa?"

"Ehem, ehem! I mean, I can't tell you. Ikaw na ang bahala mo-discover."

"Kapoy'g discover oi. Istoryahi na lang ko gud. Tagaan pa jud ko nimo'g assignment. Daghan na gani kaayo ko'g problema sa life."

"There's a right time for everything. And right now, time na para mo-mata naka."

"Huh?"

"Dili pa nimo panahon para mamatay. Go back to life and fulfill your mission."

"S-sige."

"Fighting!"

Nakatawa ko, diary. Fighting daw. Charot! Koreano ang peg ni San Pedro.

"Oppa diay ka, San Pedro?"

"Shh, ayaw pag sige'g yaga-yaga nako. Gabaan ka. Santo baya ko."

"K, thanks, bye!"

And in a snap, naa na ko sa akong kwarto. Sa condo nilang Trent. Og nakit-an nako silang upat nga gipalibutan ko sa kama. Worried kaayo silang tan-awn.

"I'm glad you're finally awake," ana si Spike.

"Kumusta imong pamati?" Dylan asked.

An image suddenly flashed on my mind. The four of them... Naglutaw while naa'y nanggawas nga kusog nga hangin sa ilang mga kamot.

Kung buot huna-hunaon, imposible 'tong mahitabo. Pero wala man sad siguro ko nag-hallucinate diary, 'no? Sure man ko's akong nakit-an.

"Ahhh!" Ni-shagit ko og nidagan ko palayo nila.

"Hey, Cinderelauh, what's wrong?!" ana si Hendrix.

"Palayo mo nako! Palayo mo!" Giporma nako'g krus akong tudlo og gipang-shield nila. "Kahadlok mo's Ginoo, mga ungo!"

"Ungo?!" Dungan nga reaction nila.

Nahadlok,

Cindereluh