Cindereluh And The Alien Hunks

CHAPTER NINE

Dear diary,

Nisulod nami sa laysho nga building, kanang pang-teleserye ang level. Tanang employees nga among naagian kay ni-greet niya. They called him "sir". Sakto jud diay, he's the CEO, indeed! Char! Nakasulod lang gani ko'g laysho nga office, na-englishera na dayon ko. Syempre, diary oi, mo-keep up jud ta diring dapita. Abi pa lang... Aww!

Pero grabe, feeling nako he's just around 23-25 years old! Pero ing-ani na s'ya ka successful og kadako ang posisyon. Mura man og kanang mga hot CEO sa Wattpad akong kauban.

Diary, tabang, kami rang duha pagsakay namo's elevator! I feel sophisticated, este, suffocated! Hoo! Jusko, naunsa naman ni oi?! He pressed the 15th button without even looking at me. Awkward. Nakapanglad-ok ko'g bongga sa akong laway. Akong imagination kay bisa'g asa na lang naglutaw. Medyo erotic na. Waa! Lord, pasayloa ko! Ipalayo ko's mga minust points! Unsaon man ni nga makahinumdom man jud ko sa elevator scene ni Christian Grey og Anastasia Steele sa Fifty Shades of Grey. 

"U-uhm... m-mag... mag-unsa diay ta diri?" 

"Wait." Mao ra jud na iyang gisulti. Nagtipid siguro's laway. So, nihilom na lang sad ko.

Pag-abli sa elevator kay naa nami diretso sa usa ka dakong opisina. As in, tibuok floor, iya rang opisina. Minimal ra og designs, 'way daghang arte og chichi-burichi. Maski picture frame, wala. Mailhan jud nga lalaki ang tag-iya. Naa ra'y mga indoor plants. Black, white, and gray ang dominant colors sa opisina gikan sa sofas, cabinets og uban pang furnitures. Automatic nga ni-open ang usa ka glass door og nisulod mi sa mismong office jud niya. Nilingkod s'ya atubangan sa iyang pang-mayamang table. Lakas maka-powerful person ang dating oi. For a moment, medyo na-intimidate ko. Pero, syempre, 'wa ko nagpadala oi. Duh? Kinsa diay bida diri? 'Di ba, ako?

"Have a seat," he coldly said og gitudlo ang chair sa atubangan. Nilingkod ko, diary, kay wa'y tambal sa "barikos".

"So, asa nang bayad? Tseke?"

"Nope."

"So, unsa man jud diay imong ibayad nako? Dali bi, aron makauli nako."

Nagdali jud ko. Kay aside sa 'wa ko'y salig niya, mapatyan sad ko's mga kontrabida kung madugay ko'g uli. Daghan pa baya kaayong buhatunon sa mansyon. Daghan pa to sila'g isugo nako.

"Wait." Naa siya'y gikuha nga envelope sa usa ka cabinet og iya tong gihatag nako. "Read it." 

"U-unsa man ni?"

Gidawat nako og giablihan. Nagbarog s'ya while nagsandig ang bukton sa swivel chair og nagsige'g tutok nako. Maka-conscious, diary, as in! Kung ing-ani nga mag-sige siya'g tan-aw nako, eh 'di, makita niya in HD akong fezlalo. Ulaw pud oi.

Nisiga akong mata pagkakita sa papel nga naa sulod sa envelope. 

"Hala, kontrata lagi ni? Unsa man ni?!" Nag-panic nako. Ing-ani man to ang gihatag ni Mr. Grey kang Anastasia. Contract pud to. Juskoo! Iya ko himuong submissive? No way. Bahala'g gwapo s'ya, 'di ko palabot nga ma-sex slave ko. "No, thanks." Ako dayon gibutang ang contract sa iyang lamesa. "I'm not cheap."

"Huh?" 

"'Di ko cheap, 'di ko desperada og di ko uto-uto." 

"Wait, what?!" 

"Kahibaw kong gwapo ka, hot og dato. Pero 'di na rason para mosugot kong ma-submissive nimo. Feel ra sad kaayo nimong moment ha." 

"Submissive?! What the fuck are you talking about?!" 

"Ayaw ko'g ilara, dude. Bisa'g di ko bright sa English, nakasabot ko sa libro og salida nga Fifty Shades of Grey. Kahibaw ko unsa imong plano nako. Imo kong i-blindfold gamit imong necktie dayon hiktan og posas akong kamot. Isakay ko nimo'g helicopter dayon dad-on sa playroom." 

"What?!" 

"Ayaw ko'g apil-apila sa imong biga tawhana ka. Manyak!" 

"Are you serious?"

"Mura ko'g nag-joke?! Close ta para mag-joke nimo?!" 

"Do you seriously think I'm like Mr. Grey?" 

"Ambot nimo." 'Di ko madala ana iyang pag-english-english. 'Di porke't maayo siyang mo-English, masaligan na s'ya.

"And even if I'm like Christian Grey, do you think ikaw ang type sa babaye nga himuon nako'g submissive?"

Ouch. Sakit lagi ni s'ya mangistorya ay. Personalay naman ni iyang atake. Sakit sa dughan. Duot sa bukog.

Gitutokan ko niya gikan sa ulo hangtod sa tiil. Mura'g microscope iyang mata nga makakita gikan sa pinaka-gamay nakong kuto hangtod sa akong cuticle. O-kaay. Naulawan ko'g 1/4 dah! Feeler sad kaayo ko gud. Sorry naman.

"So, unsa man diay ning kontrataha?" 

"So, nidiretso lang ka'g yawyaw without even reading the contract? Stupid..." he whispered the last word.

"Hoy! Kadungog ko ato, ha. Alangan bi..." 

"Your imagination is a bit wild. I'm just offering you a job." 

"Huh?" 

"I need an assistant." 

"Nag-eskwela ko, 'wa ko'y time." 

"Part-time ra ni s'ya. Dako ang sweldo. Chance na ni nimo para makalayo sa imong stepmother og stepsisters nga salbahis kaayo nimo." 

"W-wait lang... N-nganong...?" 

"Trust me, I know a lot of things about you." 

"Stalker ka?" 

"Assuming na kaayo ka, ha. What do they call people like you again? Delulu?"

"Excuse me? 'Di ko delulu! Nganong kaila man ka nako? Kinsa man jud ka?" 

"There's a right time for me to answer all of your questions. But it's not today." 

"Pero—"

"For now, let's focus on my offer. So, will you take it... or leave it?" 

Naglabad ang ulo, 

Cindereluh

P.S. Nganong gibasa man to nakong Fifty Shades of Grey oi? Wrong decision! Tsk!