Cindereluh And The Alien Hunks

CHAPTER THIRTY NINE

Dear diary, 

"Cindereluh!"

Nahilom ming tanan kay nikalit og sulod si Trent og gi-shagit akong pangalan. Si Spike, Dylan og Hendrix kay naa sa iyang luyo. Syempre, nganga silang tanan. Upat ka gwapo gud ang nikalit lang og abot. Pero wala ko gikilig kay mas nahibong ko nganong ing-ani si Trent. It's like naa'y emergency or something. 

"Cindereluh..." Iya kong giduol og gi-guyod padulong sa gawas. 

"Oy, ngano ka oi? Wait 'sah bi, manghunong kuno ta'g lalaw kadiyot. Unsa ma'y problema?" 

Pero wala s'ya naminaw nako, padayon ra japon s'ya sa pagguyod nako. Until naabot nami sa may parking area. Nisulod dayon silang Spike sa likod then gi-ablihan ni Trent ang front seat para nako. 

"Get in." 

"Trent, unsa diay nahitabo?" 

"I'll explain later. We need to hurry up." 

Nakulbaan nako, diary. Pagsulod nako's car kay nag-drive dayon siya. Hilom ra kaayo mi while nagbyahe. Wala na lang nako sila kulita kay nakita nako ang tension sa ilang mga nawong.

Mas nisamot ko'g kahibong kay nag-empake dayon sila pag abot namo sa condo.

"H-hoy, ngano ni? Nganong nag-empake mo? Lipat-bahay atong show ani?" 

"Kihanglan ming mobalik sa among planeta," Hendrix replied. 

"Huh?!"

Mura'g nahugno akong kalibutan, diary. So soon? Biyaan nako nila? Nganong kalit-kalit man kaayo? Wal man lang ko nila na-brief, para at least na-ready nako akong self. Naanad na baya ko nga uban mi permi.

"Gisalakay among planeta sa mga kalahi nilang Raphael. We need to help them, especially our families," ingon si Spike.

Medyo na-stress ko. Ay, dili diay "medyo" oi, na-stress jud ko. Nang bonggang-bongga to the umpteenth level. Nagguol sad ko kay basin salakayon pud ko nilang Raphael while wala silang upat. Pero wala na lang nako na gisulti nila kay selfish kaayo paminawon, diary. Mas kihanglan sila sa ilang planeta. 

"O-okay." 

"Trent will stay here." 

Nakaginhawa ko'g lawm. 

"R-really?" 

"Dili man gud ka namo pwedeng biyaan diri nga ikaw ra. Wala ta kahibaw's utok nilang Raphael. If makahibaw silang wala mi diri's Earth to protect you, for sure, hilabtan dayon ka nila." 

Mura'g nagparty-party tanan nakong body parts tungod sa akong nadunggan. Pero syempre, wala ko nagpahalata kay that would be so insensitive of me. Gisalakay na gani ilang plante, akong ka-igat pa jud akong priority?

"O-okay. Amping mo, please."

"Kamo sad. Pag-amping mo diri. I can sense that a huge danger is coming."

"Hendrix, you're being paranoid," ana' si Trent, obviously trying to stay calm. 

"No, he could be right. We all know kung unsa ka accurate ang mga damgo ni Hendrix. Almost 80% sa iyang mga damgo, matinuod jud baya," ana si Spike. 

Nakulbaan ko, diary. A huge danger is coming? Unsa pud kaha na, 'no? Unsang klaseha's danger? 

"Don't worry, mag-amping mi diri. Just take of yourselves and our planet."

Kato mismong adlawa kay nanglakaw na silang Spike. Amo silang gihatod. Didto mi sa usa ka open field sa taas sa bukid. Mingaw kaayo didto og layo sa mga tawo.

After a few minutes kay nakadungog nami'g kusog kaayong tingog sa machine. Usa ka dakong spaceship ang naglupad sa taas. Napa-nganga ko's akong nakita, diary. High-tech kaayo tan-awon ang sakyanan. Naa pa'y daghang mga suga.