Cindereluh And The Alien Hunks

CHAPTER SIXTEEN

Dear diary, 

"Nice one!" Trent said after nakong gisulti sa iya ang akong gibuhat. Naa mi sa sala sa ilang condo. Ambot og asa na ang tulo. Nangatulog na siguro'g sayo.

"Do you think dako ang chance na mailog nimo si Prince?" he asked curiously.

"Ooi, of course. Naunsa, mura man ka'g wa'y salig nako."

"Yeah, wala jud." 

Gi-snoban nako s'ya, diary.

"Wa man ka'y batasan oi. Kalami ba pilpilon ana imong baba. Awa lang, mo-bilib ra 'nya ka nako. Excuse me, 'way maka-dili ani akong beauty, 'no!"

"Okay," nonchalat niyang reply.

"Unya ikaw, unsa nama'y nabuhat nimo?" 

"Haven't done much, really." 

"Unsa? Todo effort na kaayo ko'g seduce ni Prince, ikaw, haven't done much ra? Ah, pakshet man diay ning storyaha oi." 

"Calm down."

"Unsa'y calm down? 'Di pwede oi. 'Way mo-kalma diring dapita."

"OA."

"OA na kung OA, pero maka-bwisit sad ka, Trent oi. Nangugat nako'g paningkamot diri, ikaw mura ra'g wala?" 

"What I mean is, I haven't done much, pero dako na kaayo'g impact ni Allaine." 

"Huh?" 

Slow ko diary or vague lang jud iyang gisulti? Vague?! Char! Big word! Umi-english nako diary, kabantay ka? Ana lang, layshohon naman kunohay ko 'ron.

"I just smiled at her, nam-blush na s'ya og mura'g na-kuryente. Seriously? Smile ra? Tss!" 

Kaning tawhana ba, 'di man tingali ni s'ya aware kung unsa s'ya kagwapo, diary noh? Smile pa lang niya, bugto nang panty namong mga babae.

"Good, good."

So, kung dali ra niyang na-seduce si Allaine, 'di ko maglisod nga ilugon si Prince.

"Unsa'y good?" 

"Aw, unsa diay? Sige, very good." 

"No. Excellent! Perfect!" 

Nitaas akong kilay. Yeah, men and their pride. 

"Hala sige, perfect, excellent! Bravo! Unsa pa? Pa-confetti ta?"

The next day, wala ko'y ganang mo-eskwela. Gibati ko'g katapol, diary. Tanang estudyante naka-experience ani, 'di ba? Kanang lami na lang jud iligid tibuok adlaw. Pero syempre, 'di pwede. Kihanglang di magpalupig sa katapol. Naningkamot jud ko'g bangon, diary. Abi palang tapulan.

Pag-abot nako sa school, usa ka dakong pasabog ang nisugat nako. Bukambibig jud sa tanan ang breakup ni Prince og Allaine. Kuwang na lang i-headline sa newspapers og tabloids ang ilang pagbuwag. Gravity! Step one pa lang gani akong nabuhat, nagbuwag na dayon sila? Susme! Ka 'way challenge. 

"Unsa'y rason?" pangutana nako ni Aurorah. 

"Ana daw si Trent sa text nga kung wa lang daw uyab si Allaine, iya jud daw panguyaban." 

"Aw, mura man ka'g 'wa kaila anang Allaine besh, nga numero unong bigaon man 'to. Aw, first thing in the morning, nakigbuwag ni Prince," ana pud si Arieluh. 

"For sure, nagtuyok-tuyok na to's campus para mangita ni Trent. Hay! Igat jud!" 

"Ang gikahibugngan namo, mura ra'g wala si Prince. As in, 'wa epek jud. Deadma. Kiber ra s'ya." 

Wala na'y nasulod sa akong utok, diary. Sige lang og storya akong amiga. Ako nag sige ra pud og hinuktok. Imagine-non pa lang nako si Trent og Allaine nga magka-uyab, mag-holding hands, mag-gaksanay og mag-kiss, mohuot dayon akong dughan. Mura'g lami kaayong ipang-hagis ba. 

Tsk! 'Di ni maayo, diary. Dapat ko mag-focus sa among mission. 'Di kay mo-sideline pa ko'g igat-igat. Akong mindset kay naa ra dapat sa goal. 

"Cindereluh!"

Naglakaw nako ato padung gawas sa school sa dihang gitawag ko ni Prince. Klaro kaayong gigukod ko niya kay nag-hangos pa siya. Sige Prince, gukda jud ko nga mura'g iro. Go lang.

"Yes?" 

"Busy ka?" 

"Nope." 

"Can I ask you out?"

Ow-kaaay. So, nagsugod na'g diskarte ang animal, pila pa gani sila ka oras nagbuwag ni Allaine. Jerk! Maayo ra jud diay nga 'wa ko nadayonan og ka-fall niya.

"Huh?" 

"Malling lang gud ta kadali, and then dinner. My treat, of course. Okay ra?" 

Ni-smile ko og dako. Ni-smile pud siya as if saying, "success!"

"Nope." 

His smile faded right away

"H-huh?" 

Never nakong ihatag niya ang satisfaction nga iyang gipangita. Palisud-lisoran sa nako s'ya. 'Di ko magpaka-easy type, since siya naman ang niduol. So instead nga ako'y modasdas og mo-seduce niya, ako'y magpakipot og mambitin niya para mas ma-hook siya og samot nako. Nausab ang game plan, pero effective ra japon ni, sure ko. 

"Why? I thought 'di ka busy?" 

"Dili bitaw. But it doesn't mean nga I'll go out with you." 

"Why?" 

"Mao pa'y pagbuwag ninyong Allaine ganina, Prince. Don't you think it's maoy time pa?" 

"Nganong mag-maoy man ko? I don't care about her. I don't even like her."

Nisaka akong kilay.

"Then nganong imo man s'yang giuyab if you didn't like her?" 

"W-well..." 

"Sexually compatible mo?" Nisiga iyang mata sa ka-straightforward nako. 

"Cinde—" 

"Listen, 'wa ko na-amnesia, Prince, ha. Kahinumdom pa ko og gi-unsa ko nimo pag-insulto. Gipagpustahan pa ko ninyo's imong barkada." 

"Look, I'm sorry." 

"Apology accepted."

Hah! Accepted my ass. Never. 

"Glad to hear that." 

"Pero 'di japon ta mag-date."

His jaw dropped. Sige lang Prince, kana jud. Bahala kang masakitan dira. Lamya og tunla ang rejection, himoang value meal.

"Why?"

"Earn my trust."

And then I left him with a seductive look.

Pag-abot nako sa condo kay naabtan nako si Spike, Hendrix, og Dylan sa sala. Naghilata ang mga amaw while nagduwa sa xbox, sa ilang palibot kay nagkatag lang ang mga plastic sa junkfoods. Hasolaaa! Wa'y uso ang limpyo sa ilang planeta?

"Oh, you're here," ana si Trent nga gikan sa iyang kwarto.

"Porma lagi kaayo ta ron? Asa'ng bunyag?" ana ko.

"I have a date with Allaine."

Dapat malipay ko diary, 'di ba? Successful s'ya sa paglayo ni Allaine kang Prince. Pero... shyeet! Nganong naka-feel og ing-ani? Mura ko'g nagse— heck, no! Of course not! Never!

"Ah, mao ba? Sige, enjoy. Goodluck. Break a neck!"

"Break a neck? Basin break a leg imong gi-mean?"

"Basta naa'y 'break' mao nana. Ayaw nako'g labda. Break na akong IQ 'ron kay manang klase."

Nidiretso na dayon ko'g sulod sa akong kwarto og nang-lock. Animal, diary, unsa man ning nahitabo nako? Wala ko kasabot. In English, what is this I'm feeling? I just can't explain. Charot!

"Pwe! Sige, pag-date mong duha. Wa ko'y pake. Bisa'g mag-chungkang pa mo, go lang!"

Nagselos,

Cindereluh

P.S. Typo ra na, diary. Wala ko nagselos. Imposible.