Cindereluh And The Alien Hunks

PROLOGUE

"GOOD evening sa among mga maanyag na listeners! Yes, kahibaw kong ganina pa mong naghuwat sa weather update diri lang sa among very credible nga radio station. As expected, alas singko pa lang sa hapon, kusog na kaayo ang hangin. Ana bitaw mi ninyo last week nga naa'y umaabot nga bagyo, 'di jud mo motuo. Ana pa mo, fake news. Nya, unsa naman ni karon? 'Di naman ni bed weather, mga suking tigpaminaw. Pang-evacuation center naman ning panahona!"

Gipakusgan niya ang volume sa radyo while nag-inom og hot chocolate. Naol, hot chocolate, ka laysho ba! Pero, wait, mag-focus ta ninyo sa weather update kay mas importante ni.

"Wagas kung makadala'g hapak ang hangin nga dala ni Bagyong Eskemberlu. Tan-aw mo's inyong bintana para makita ninyo nga mura na'g nag-twerk ang mga kahoy sa gawas. Dagko ang tagak sa uwan. Mura'g naghilak ang langit, brokenhearted tingali. Ang dugdog og ang kilat, nag-showdown kung kinsa'y mas kusog nila, 'way gustong magpalupig."

Hmm, Bagyong Eskemberlu diay ang pangalan sa bagyong nag-rampa-rampa sa tibuok Cebu. Feeling gwapa og bitter ang yawa maong wagas kung makadala'g pamungkag. Mura baya'g siya'y mohipos sa mga natumbang kahoy og poste. Mura jud og motabang og ayo sa mga nagubang atop. Jusko, 'way sama ka-feelingon! Maynta'g manghatag og ayuda. Wa raba jud, purya gaba!

Nagbarog ang six years old nga si Cindereluh sa may bintana sa sala sa ilang mansyon. O, mansyon jud. Lumalaban ang ilang pamilya. Nakaluwag-luwag sa buhay. Mas maluwag pa — oops, behave, author! 'Di pa pwede ang green jokes diri nga part kay bata pa ang bida. Sa next chapter na lang, okay?

Anyway, rich kid atong bida. In English, nepo baby.

"My princess..." She turned to her father, Don Armando Umiegat, when she heard him calling her.

"Yes, 'dad?" Ana bitaw ko ninyo, rich kid siya. Duma-daddy, oh.

"I have kept this to you for so long, but now, I am ready."

"Ready for what?"

"To tell you the truth?"

"Bayot ka, 'dad?"

"Boang, dili oi!"

"OMG, 'dad! Don't say bad words."

"Oh, I'm sorry, my princess. Ikaw man gud, himuon ko nimong bayot."

"Then what's the tea?" Charot! Gen Z yarn?!

"I want you to meet the love of my life."

Na-shock s'ya sa iyang nadunggan.

Actually, giingnan na siya sa iyang daddy before nga he's seeing someone special daw. Luma-lablayp na iyang amahan after na-byudo. Her father was deeply in love with that woman and he just couldn't stop himself from loving her. Gugmang "nag-uros-uros" daw as he would call it. TBH, medyo giluod siya og kasukahon naminaw, pero 'wa na lang siya nikontra. Kay niana man ang author nga siya ang bida,  dapat buotan siya. Mao to, gi-suportahan na lang niya ang ka-igat sa iyang amahan.

'Wa lang siya nag-expect nga karon ipaila-ila sa iyang daddy ang iyang stepmom. Seryoso? Heavy kaayo ang burak sa bagyo. 'Way uso ang right timing diring dapita? 'Di pwedeng maghuwat sila nga mahuman ang calamity?

"Hi, baby!" Nikalit lang og sulpot sa eksena ang usa ka babae nga ka-edad ra sa iyang daddy. Kontrabida kaayo'g aura, dako kaayo ang smile pero obvious nga plastic. Chaka pa jud kaayo pagka-linya iyang kilay nga halatang gi-drawing ra, nahiwi pa jud. Kausahon ra na'g basa sa uwan, ma-erase na. "Ikaw si Cindereluh?"

Ay 'di, 'di. Di ni ako. Joke pa ni. Trial pa.

"Oh my gosh, you're so cute!" Og gi-beso siya sa plastic nga kontrabida.

"My princess, she's your Mommy Bruhilda."

Mommy? Seriously? Tawgon niya'g Mommy ning bayhana nga mura'g isdang tulingan og nawong? 'Wa man gani ni nakatunga sa ka-gwapa sa iyang legit mommy nga namahuway na's langit. Gilingi niya ang usa ka vase nga naa sa iyang kilid. Naa didto ang abo sa iyang inahan.