Cindereluh And The Alien Hunks

CHAPTER TWO

Dear diary, 

"What is your motto in life?" Our professor asked during our class discussion.

Ambot og unsa'y connection anang motto in life namo sa CPU, keyboard, mouse og monitor. Pero kay siya ma'y maestra, 'di mi makabuot bisan pa'g mag-klase siya'g Music or Arts sa among computer class. Trip niya, walang basagan.

Gitagsa-tagsa mi'g pa-answer by seating arrangement. Oral recitation daw, twenty points. 

"Honesty is the best policy." 

"Love is blind." 

"Love is like a bubblegum. Kung mopilit makaboang." 

"Love is like a rosary that's full of mystery." 

"Beauty is the most valuable commodity. And I have it in every currency," tubag ni Priscilla. Wahaha! Ako na lang mauwaw. Beauty daw? Naa diay s'ya ana? Asa'ng dapita oi?

"Those who said money can't buy us happiness, obviously didn't know where to shop," ana pud si Anastasia. Ang duha noh, nag-mugna-mugna ra jud og ilang motto. Mga feelingon. Mura'g mga bright, kusog raba kaayong mangodigo ang mga animal.

Ako'y pinaka-last nga nitubag kay naa man ko's pinakalikod naglingkod. Ana jud nang life basta chaka ka para nila. Naa ko's kinaluyohan naka-pwesto. Kuwang na lang gani ila kong i-isolate nga mura'g naa'y virus. Pero 'di pwede kay parehas ming nagbayad og tuition. Mas okay sad nga malayo ko nila oi, para 'di ko matakdan sa ilang pagka wa'y batasan.

"Okay, Cindereluh A. Umiegat, what's your motto in life?" 

I stood up and then gitarong akong white uniform. Shyet, they were all looking at me. Pwede ma-pressure? No, diary, no! I don't feel any pressure right now, because my pameeely, uhmm...

"Uhmm... My motto in life is..." Wa ko kahibaw jud. "Black is beautiful." 

"But too much black is charcoal," sumpay sa akong usa ka classmate og nangatawa silang tanan.

Pisti! Aw, kamo na. Kamo na jud ang perfect. Lamia ipangbala's kanyon ani akong mga classmate oi. Sila na lang unta'y nag-oral recitation para nako. Pala-desisyon man sila's akong motto in life.

Nabwisit ko's ilang gibuhat nako, diary. Pero ako na lang huna-hunaon pirmi nga ganahan si Prince nako just to make myself feel better. Bantay lang na sila once I become Prince's girlfriend, pikatan ko na silang tanan.

Lunch break.

Nag-abot mi's akong mga amiga sa canteen. Si Aurorah og Arieluh. Parehas pang-Disney Princess among mga name pero medyo jeje-fied. Pinahungaw ang pagka-pronounce kay with an "H". Haaahh! Sige, ikaw daw bi, say "haaahhh!" Hmm, diary, medyo baho. Panoothbrush lagi panagsa. Aw o, papel raman diay ka. Sorry, sorry!

"Sabaa sa mga tawo ron oi! Ang birthday party ni Prince ang bukambibig," reklamo ni Aurorah.

"Mao jud. Nagproblema sila kung unsa'y ilang sul-oton, sa service mga mohatod nila sa venue og unsa pa na dira," ana pud si Arieluh.

Pang-Disney Princess man ilang pangalan, pero 'di sila buhay-prinsesa. Kung si Aurora sa Sleeping Beauty kay naa'y kingdom, si Auroruh nga akong amiga, pobre og gihimo sad og muchacha sa ni-ampon niyang si Malandificent. Kung si Ariel, prinsesa sa kadagatan, si Arieluh, tindera og tulingan. Naka-eskwela sila's You Niversity through scholarship. Pero ang kalahian namo, gipanganak silang gwapa og puti. 'Di tuod pang-Disney princess ilang life, pero pang-Disney Princess man ang kutis.

However... However??? I still believe that I am beautiful in my own ways, diary. I believe that beauty isn't something that can be defined based on your skin color. I am naturally black, and I am beautiful. And I, thank you!

"Mangadto ta ninyo ana ha," ingon si Auroruh. "Kiber kung chaka atong sanina. Makasabot rana sila oi, kay pobre baya ta."

"Mao jud. Basin usa natong tulo ang maibgan ni Prince. O, 'di ba?" ana si Arieluh while nag-flip sa iyang hair. Feeling gwapa kaayo.

'Wa na lang ko nisaba nila nga ako'y naibgan ni Prince. Basin makaingon sila nga hambogera ko. Syempre, dapat humble lang jud ko diring dapita oi. Low-key lang ba.

Diary, next week na ang party. Kihanglan nakong mangita og way kung unsaon nako pagpangita og nindot nga sanina, sandal, accessories, og service. Akong stepsisters, naa'y mohatod nilang car sa venue. So, dapat naa pud ko'y service oi. Competitive baya ko. Charot!

Asa man ko mangita'g raket oi? Naa ka'y nahibaw-an dira, diary?

While naglakaw ko padung uli, nakaagi ko'g peryahan. Sirado pa pero naa na ang tag-iya. 

"Kuya, pwede mang-apply?"

"Wala mi hiring, 'day. Okay nami." 

"Sige na kuya. Bisan tigpanilhig lang." 

Kiber na gani bisan ako pa'y mohuyop sa ferris wheel aron motuyok. Patulan na nako basta maka-kwarta lang ko. I need money, diary! Kung gusto ko nga mas ma-fall pa jud nako si Prince, need nako'g bonggang makeover. Kihanglan ko mo-glow up. Syempre, para ma-achieve na, kihanglan ko'g kwarta. Obviously, 'di ko matabangan sa akong stepmom anang butanga. So yeah, sariling-sikap na lang jud ko. 'Wa ko'y laing masaligan kundi akong self ra. Hay, kapait ba's life.

Gitutokan ko'g maayo ni kuya from head to toe. Gigakos nako akong kaugalingon. Hala, may lihim na pagnanasa man tingali si kuya. Bisan 'di ko super gwapa, naa pud tawn ko'y taste oi. Na-in love na nako ang gwapo og yummy nga si Prince, mopatol pa ba ko aning tiguwang nga nangapudpod na ang ngipon? No way! 

"Sige, pwede kang i-apil sa show." 

"Huh?" 

"I-uban ka namo sa among sirena. Ikaw si Ursula, ang babaeng nukos." 

"U-UNSA?!"

Pwedeng matuk-an, diary? Unsa daw? Ursula? Babaeng nukos? Himuon na jud ko nilang literal nga nukos tungod sa akong color? Yawa! 'Wa ko kasabot kung unsa akong ma-feel, diary. Grateful and relieved ko kay nakakita nako'g raket. Naa nako'y pang-ukay og sanina, and maybe makapalit sad ko'g make up and accessories. Pero na-insulto sad ko diary oi. Nganong automatic nga Ursula man dayon akong role? Ngano diay, 'wa koy angay og 'wa ko'y karapatan mahimong sirena?

"Uhm, kuya, pwede man sad ko mahimong sirena. Maayo man sad ko mulangoy. Look at my hair, angayan kaayo ni pang-mermaid. Nindot sad baya ko'g tingog, very sirena ang atake."

"Ayaw nalang pag-reklamo, 'day. Gusto man kaha ka'g trabaho? Mao rana'y bakanteng role nga mo-bagay sa imo. Take it or leave it."

"Char! English, oh." I grinned. "Pero, seryoso bitaw, keri jud nako mahimong sirena. Promise! Gusto ka mag-audition ko 'ron? Tan-awa unsa ko molangoy."

"Sorry, 'di bagay sa imo. Now, if you really want the job, dawata na lang ang role ni Ursula. You're perfect for the role."

"Because?"

"Ah, basta, you're hired. Dapat naa naka diri ugma, 6 PM sharp. Bawal ma-late, kaltas sa sweldo."

Hayst...

Kung 'di lang nako kihanglan og kwarta, 'di ko ni patulan nga raket oi. 'Wa lang jud ko'y choice.

Cindereluh A. Umiegat in her most iconic role as... Ursula, Ang Babaeng Nukos.

Urgh! Yawa jud oi!

Diary, sakto pa ni akong gipangbuhat? Naka-kwestyon na jud ko's akong mga desisyon sa life ay.

Na-stress, 

Cindereluh :(