Cindereluh And The Alien Hunks

CHAPTER FORTY EIGHT

Dear diary,

Naglabad akong ulo. Wa ko kahibaw og unsa'y unang buhaton para masolbad akong problema nga mahinumdoman ko ni Trent. Na-stress ko diary kay mura'g San Chai-Dao Ming Xi among love story kay pina-amnesia-amnesia man. Common na kaayo ni nga plot twist basta climax oi. Nahutdan man siguro'g idea ang author aning storyha maong bisan unsa na la'y gisuwat.

Pero, on a serious note (english na diay ha), wa ko mag-expect nga moabot sa ing-ani nga point akong pang-fairytale nga kinabuhi. Abi nako'g dramatic na kaayo nga naa ko'y stepmother og stepsisters nga kada adlaw ipamukha sa ako nga chaka ko og gihimo ko'g muchacha. Napa diay mas grabe. Naa'y mga alien nga naabot. Take note, hot nga mga alien. Jusko! Kung kahibaw pa lang ko nga di diay pang-Kokey ang level sa fez anang mga alien, hagbay ra unta kong ni-migrate sa laing planeta. Wa man ko na-inform dayon oi.

Og karon, I only have one week para ipahinumdom ni Trent nga ako ang love of his life. Charot! O, diary, naa ko'y bonggang-bonggang lovelife. Pero tungod anang pisting universal rule ngara, mura'g ma-purnada. Usahay na lang gani kaayo ta magka-lovelife, magiging bato pa? No way!

Honestly, wa ko kahibaw og asa ko magsugod ani akong mission impossible. But an opportunity presented itself the following day. Naa ko'y nakit-ang gi-post sa bulletin board. Naa'y concert ang Exhaustion. Tag-usa ka libo ang ticket. Mahal nana sya para sa mga estudyante nga nagsalig ra's allowance gikan sa ilang ginikanan. Labi na para nako nga nagsalig ra's ginagmayng kwarta nga ihatag sa akong bruhang stepmom. Pero kihanglan ko makatan-aw sa concert nila kay naa'y pa-raffle. Ang mabunutan kay makig-date sa vocalist nga si Trent. Fund-raising concert daw to para sa ilang gisuportahan nga charity.

Wala'y assurance nga ako ang mabunutan para maka-date si Trent. Pero desperada nako. Tanan patulan na nako.

"Seryoso ka? Ako, fan man jud ko sa ilang banda, pero mura'g di ko motan-aw ana nga concert," ana si Arielz samtang naniudto mi sa canteen.

"Korek! Pang-rich kid ang presyo sa ticket besh. DMD ang ten thousand oi. Asa man ta mamurikat anang kantidara?" ana pud si Aurorax.

Nakasabot ra ko nila. Kay bisan ako namroblema sad ana. Mahal ra kaayo ang ticket jud. Feeling pang-international ra sad kaayo sila. Pero hinuon sad, labaw pa man nila ang international artists kay pang-universal and intergalactic naman jud ilang level.

"I know, I know. Pero kihanglan jud kong makapalit og ticket mga besh. Desperada nako."

"Kasabot ra mi nimo. Pero unsaon man nato nga gipanganak ra man tang gwapa, dili datu," ana si Aurorax. "Kung rich kid pa lang ko, bisan fifty thousand pa, ihatag nako nimo agad-agad."

"Mao jud. Then tagaan pa jud taka'g baynte mil nga pocket money," ana si Arielz. "Pero unsaon lagi nato nga di man ta otaj."

"Unsaon man ni nako oi?" Giparok nako akong ulo sa lamisa. Agay, sakit man diay.

"Sa man, willing kang mamurikat? Kami na'y bahala mo-bugaw nimo," joke ni Arielz. "Ang kaso lang, di ko sure kung naa'y mopatol nimo." Then nagdungan silang duha og pangatawa.

"Insulto besh ha!"

"Hahaha! Binoang ra oi. Seryoso kaayo ka gud."

"Kay seryoso man jud ko ani."

"Di magguol gud. Bisa'g di ka makakita sa ilang concert, pwede ra man kaayo kang makakita nila adlaw-adlaw. Schoolmate baya na nato sila. Tabangan pa ka namo'g stalk nila," ana si Aurorax.

"Gusto kong maka-date si Trent. Mao na ang biggest reason nako nganong gusto kong makapalit og ticket."

"Kaloka! Five thousand ang moadto sa concert. Unsa ka ka-sure nga sa five thousand nga manan-aw, imong pangalan ang mabunutan para maka-date si Trent? What if di ka maswertihan? Sayang-sayang lang ka's imong jis mil?! Utok besh, gamita."